இந்தோனேசிய துணை அதிபர்
இந்தோனேசிய துணை அதிபர் அல்லது இந்தோனேசிய குடியரசின் துணைத் தலைவர் (ஆங்கிலம்: Vice President of Indonesia; இந்தோனேசியம்: Wakil Presiden Republik Indonesia) என்பவர் இந்தோனேசிய அரசாங்கத்தின் நிர்வாகப் பிரிவில் இந்தோனேசிய அதிபருக்குப் பிறகு இரண்டாவது மிக உயர்ந்த அதிகாரி ஆவார். இவர் இந்தோனேசிய அதிபருக்கு அடுத்த நிலையில் உள்ளார்.
| இந்தோனேசிய துணை அதிபர் Vice President of Indonesia Wakil Presiden Republik Indonesia | |
|---|---|
 துணை அதிபர் சின்னம் | |
| இந்தோனேசிய அரசாங்கம் | |
| பதவி | இரண்டாவது மிக உயர்ந்த செயலர் |
| வாழுமிடம் | இந்தோனேசிய துணை அதிபர் அரண்மனை |
| அலுவலகம் | ஜகார்த்தா |
| நியமிப்பவர் | இந்தோனேசிய பொதுத் தேர்தல்கள் |
| பதவிக் காலம் | ஐந்து ஆண்டுகள் |
| அரசமைப்புக் கருவி | இந்தோனேசிய அரசமைப்புச் சட்டம் |
| முதலாவதாக பதவியேற்றவர் | முகமது அட்டா |
| உருவாக்கம் | 18 ஆகத்து 1945 |
| ஊதியம் | ரூபியா 42,160,000 (மாதம்)[1] |
| இணையதளம் | Official website |
தற்போது ஜிப்ரான் ரகபுமிங் ரகா என்பவர் இந்தோனேசியாவின் துணை அதிபராக உள்ளார் இவர் 14-ஆவது துணை அதிபர்; மற்றும் இந்தோனேசியாவின் மிக இளைய துணை அதிபரும் ; இவர் 20 அக்டோபர் 2024 அன்று பதவியேற்றார்.
பொது
தொகுஇந்தோனேசிய துணை அதிபர் பதவி 1945-ஆம் ஆண்டில் அரசியலமைப்பு உருவாக்கப்பட்ட போது நிறுவப்பட்டது. இந்தப் பதவி முதன்முதலில் 18 ஆகத்து 1945 அன்று முகமது அட்டாவிற்கு வழங்கப்பட்டது.[2]
இந்தோனேசிய துணை அதிபருக்கான வேட்பாளர் பிறப்பிலிருந்து இந்தோனேசிய குடிமகனாக இருக்க வேண்டும்; மற்றும் ஓர் அரசியல் கட்சி அல்லது அரசியல் கட்சிகளின் கூட்டணியால் பரிந்துரைக்கப்பட வேண்டும் என்று 1945-ஆம் ஆண்டில் அரசியலமைப்பில் கூறப்பட்டு உள்ளது.[3][4]
தகுதிகள்
தொகுஇந்தோனேசிய துணை அதிபருக்கான தகுதிகள்:[5][6]
- ஒரே கடவுளை நம்பிக்கை;
- பிறப்பிலிருந்து இந்தோனேசிய குடிமகனாக இருக்க வேண்டும்;
- தேசத்திற்கு துரோகம் செய்திருக்கக் கூடாது; எந்த ஊழலோ அல்லது பிற குற்றங்களிலோ ஈடுபட்டு இருக்கக் கூடாது;
- கடமைகளைச் செய்ய உடல் ரீதியாகவும் மன ரீதியாகவும் திறன் கொண்டவராக இருக்க வேண்டும்;
- இந்தோனேசியா குடியரசில் நிரந்தர குடியிருப்பாளராக இருக்க வேண்டும்;
- லஞ்ச ஒழிப்பு ஆணையத்திடம் தம்முடைய தனிப்பட்ட சொத்துகள் குறித்து தெரிவித்து இருக்க வேண்டும்;
- அரசுக்கு இழப்பை ஏற்படுத்தக்கூடிய தனிப்பட்ட அல்லது கூட்டுக் கடன்கள் இல்லாமல் இருக்க வெண்டும்;
- நீதிமன்ற தீர்ப்பின் மூலம் திவாலானதாக அறிவிக்கப்பட்டு இருக்கக் கூடாது;
- எந்த இழிவான செயலிலும் ஈடுபட்டு இருக்கக் கூடாது;
- வாக்காளராகப் பதிவு செய்யப்பட்டு இருக்க வேண்டும்;
- வரி செலுத்துபவராக பதிவு செய்து, குறைந்தபட்சம் கடந்த ஐந்து ஆண்டுகளாக வரி செலுத்தி இருக்க வேண்டும்;
- இதற்கு முன்பு இரண்டு முறை துணைத் தலைவராக இருந்து இருக்கக் கூடாது;
- பஞ்சசீலா, 1945 அரசியலமைப்பு மற்றும் இந்தோனேசிய விடுதலை அறிவிப்பின் பார்வைக்யில் விசுவாசமாக இருக்க வேண்டும்;
- ஐந்து ஆண்டுகளுக்கும் மேலாக சிறைத்தண்டனை விதிக்கப்பட்டு இருக்கக் கூடாது.
- 35 வயதுக்கும் குறைவாக இருக்கக்கூடாது;
- குறைந்த பட்சம் மூத்த உயர்நிலைப் பள்ளி அல்லது அதே மட்டத்தில் உள்ள மற்ற பள்ளியில் படித்திருக்க வேண்டும்;
- இந்தோனேசியாவின் பொதுவுடைமை கட்சியிலோ அல்லது அந்தக் கட்சியின் பொது அமைப்பிலோ ஒருபோதும் உறுப்பினராக இருந்து இருக்கக் கூடாது.
- துணை அதிபரின் பதவியை நிறைவேற்றுவதற்கான தொலைநோக்கு, நோக்கம் மற்றும் திட்டங்கள் இருக்க வேண்டும்;.
மேற்கோள்கள்
தொகு- ↑ Ihsanuddin (28 May 2018). "Megawati Digaji Rp 112 Juta, Lebih Besar dari Gaji Presiden" (in id). Kompas.com. https://nasional.kompas.com/read/2018/05/28/11292861/megawati-digaji-rp-112-juta-lebih-besar-dari-gaji-presiden.
- ↑ "[R@ntau-Net] Dr. Muhammad Hatta". www.mail-archive.com.
- ↑ "[R@ntau-Net] Mengenang Mundurnya Bung Hatta". www.mail-archive.com.
- ↑ Hughes, John (2002) [1967]. The End of Sukarno: A Coup That Misfired: A Purge That Ran Wild (3rd ed.). Singapore: Archipelago Press. p. 215. பன்னாட்டுத் தரப்புத்தக எண் 981-4068-65-9.
- ↑ "MPR Dan Pemilihan Presiden Langsung - 2001-11-06". Archived from the original on 25 August 2006.
- ↑ "Fighting in the Malukus heightens tensions across Indonesia and within the Wahid cabinet". World Socialist Web Site. 10 January 2000.