அலிபாபா குழுமம்
அலிபாபா சார்பு வைப்புக் குழுமம் (Alibaba Group Holding Limited, 阿里巴巴集团, நியாபச: BABA) சீனாவின் அங்சூவிலிருந்து இயங்கும் இணையவழி இலத்திரனியல் வணிக நிறுவனங்களின் சார்பு வைப்பு பொதுப்பங்கு நிறுவனமாகும். இந்நிறுவனங்கள் இணையவழி வணிகரிடை வர்த்தகங்களுக்கு வழிகோலும் வலைத்தளங்களையும், இணையவழி சில்லறை மற்றும் பணப்பட்டுவாடா சேவைகளையும் கடைகளுக்கானத் தேடுகருவியையும் மேகக் கணிமை தரவு சேவைகளையும் வழங்கி வருகின்றன. இந்தக் குழுமம் 1999இல் ஜாக் மாவால் நிறுவப்பட்டது. முதலில் அலிபாபா.கொம் என்ற வலைத்தளத்தை சீனத் தயாரிப்பாளர்களை வெளிநாட்டு வணிகர்களுடன் இணைக்க வழிசெய்வதற்காக ஜாக் மா உருவாக்கினார்.
 | |
| வகை | பொது |
|---|---|
| நிறுவுகை | அங்சூ, சீன மக்கள் குடியரசு (4 ஏப்ரல் 1999) |
| தலைமையகம் | அங்சூ, சீன மக்கள் குடியரசு |
| சேவை வழங்கும் பகுதி | உலகளவில் |
| முதன்மை நபர்கள் |
|
| தொழில்துறை | இணையம், இலத்திரனியல் வர்த்தகம், கணினி மென்பொருள் |
| வருமானம் |  அமெரிக்க டாலர் 7.5 பில்லியன் (2013) [1] |
| பணியாளர் | 22,000 (மார்ச் 2014)[2] |
| உள்ளடக்கிய மாவட்டங்கள் |
|
| இணையத்தளம் | www |
| அலிபாபா குழுமம் | |||||||
|---|---|---|---|---|---|---|---|
| சீன எழுத்துமுறை | 阿里巴巴集團 | ||||||
| எளிய சீனம் | 阿里巴巴集团 | ||||||
| |||||||
2012இல் அலிபாபாவின் இரண்டு வலைவாசல்கள் 1.1 டிரில்லியன் யுவான் ($170 பில்லியன்) மதிப்புள்ள விற்பனையை கையாண்டுள்ளன; இது இதன் போட்டியாளர்களான இபே மற்றும் அமேசான்.காம் நிறுவனங்களின் கூட்டு விற்பனைகளை விட கூடுதலாகும்.[3] செப்டம்பர் 19, 2014 அன்று வரலாற்றுச் சிறப்புமிக்க முதல் பொதுப்பங்கு வெளியீட்டின்போது (IPO) பங்குச்சந்தை மூடும் நேரத்தில் இந்த நிறுவனத்தின் சந்தை மதிப்பீடு US$231 பில்லியனை எட்டியது.[4]
அலிபாபாவின் நுகர்வோருக்கிடை வலைவாசல், இபேயை ஒத்த, டாவோபாவோவில் பில்லியனுக்கும் கூடுதலான பொருட்கள் விற்கப்படுகின்றன; உலகில் மிகவும் கூடுதலாகப் பார்வையிடப்படும் முதல் 20 வலைத்தளங்களில் ஒன்றாக விளங்குகிறது. சீனாவில் 2013இல் கையாளப்பட்ட மொத்த பொதிகளில் 60% அலிபாபாவின் குழும நிறுவனங்களின் வலைத்தளங்கள் மூலமாகவே அனுப்பப்பட்டுள்ளன.[3] இது செப்டம்பர் 2014இல் 80% ஆக உயர்ந்தது.[4] அலிப்பே எனப்படும் பணப்பட்டுவாடா சேவை சீனாவின் இணைய பரிவர்த்தனைகளில் கிட்டத்தட்ட பாதிக்கும் மேலாக கையாண்டுள்ளது.[5]
அலிபாபா இந்தியாவில் காலடி பதிக்க திட்டமிட்டது; இதற்காக செப்டம்பர் 2014இல் இசுனாப்டீல் நிறுவனத்துடன் பேச்சு வார்த்தை நடத்தியது.[6]
மேற்சான்றுகள்
தொகு- ↑ "2011年阿里集团收入达28亿美元 利润率超40%" (in Chinese). Sohu. 2012-06-07.
{{cite web}}: CS1 maint: unrecognized language (link) - ↑ "Alibaba group FAQs". 2012-06-07.
- ↑ 3.0 3.1 "E-commerce in China: The Alibaba phenomenon". தி எக்கனாமிஸ்ட். 23 March 2013. http://www.economist.com/news/leaders/21573981-chinas-e-commerce-giant-could-generate-enormous-wealthprovided-countrys-rulers-leave-it.
- ↑ 4.0 4.1 LIANA B. BAKER, JESSICA TOONKEL, RYAN VLASTELICA (19 September 2014). "Alibaba surges 38 percent on massive demand in market debut". Reuters இம் மூலத்தில் இருந்து 20 செப்டம்பர் 2014 அன்று. பரணிடப்பட்டது.. https://web.archive.org/web/20140920031106/http://www.reuters.com/article/2014/09/19/us-alibaba-ipo-idUSKBN0HD2CO20140919. பார்த்த நாள்: 20 September 2014.
- ↑ "Alibaba: The world’s greatest bazaar". தி எக்கனாமிஸ்ட். 23 March 2013. http://www.economist.com/news/briefing/21573980-alibaba-trailblazing-chinese-internet-giant-will-soon-go-public-worlds-greatest-bazaar.
- ↑ "Alibaba in funding talks with Snapdeal". தி டைம்ஸ் ஆஃப் இந்தியா. 18 September 2014. http://timesofindia.indiatimes.com/Tech/Tech-News/Alibaba-in-funding-talks-with-Snapdeal/articleshow/42791598.cms.
வெளி இணைப்புகள்
தொகு