கற்பகம் (திரைப்படம்)

கற்பகம் 1963 ஆம் ஆண்டு வெளிவந்த தமிழ்த் திரைப்படமாகும். கே. எஸ். கோபாலகிருஷ்ணன் இயக்கத்தில் வெளிவந்த இத்திரைப்படத்தில் ஜெமினி கணேசன், கே. ஆர். விஜயா மற்றும் பலரும் நடித்திருந்தனர். 1964 இல் சிறந்த தமிழ்த் திரைப்படத்துக்கான தேசிய விருது - இரண்டாவது சிறந்த படத்துக்கான தகுதிச் சான்றிதழ் பெற்றுள்ளது.

• இத்திரைப்படத்தின் மூலம் கே. ஆர். விஜயா தமிழ்த் திரைப்படத்துறைக்கு அறிமுகமானார்.

கற்பகம்
இயக்கம்	கே. எஸ். கோபாலகிருஷ்ணன்
தயாரிப்பு	கே. எஸ். சபரிநாத் அமர் ஜோதி மூவீஸ்
இசை	விஸ்வநாதன்-ராமமூர்த்தி
நடிப்பு	ஜெமினி கணேசன் கே. ஆர். விஜயா சாவித்திரி முத்துராமன் எம். ஆர். ராதா எஸ். வி. ரங்கராவ்
வெளியீடு	நவம்பர் 15, 1963
நீளம்	4567 மீட்டர்
நாடு	இந்தியா
மொழி	தமிழ்

பாடல்கள்

இத்திரைப்படத்திற்கு இசையமைத்தவர்கள் விஸ்வநாதன்-ராமமூர்த்தி ஆவார்கள். அனைத்துப் பாடல்களையும் கவிஞர் வாலி எழுதினார். ஒலிப்பதிவில் இடம்பெற்ற அனைத்துப் பாடல்களையும் ஒரே பின்னணி பாடகி பி. சுசீலா பாடினார். "அத்தை மடி மெத்தையடி" மற்றும் "மன்னவனே அழலாமா கண்ணீரை" பாடல்கள் புகழ் பெற்றன.