அம்பை - 17 (நெல்)

அம்பை - 17 (ASD 17) எனப்படும் இந்த நெல் வகை, ஆடுதுறை - 31, ரத்னா, ஏ எஸ் பீ - 8, மற்றும் ஐ ஆர் - 8 (ADT 31 / Rathna / ASP 8 / IR 8) என நான்கு நெல் இரகங்களை இணைத்து உருவாக்கப்பட்ட தமிழ்நாட்டின் நெல் வகையாகும்.

அம்பை - 17 ASD 17
பேரினம்
ஒரய்சா
இனம்
ஒரய்சா சாட்டிவா
கலப்பினம்
ஏடிடீ-31, ரத்னா, ஏஎஸ்பீ-8 & ஐஆர்-8
வகை
புதிய நெல் வகை
காலம்
100 - 105 நாட்கள்
மகசூல்
5400 கிலோஎக்டேர்
வெளியீடு
1989
வெளியீட்டு நிறுவனம்
TNAU, அம்பாசமுத்திரம்
மாநிலம்
தமிழ் நாடு
நாடு
இந்தியா

வெளியீடு

தமிழக நெல்லை மாவட்டத்தின், அம்பையில் அமைந்துள்ள தமிழ்நாடு நெல் ஆராய்ச்சி நிறுவனம் (Rice Research Station, Ambasamudram), 1989 ஆம் ஆண்டு, இவ்வகை நெல்லை வெளியிடப்பட்டதாக அறியப்படுகிறது.

காலம்

குறுகியகால நெற்பயிர்களில் ஒன்றான இது, 100 நாட்களில் அறுவடைக்கு வரக்கூடியதாக கருதப்படுகிறது. இதுபோன்ற குறுங்கால நெற்பயிர்கள், நவரை, சொர்ணவாரி, கார், குறுவை, மற்றும் பின்தாளடி போன்ற பட்டங்கள் (பருவங்கள்) ஏற்றதாக கூறப்படுகிறது.

சாகுபடி

நீர்ப்பாசன வசதியுள்ள, தமிழகத்தின் அனைத்து மாவட்டங்களிலும், சாகுபடி செய்ய உகந்தப் பகுதியாக கூறப்படும் அம்பை - 17 நெல் வகை, புதுச்சேரி ஒன்றியப் பகுதியிலும் சாகுபடி செய்ய பரிந்துரைக்கப்படுகிறது.

சிறப்புப் பண்புகள்

• இந்த நெல் இரகம், ஒரு ஏக்கருக்கு 5400 கிலோவரை (5.4 t/ha) மகசூல் தரக்கூடியது.
• இவ்வகை, நேரடி விதைப்பு முறைக்கு மிகவும் ஏற்றது.
• இந்நேல்லின் அரிசி, சிவப்பு நிறத்தில் குறுகிய குண்டு வடிவில் காணப்படுகிறது.
• இந்த நெல்லை சாகுபடி செய்ய, கார், மற்றும் பின் பிசாணம் போன்ற பருவங்கள் மிகவும் உகந்தது.

இவற்றையும் காண்க

• பாரம்பரிய நெல்
• இயற்கை வேளாண்மை
• வேளாண்மை