ஏஞ்சலிகா அரிபம்

ஏஞ்சலிகா அரிபம் (Angellica Aribam பிறப்பு 22 ஜனவரி 1992) ஓர் இந்திய அரசியல் ஆர்வலர், பாலினம், இனம் மற்றும் அரசியலின் ஜனநாயகமயமாக்கல் பிரச்சினைகளில் பணியாற்றுகிறார். இவர் இந்தியாவில் பெண்களின் அரசியல் தலைமையை ஊக்குவிக்கும் அரசு சாரா அமைப்பான ஃபெம்மி ஃபர்ஸ்ட் ஃபவுண்டேஷனின் நிறுவனர் ஆவார். அரிபாம் இந்திய தேசிய காங்கிரசின் மாணவர் பிரிவான இந்திய தேசிய மாணவர் சங்கத்தின் தேசிய பொதுச் செயலாளராகவும் இருந்தார்.

ஏஞ்சலிகா அரிபம்
ஏஞ்சலிகா அரிபம்
தனிப்பட்ட விவரங்கள்
பிறப்பு	22 சனவரி 1992 (1992-01-22) இம்பால், மணிப்பூர், இந்தியா
தேசியம்	இந்தியன்
கல்வி	பெகிங் பலகலைக்கழகம்,தில்லிபல்கலைக்கழகம்
வேலை	அரசியல் ஆர்வலர், பெண்ணியவாதி
இணையத்தளம்	angellicaaribam.com

அரிபம், ஹிலாரி கிளின்டன் மற்றும் மாடலின் ஆல்பிரைட் ஆகியோரால் நிறுவப்பட்ட வைட்டல் வாய்சசு எனும் அரசு சார்பற்ற அமைப்பின் துவக்க நிகழ்வில் கலந்துகொண்டார். 2017 ஆம் ஆண்டில், கொள்கை மற்றும் அரசியல் குறித்த தனது பணிக்காக போர்ப்ஸ் இந்தியாவின் 30 வயதுக்குட்பட்டவர்களில் ஒருவராக அரிபம் பெயரிடப்பட்டார். இந்தியாவின் வடகிழக்கு பிராந்தியத்திலிருந்து தில்லி பல்கலைக்கழக மாணவர் சங்க நிர்வாகக் குழுவில் தேர்ந்தெடுக்கப்பட்ட முதல் மாணவி இவர் ஆவார்.

ஆரம்ப கால வாழ்க்கை

ஏஞ்சலிகா அரிபம் இந்தியாவின் மணிப்பூரில் உள்ள இம்பால் மேற்கில் மணிபுரி பிராமண குடும்பத்தில் பிறந்தார். அரிபம் எம் சர்மா மற்றும் (மறைந்த) தோயிபி தேவி ஆகியோருக்கு பிறந்த மூன்று உடன்பிறப்புகளில் இளையவர் ஆவார். தனது 12 வது வயதில் பள்ளி படிப்பை முடிப்பதற்காக புது தில்லி சென்றார்.

கல்வி

அரிபாம் கேந்திரிய வித்யாலயா, ஆண்ட்ரூஸ் கஞ்சில் பள்ளிக்குச் சென்றார்.  2012 ஆம் ஆண்டில் தில்லி பல்கலைக்கழகத்தின் ஸ்ரீ வெங்கடேஸ்வரா கல்லூரியின் உயிர் வேதியியலில் சிறபிடத்துடன் இளங்கலை பட்டப்படிப்பை முடித்தார் 2017-2018 இல் அரசியல் வாழ்க்கையிலிருந்து ஓய்வு பெற்றபோது, அரிபாம் ஒரு மாஃப்காம் அறிஞராக இருந்தார் மற்றும் பீக்கிங் பல்கலைக்கழகத்தில் பொதுக் கொள்கையில் முதுகலைப் பட்டம் பெற்றார். இவரது முதுகலை பட்டப்படிப்பு குற்றவியல் சட்டம் (திருத்தம்) சட்டம் 2013 தொடர்பாக கடுமையான கற்பழிப்பு சட்டங்கள் பற்றிய பொது உணர்வில் கவனம் செலுத்தியது. 

அரசியல் பயணம்

அரிபாம் ஜூலை 2012 இல் இந்திய தேசிய காங்கிரசின் மாணவர் பிரிவான இந்திய தேசிய மாணவர் சங்கத்தில் (NSUI) ஒரு நேர்காணலில், பல்வேறு இந்திய நகரங்களில் வடகிழக்கு மக்கள் மீதான இனவெறி தன்னை எவ்வாறு அரசியலில் சேரத் தூண்டியது என்பதை அரிபம் குறிப்பிடுகிறார்.

செப்டம்பர் 2012 இல், தில்லி பல்கலைக்கழகத்தின் சட்ட பீடத்தில், அரிபம் தேர்ந்தெடுக்கப்பட்டார். தொடர்ந்து, தில்லி பல்கலைக்கழக மாணவர் சங்கத்தின் நிர்வாகக் குழுத் தேர்தலில் போட்டியிட்டு வெற்றி பெற்றார். இதன் மூலம், தில்லி பல்கலைக்கழக மாணவர் சங்கத்தில் தேர்ந்தெடுக்கப்பட்ட முதல் வடகிழக்கு மாநிலத்தவர் எனும் பெருமை பெற்றார்.

டிசம்பர் 2012 இல், இவர் ராகுல் காந்தியால் இந்திய தேசிய மாணவர் சங்கத்தில் தேசிய செயலாளராக நியமிக்கப்பட்டார். தேசியக் குழுவில் சேர்ந்த இளைய நபர் இவர் ஆவார்.

2013 ஆம் ஆண்டு ஜெய்ப்பூரில் நடைபெற்ற AICC அமர்வில், அரிபாம் முழு வடகிழக்கு பிராந்தியத்தின் ஒரே பேச்சாளராக இருந்தார். இவர் தனது உரையில், நாடு முழுவதும் வடகிழக்கு புலம்பெயர்ந்தோர் எதிர்கொள்ளும் சவால்கள் குறித்து கவனம் செலுத்தினார்.

16 வது மக்களவைத் தேர்தலுக்கு முன்னதாக, இந்திய தேசிய காங்கிரசிற்கான மாணவர் அறிக்கையின் ஆலோசனைகள், உருவாக்கம் மற்றும் வரைவு செயல்முறைகளில் அரிபாம் பங்களித்தார்.