ஆர். பி. உலகநம்பி

ஆர். பி. உலகநம்பி (R. P. Ulaganambi) என்பவர்(10 ஜூன் 1938 - 7 ஜனவரி 2020) தமிழ்நாட்டைச் சேர்ந்த இந்திய வழக்கறிஞர் மற்றும் அரசியல்வாதி ஆவார். இவர் இந்திய நாடாளுமன்ற மக்களவை உறுப்பினராக இருந்தார் .

ஆர். பி. உலகநம்பி
நாடாளுமன்ற மக்களவை உறுப்பினர்
பதவியில் 1971–1977
முன்னையவர்	குசேலர்
பின்னவர்	வி. தண்டாயுதபாணி
தொகுதி	வேலூர்
தனிப்பட்ட விவரங்கள்
பிறப்பு	(1938-06-10)10 சூன் 1938
இறப்பு	7 சனவரி 2020(2020-01-07) (அகவை 81)

வாழ்க்கை வரலாறு

உலகநம்பி 1938ஆம் ஆண்டு ஜூன் 10 ஆம் தேதி இராணிப்பேட்டையில் பிறந்தார். இவர் தான் போசுகோ உயர்நிலைப் பள்ளி, பச்சையப்பன் கல்லூரி, மாநிலக் கல்லூரி மற்றும் சென்னை சட்டக் கல்லூரியில் கல்வி பயின்றார் . இவர் 1971-ல் வேலூர் மக்களவைத் தொகுதிக்கு நடைபெற்ற தேர்தலில் திராவிட முன்னேற்றக் கழக வேட்பாளராகப் போட்டியிட்டு மக்களவை உறுப்பினராகத் தேர்ந்தெடுக்கப்பட்டார். பின்னர், கட்சி மேலிடத்துடன் ஏற்பட்ட கருத்து வேறுபாட்டால் திமுக விலிருந்து விலகி இந்திய தேசிய காங்கிரசில் சேர்ந்தார். 

உலகநம்பி 7 ஜனவரி 2020 அன்று தனது 81வது வயதில் காலமானார்.