இந்திய அமைச்சரவைச் செயலாளர்
அமைச்சரவைச் செயலாளர் ( IAST : Mantrimaṇḍala Saciva ) என்பவர் இந்திய அரசின் மிக உயர்ந்த நிர்வாக அதிகாரி மற்றும் இந்தியக் குடியியல் பணிகளின் மிக மூத்த அரசு ஊழியர் ஆவார். ஓர் அமைச்சரவை செயலாளர் குடியியல் பணிகள் கழகம், அமைச்சரவை செயலகம், இந்திய நிர்வாக சேவை (ஐ.ஏ.எஸ்) மற்றும் அரசாங்கத்தின் அலுவல் விதிகளின் கீழ் அனைத்து குடிமைப் பணிச் சேவைகளின் முன்னாள் அலுவலர் தலைவராகவும் உள்ளார். அமைச்சரவைச் செயலாளர் இந்திய ஆட்சிப் பணியின் மிக மூத்த உயரிய பதவியில் உள்ளார்,[4] இந்திய முன்னுரிமை வரிசையில் பதினொன்றாவது இடத்தில் உள்ளார் .[5][6][7] அமைச்சரவைச் செயலாளர் பிரதமரின் நேரடி பொறுப்பில் உள்ளார். 2010 முதல், அமைச்சரவை செயலாளரின் பதவிக்காலம் அதிகபட்சமாக நான்கு ஆண்டுகளாக நீட்டிக்கப்பட்டது.[1][2]
| இந்திய அமைச்சரவைச் செயலாளர்
Mantrimaṇḍala Saciva | |
|---|---|
 | |
 | |
| Cabinet Secretariat | |
| சுருக்கம் | CSl |
| உறுப்பினர் | குடிமைப் பணிகள் கழகம் செயலாளர்கள் குழுவின் செயலாளர் மாநிலங்களின் தலைமைச் செயலாளர்களின் மாநாடு முத்த நியமனக் குழு தேசிய பாதுகாப்பு மன்றம் விண்வெளி ஆணைக்குழு அணுசக்தி ஆணைக்குழு |
| அறிக்கைகள் | |
| வாழுமிடம் | 32, பிருதிவிராஜ் சாலை, புது தில்லி |
| Seat | நடுவண் தலைமைச் செயலகம் (இந்தியா), தலைமைச் செயலக கட்டிடம், புது தில்லி, புது தில்லி |
| நியமிப்பவர் | நியமனத்திற்கான அமைச்சரவைக் குழு (ACC) The Cabinet Secretary is the most senior officer of the IAS. The appointee for the office is approved by நியமனத்திற்கான அமைச்சரவைக் குழு headed by Prime Minister, based on the appointee's ability and the confidence of the Prime Minister. |
| பதவிக் காலம் | 4 years[1][2] |
| முதலாவதாக பதவியேற்றவர் | என். ஆர். பிள்ளை, ICS |
| உருவாக்கம் | 6 பெப்ரவரி 1950 |
| அடுத்து வருபவர் | (முன்னுரிமை வரிசை (இந்தியா))11 ஆவது |
| ஊதியம் | ₹2,50,000 (US$3,300)மாதம் [3] |
| இணையதளம் | cabsec |
வரலாறுதொகு
தோற்றம்தொகு
இன்றைய அமைச்சரவையின் முன்னோடி, அக்கால வைசிராயின் நிர்வாக சபை ஆகும். வைஸ்ராய் என்பவர் 1858 முதல் 1947 வரை வைசிராயும் இந்தியத் தலைமை ஆளுநரும் ஆவார். இந்த வைசிராயின் தனிச் செயலாளர் தலைமையில் ஒரு தலைமைச் செயலகம் இருந்தது. முதலில், இந்த செயலகத்தின் பங்கு நிர்வாக சபை தொடர்பான ஆவணங்களை கவனித்துக்கொள்வது மட்டுமேயாக இருந்தது. ஆனால் இந்த நிர்வாக சபையின் கீழ் தனிப்பட்ட துறைகளின் பணிகள் அதிகரித்தபோது, செயலகத்தின் பணிகளும் மிகவும் சிக்கலானவையாக மாறின. வைசிராயின் தனிச் செயலாளர் செயலகத்தின் செயலாளராக அறியப்பட்டார். துறைகளின் பணிகளை ஒருங்கிணைப்பது செயலகத்தின் முக்கியப் பணியாக மாறியது காலப்போக்கில் இந்த பதவி மிகவும் சக்திவாய்ந்ததாக மாறியது. 1946 ஆம் ஆண்டில், செயலகம் அமைச்சரவைச் செயலகமாகவும், செயலாளர் அமைச்சரவைச் செயலாளராகவும் ஆனார்.
1947 இல் சுதந்திரத்திற்குப் பிறகு, செயலகத்தின் செயல்பாடுகள் பெரிய மாற்றங்களைச் சந்தித்தன. பொருளாதார, பாதுகாப்பு மற்றும் உளவுத்துறை தொடர்பான தொடர் குழுக்கள் அமைச்சரவை செயலகத்தின் கீழ் அமைக்கப்பட்டன. சுதந்திரத்திற்குப் பிறகு உருவாக்கப்பட்ட பெரும்பாலான துறைகள் அமைச்சரவை செயலகத்தின் கீழ் செயல்பட்டு பின்னர் அந்தந்த அமைச்சகங்களுக்கு வழங்கப்பட்டன. குடிமைப் பணி சேவையில் செயலகம் சந்திக்கும் அன்றாடச் சவால்களை எதிர்கொள்ளும் திறன்களும் தகுதியும் இருப்பதை உறுதி செய்வதற்கும், அரசு ஊழியர்கள் நியாயமான மற்றும் ஒழுக்கமான சூழலில் பணியாற்றுவதற்கும் இந்த அமைச்சரவைச் செயலாளர் பதவியில் இருப்பவரே முழுப் பொறுப்பு ஆகும்.
செயல்பாடுகள் மற்றும் சக்திதொகு
அமைச்சரவை செயலாளரின் செயல்பாடுகள் பின்வருமாறு:அமைச்சரவை செயலகத்திற்கு தலைமை தாங்குகிறார்.[8] மத்திய அரசின் தலைமை ஒருங்கிணைப்பாளராக செயல்படுகிறார் [9] இந்திய ஆட்சிப் பணிகள் கழகத்தின் தலைவராக செயல்படுகிறார். இதனுடன் செயலாளர், கூடுதல் செயலாளர் மற்றும் இணை செயலாளர் பதவிகளுக்கு அதிகாரிகளை மேம்படுத்துவது தொடர்பாகப் பரிந்துரை செய்கிறார்.[10] நிர்வாக செயலாளர்கள் குழுவின் தலைவராகச் செயல்படுகிறார். மாநிலங்களின் தலைமை செயலாளர்களின் மாநாட்டின் தலைவராகச் செயல்படுவது. நியமனத்திற்கான அமைச்சரவைக் குழுவின் (ஏ.சி.சி) செயலாளர் மற்றும் கூடுதல் செயலாளர் பதவிகளில் உள்ள அதிகாரிகளின் பதவிகளைப் பரிந்துரைப்பது. மூத்த தேர்வு வாரியத்தின் தலைவராக செயல்படுகிறார், இதனால் மத்திய அரசாங்கத்தில் இணை செயலாளர் பதவியில் உள்ள அதிகாரிகளை அமைச்சரவையின் நியமனக் குழுவுக்கு (ஏ.சி.சி) பரிந்துரைக்கிறார். பிரதமரின் மூத்த ஆலோசகராக செயல்படுகிறார்.அமைச்சர்கள் சபைக்கு உதவி வழங்குதல். அமைச்சரவையின் நிகழ்ச்சி நிரலைத் தயாரித்து அதன் கூட்டங்களைப் பதிவு செய்தல். நெருக்கடிகளின் போது நிர்வாகத்திற்கு தொடர்ச்சி மற்றும் உறுதித் தன்மையின் ஒரு கூறுகளை வழங்கவும் செய்கிறார்.
மேற்கோள்கள்தொகு
- ↑ 1.0 1.1 "Four years for Cabinet Secretary". தி இந்து. July 22, 2010. July 18, 2018 அன்று பார்க்கப்பட்டது.
- ↑ 2.0 2.1 "Fixed four-year tenure for Cabinet Secretary". இந்தியன் எக்சுபிரசு. July 22, 2010. July 18, 2018 அன்று பார்க்கப்பட்டது.
- ↑ Biswas, Shreya, ed. (June 29, 2016). "7th Pay Commission cleared: What is the Pay Commission? How does it affect salaries?". இந்தியா டுடே. September 24, 2017 அன்று பார்க்கப்பட்டது.
- ↑ "Even Cabinet Secy's is IAS cadre post: Centre". Rediff.com. March 3, 2008. July 28, 2018 அன்று பார்க்கப்பட்டது.
- ↑ "Order of Precedence" (PDF). Rajya Sabha. President's Secretariat. July 26, 1979. 2010-09-29 அன்று மூலம் (PDF) பரணிடப்பட்டது. September 24, 2017 அன்று பார்க்கப்பட்டது.
- ↑ "Table of Precedence" (PDF). Ministry of Home Affairs, Government of India. President's Secretariat. July 26, 1979. 27 May 2014 அன்று மூலம் (PDF) பரணிடப்பட்டது. September 24, 2017 அன்று பார்க்கப்பட்டது.
- ↑ "Table of Precedence". Ministry of Home Affairs, Government of India. President's Secretariat. 28 April 2014 அன்று மூலம் பரணிடப்பட்டது. September 24, 2017 அன்று பார்க்கப்பட்டது.
- ↑ Iype, George (May 31, 2006). "What does the Cabinet Secretary do?". Rediff.com. September 24, 2017 அன்று பார்க்கப்பட்டது.
- ↑ "Powers & Duties of Officials". Cabinet Secretariat, Government of India. 2017-09-24 அன்று மூலம் பரணிடப்பட்டது. September 24, 2017 அன்று பார்க்கப்பட்டது.
- ↑ "The Current System". Department of Personnel and Training, Government of India. February 12, 2018 அன்று பார்க்கப்பட்டது.