களியன்

களியன் [Common pochard (Aythya ferina)] என்பது பன்னாட்டு இயற்கைப் பாதுகாப்புச் சங்கத்தால் அழிவாய்ப்பு இனம் [VU] என்று பட்டியலிடப்பட்ட ஒரு முக்குளிக்கும் வகை வாத்து.

களியன்
ஆண்
பெண்
காப்பு நிலை
அழிவாய்ப்பு இனம்  (IUCN 3.1)
உயிரியல் வகைப்பாடு
திணை:	விலங்கு
தொகுதி:	முதுகுநாணி
வரிசை:	அன்செரிபார்மஸ்
குடும்பம்:	Anatidae
பேரினம்:	Aythya
இனம்:	A. ferina
இருசொற் பெயரீடு
Aythya ferina லின்னேயசு|1758
Range of A. ferina     Breeding      Resident      Non-breeding
வேறு பெயர்கள்
Anas ferina Linnaeus, 1758

உடலமைப்பும் கள இயல்புகளும்

உடலமைப்பு

ஆண் வாத்து: அடர் செம்பழுப்பு நிறத் தலை, அலகில் நீலப்பட்டை; சாம்பல் நிற உடலும் கருப்பு மார்பும் கொண்டது.

பெண் வாத்து: கன்னமும் பக்கவாட்டுப் (விலாப்) பகுதியும் வெளிர் நிறம்

பொதுவான இயல்புகள்: முக்கோண வடிவத் தலை; பறக்கும்போது மேல் இறக்கையில் அடர்ந்த ஓரத்துடன் கூடிய மங்கலான பட்டை தெரியும். நீளம் 45 cm இருக்கும்.

கள இயல்புகள்

கொண்டைத்தலை வாத்துகளுடன் சேர்ந்து காணப்படலாம்; முக்குளித்து உண்ணும் வழக்கம் உடையது.

ஒலி: பெண், க்ர்ர க்ர்ர... என்றவாறு கரகரப்பான உறுமலும் ஆண், வீப் வீப் ... என்றவாறான ஓசையும் எழுப்பும். இந்தியாவில் உள்ளபோது எந்தவிதமான ஒலியும் எழுப்புவதில்லை.

பரவலும் வாழ்விடமும்

இனப்பெருக்கம் செய்யும் பகுதி

மேற்கு ஐரோப்பாவிலிருந்து மத்திய ஆசியா (40–60° N) வழியாக தென் மத்திய சைபீரியா மற்றும் வடக்கு சீனா (120° Eவரை).

வலசை போகும் பகுதிகள்

குளிர்காலத்தில் இவை தென் திசையை நோக்கிச் செல்கின்றன; இவை வலசை போகும் பகுதிகள்: வடக்கு மற்றும் கிழக்கு ஆப்பிரிக்கா, பெரும்பாலும் வட இந்தியா, தெற்கு மற்றும் கிழக்கு ஆசியா. இந்தியாவிற்கு வலசை வரும் வாத்துகள் பெருமளவில் கசகஸ்தானின் வடக்கேயுள்ள ரஷ்யா, மங்கோலியா ஆகிய பகுதிகளுக்குத் திரும்புகின்றன.