அம்பை - 13 (நெல்)

அம்பை - 13 (ASD 13) பிரபலமாக அரிக்கிரவை (Arikiravai) எனப்படும் இந்த நெல் வகை, நல் விதைத் தேர்வு (Pureline) முறையில் உருவாக்கப்பட்ட தமிழ்நாட்டின் நெல் வகையாகும்.

அம்பை - 13 ASD 13
வேளாண் பெயர்
அரிக்கிரவை
பேரினம்
ஒரய்சா
இனம்
ஒரய்சா சாட்டிவா
கலப்பினம்
நல் விதைத் தேர்வு முறை
வகை
புதிய நெல் வகை
காலம்
170 - 175 நாட்கள்
மகசூல்
4000 கிலோஎக்டேர்
வெளியீடு
1965
வெளியீட்டு நிறுவனம்
TNAU, அம்பாசமுத்திரம்
மாநிலம்
தமிழ் நாடு
நாடு
இந்தியா

வெளியீடு

தமிழக நெல்லை மாவட்டத்தின், அம்பையில் அமைந்துள்ள தமிழ்நாடு நெல் ஆராய்ச்சி நிறுவனம் (Rice Research Station, Ambasamudram), 1965 ஆம் ஆண்டு, இவ்வகை நெல்லை வெளியிடப்பட்டதாக அறியப்படுகிறது.

காலம்

நீண்டக்கால நெற்பயிர்களில் ஒன்றான இது, 170 நாட்களில் அறுவடைக்கு வரக்கூடியதாக கருதப்படுகிறது. இதுபோன்ற நெடுங்கால நெற்பயிர்கள், முன் சம்பா, சம்பா, பின்சம்பா, தாளடி / பிசாணம், மற்றும் பின் பிசாணம். போன்ற பட்டங்கள் (பருவங்கள்) ஏற்றதாக கூறப்படுகிறது.

சாகுபடி

நீர்ப்பாசன வசதியுள்ள, தமிழகத்தின் அனைத்து மாவட்டங்களிலும், சாகுபடி செய்ய உகந்தப் பகுதியாக கூறப்படும் அம்பை - 13 நெல் வகை, புதுச்சேரி ஒன்றியப் பகுதியிலும் சாகுபடி செய்ய பரிந்துரைக்கப்படுகிறது.

சிறப்புப் பண்புகள்

• இந்த நெல் இரகம், ஒரு ஏக்கருக்கு 4000 கிலோவரை (4.0 t/ha) மகசூல் தரக்கூடியது.
• இதன் நெற்பயிர், பிசாணப் பருவத்தில் அதிக விளைச்சல் தரக்கூடியது.
• இந்நேல்லின் அரிசி, சிவப்பு நிறத்தில் பெரிய தடித்த வடிவில் உள்ளது.
• அம்பை - 13 இன் அரிசி மாவு, இட்லிக்கு மிகவும் ஏற்றதாகும்.

இவற்றையும் காண்க

• பாரம்பரிய நெல்
• இயற்கை வேளாண்மை
• வேளாண்மை