ஆனந்த் டெல்டும்டே
ஆனந்த் டெல்டும்டே (Anand Teltumbde) ஓர் இந்திய எழுத்தாளரும், அறிஞரும் சமூக உரிமைப் போராளியுமாவார். இவர் கோவா மேலாண்மை நிறுவனத்தில், மேலாண்மை பேராசிரியராக உள்ளார். இந்தியாவில் சாதி அமைப்பு பற்றி விரிவாக எழுதியுள்ளார். மேலும், இவர் தலித்துகளின் உரிமைகளுக்காக பொதுவெளியில் வாதிடுபவர்.[1] இவர் மஹாராஸ்டிராவில் ரஜூர் என்ற சிறு நகரில் பிறந்தவர். இவரது மனைவி ரமா, டாக்டர் அம்பேத்காரின் பேத்தி ஆவார்.
ஆனந்த் டெல்டும்டே Anand Teltumbde | |
|---|---|
 2020இல் ஆனந்த் டெல்டும்டே | |
| பிறப்பு | 15 சூலை 1951 இராசூர், மும்பை மாகாணம் (தற்போதைய மகாராட்டிரம்), இந்தியா |
| படித்த கல்வி நிறுவனங்கள் | விசுவேசுவராய தேசிய தொழில்நுட்பக் கல்லூரி (தொழில்நுட்பவியல் இளையர்) இந்திய மேலாண்மை கழகம் அகமதாபாத் (முதுகலை வணிக மேலாண்மை) |
| பணி | பேராசிரியர், எழுத்தாளர் |
| வாழ்க்கைத் துணை | இராமா அம்பேத்கர் |
| உறவினர்கள் | மிலந்த் டெல்டும்டே (தம்பி) |
கோரேகான் பீமா வன்முறை வழக்கில் தேடப்படும் குற்றவாளியான இவரது தம்பி மிலிந்த் டெல்டும்டே மாவோயிஸ்ட் அமைப்பின் தலைவரும், நக்சலைட் தலைவரும் ஆவார். 13 நவம்பர் 2021 அன்று மிலிந்த் டெல்டும்டே உள்ளிட்ட 26 நக்சலைட்டுகள், மகாராட்டிரா மாநில காவல்துறையினரால் கட்சிரோலி மாவட்ட வனப்பகுதியில் சுட்டுக்கொல்லப்பட்டனர்.[2]
கல்வி மற்றும் பணி
தொகுதெல்தும்டே தனது பொறியியல் பட்டப்படிப்பை விசுவேசவரய்யா தேசிய தொழில்நுட்ப நிறுவனத்தில் முடித்தார். தனது முதுகலை வணிக மேலாண்மை பட்டப்படிப்பை அகமதாபாத் இந்திய மேலாண்மைக் கழகத்தில் முடித்தார். கருநாடக மாநில திறந்த நிலைப் பல்கலைக்கழகம் இவருக்கு கெளரவ முனைவர் பட்டத்தை வழங்கியது.[3] இவர் சைபர்னேடிக் படிமமாக்கலில் முனைவர் பட்டத்தையும் பெற்றுள்ளார்.[1]
டெல்டும்டே ஒரு கல்வியாளராகப் பணியைத் தொடங்குவதற்கு முன்னதாக பாரத பெட்ரோலியம் நிறுவனத்தில் செயல் அலுவலராகவும், பெட்ரோநெட் இந்திய நிறுவனத்தில் நிர்வாக மேலாளராகவும் இருந்தார்.[4][5] முதலில் கரக்பூர் இந்திய தொழில்நுட்பக் கழகத்தில் பேராசிரியராகவும், பிறகு கோவா மேலாண்மைக் கல்வி நிறுவனத்தில் முதுநிலை பேராசிரியராகவும் பணிபுரிந்தார்.[4][6][7] எக்னாமிக் அண்டு பொலிடிகல் வீக்லி என்ற பத்திரிக்கையில் "மார்ஜின் ஸ்பீக்" என்ற தலைப்பிலான பத்தியை எழுதி வந்தார்.[8] அவுட்லுக் இதழிலும் இவர் தனது பங்களிப்பை வழங்கி வந்தார்.[9] மேலும், தெகெல்கா என்ற பத்திரிக்கைக்காகவும்,[10] மற்றும் செமினார் என்ற வலைத்தளத்திலும் எழுதி வந்தார்.[11][12]
புத்தகங்கள்
தொகு- 'சாதியின் குடியரசு'[13]
- உலகமயமாதலும் தலித்களும்
- தலித்துகள் - நேற்று இன்று நாளை
- மஹத் - முதல் தலித் புரட்சியின் உருவாக்கம்
- கைர்லாஞ்சி
- அம்பேத்கரியர்கள்: நெருக்கடியும் சவால்களும்
- அம்பேத்கருக்குப் பிந்தைய தலித் இயக்கங்கள்
- முஸ்லீம்கள் குறித்து அம்பேத்கர் கட்டுக்கதைகளும் உண்மை விவரங்களும்
- ஏகாதிபத்திய எதிர்ப்பும் சாதி ஒழிப்பும்
மேற்கோள்கள்
தொகு- ↑ 1.0 1.1 Sampath, G. (16 February 2019). "Who is Anand Teltumbde, and why was he arrested recently?". The Hindu.
- ↑ கட்சிரோலி போலீஸ் என்கவுன்டரில் 26 மாவோயிஸ்டுகள் பலி: முக்கிய தலைவர் மிலிந்த் டெல்டும்டே கொல்லப்பட்டார்
- ↑ Deshmukh, Chaitraly (February 3, 2019). "Court rules against Pune police's Elgaar arrest". Mid-day.com.
- ↑ 4.0 4.1 "Anand Teltumbde". Goa Institute of Management. Archived from the original on 28 மார்ச் 2019. பார்க்கப்பட்ட நாள் 10 March 2019.
{{cite web}}: Check date values in:|archive-date=(help) - ↑ "Anand Teltumbde – Executive Profile". Bloomberg. பார்க்கப்பட்ட நாள் 10 March 2019.
- ↑ "Anand Teltumbde". Indian Institute of Technology Kharagpur. Archived from the original on 8 மே 2014. பார்க்கப்பட்ட நாள் 10 March 2019.
- ↑ Gauree Malkarnekar (29 May 2018). "GIM's introduces country's first programme in Big Data Analysis".
- ↑ "Margin Speak". Economic and Political Weekly. பார்க்கப்பட்ட நாள் 29 January 2017.
- ↑ Teltumbde, Anand (20 August 2012). "It's Not Red Vs Blue". Outlook India.
- ↑ Teltumbde, Anand (24 May 2011). "The false Dalit of capital". Tehelka. Archived from the original on 2 June 2011. பார்க்கப்பட்ட நாள் 29 January 2017.
- ↑ Teltumbde, Anand (28 February 2012). "Identity politics and the annihilation of castes". india-seminar.com. பார்க்கப்பட்ட நாள் 29 January 2017.
- ↑ Teltumbde, Anand (30 July 2011). "Corruption and injustice". india-seminar.com. பார்க்கப்பட்ட நாள் 29 January 2017.
- ↑ "சாதியின் குடியரசு (நூல்)".