காசி தமிழ் சங்கமம்
2022 ஆம் ஆண்டு தொடங்கப்பட்ட காசி தமிழ் சங்கமம், (Kashi Tamil Sangamam) தமிழகத்திற்கும் வாரணாசி இடையிலான பழமையான தொடர்புகளைக் கொண்டாடுவதற்கும், மீண்டும் உறுதிப்படுத்துவதற்கும், மீண்டும் கண்டெடுப்பதற்கும் இந்திய அரசின் கல்வி அமைச்சகத்தால் ஏற்பாடு செய்யப்பட்ட ஒரு வருடாந்திர மாத கால நிகழ்ச்சியாகும். இது நவம்பர் 19,2022 அன்று பிரதமர் நரேந்திர மோதியால் தொடங்கி வைக்கப்பட்டது.[1][2][3][4][5][6][7]
| நாள் | நவம்பர் 19, 2022 |
|---|---|
| காலம் | 1 மாதம் |
| அமைவிடம் | வாரணாசி, உத்தரப் பிரதேசம், இந்தியா |
| வகை | அரசு நிதி உதவியுடனான கலாச்சாரப் பரிமாற்ற நிகழ்வு |
| உள்நோக்கம் | தமிழ்நாட்டிற்கும் காசிக்குமான பன்னெடுங்கால கலாச்சாரத் தொடர்புகளைக் கொண்டாட மற்றும் மீண்டும் கண்டெடுக்க |
| நிதி | ₹15 கோடிகள் ($1.8 மில்லியன்) |
| ஏற்பாடு செய்தோர் | கல்வித் துறை அமைச்சகம் (இந்தியா), இந்திய அரசு |
| பங்கேற்றோர் | 2500 |
| விளைவு | தமிழ்நாட்டின் மீதான குவிக்கப்பட்ட கவனம் |
| இணையதளம் | kashitamil |
பின்னணி தொகு
"ஏக பாரதம் ஸ்ரேஷ்ட பாரதம்" என்ற உணர்வை நிலைநிறுத்துவதற்கும், தேசிய கல்விக் கொள்கை 2020 இன் பொருத்தத்தை விரிவுபடுத்துவதற்கும் "விடுதலையின் அமிர்த மகோத்சவத்தின்" ஒரு பகுதியாக, தென்னிந்திய மாநிலமான தமிழ்நாட்டிற்கும் புனித நகரமான வாரணாசிக்கும் (காசி என்றும் அழைக்கப்படுகிறது) இடையிலான அறிவு மற்றும் நாகரிகத்தின் பழமையான தொடர்புகளை மீண்டும் கண்டெடுப்பதை நோக்கமாகக் கொண்டு இந்திய அரசின் கல்வி அமைச்சகத்தின் முன் ஒரு முன்மொழிவு பரிந்துரைக்கப்பட்டது. இந்தத் திட்டத்திற்கு பனாரஸ் இந்து பல்கலைக்கழகத்துடன் இணைந்து ஐஐடி மெட்ராஸ் நிதியுதவி அளித்தது.[8][9][10] சங்கமத்திற்கு சிறப்பு ரயில்களை இந்திய ரயில்வே அமைச்சகம் அறிவித்தது. [11]
பிரதிநிதிகள் குழு தொகு
இந்த நிகழ்ச்சியில் உத்தரப்பிரதேச முதல்வர் யோகி ஆதித்யநாத், உள்துறை அமைச்சர் அமித் சா, பாதுகாப்பு அமைச்சர் ராஜ்நாத் சிங், கல்வி அமைச்சர் தர்மேந்திர பிரதான், பியூஷ் கோயல், கிரண் ரிஜிஜு, தகவல் ஒலிபரப்புத்துறை அமைச்சர் அனுராக் தாக்கூர் உள்ளிட்ட மத்திய அரசின் பெரும்பாலான அமைச்சரவை அமைச்சர்கள் கலந்து கொண்டனர். இதில் சத்குரு, சுவாமி ராம்தேவ், ஸ்ரீ ஸ்ரீ ரவிசங்கர் உள்ளிட்ட முக்கிய ஆன்மீகத் தலைவர்களும் கலந்து கொண்டனர். [12]
சர்ச்சை தொகு
இந்த நிகழ்ச்சிக்கு ஒரு மாதத்திற்கு முன்பு தமிழக முதல்வர் மு. க. ஸ்டாலினுக்கு ஒன்றிய அரசு கடிதம் எழுதியதாகவும், தற்போது நடைபெற்று வரும் காசி தமிழ் சங்கமத்தில் அவரது ஆதரவையும் பங்கேற்பையும் கோரியதாகவும், ஆனால் எந்த பதிலும் கிடைக்கவில்லை என்று கூறப்படுகிறது. இந்த முயற்சிக்கு ஸ்டாலின் ஆதரவளிக்கவில்லை என்று ஒன்றிய அரசு குற்றம் சாட்டியது, அதே நேரத்தில் திராவிட முன்னேற்றக் கழகத் தலைவர்கள் அரசாங்கம் தங்களை அழைக்கவில்லை என்று குற்றம் சாட்டினர்.[13]
நிகழ்ச்சியின் முடிவில் இரயில்வே அமைச்சர் அஸ்வினி வைஷ்னவ் இந்த நிகழ்வை நினைவுகூரும் வகையில் காசி தமிழ் சங்கமம் எக்ஸ்பிரஸ் என்ற பெயரில் வாரணாசி மற்றும் கன்னியாகுமரி இடையே ஒரு புதிய தொடருந்து இணைப்பை உறுதியளித்தார். ஆனால், பின்னர் அவ்வாறான தொடருந்துகள் இயக்கப்படவில்லை.[14][15]
வரவேற்பு தொகு
இந்த நிகழ்ச்சி தமிழ் அறிஞர்களிடமிருந்து சில பாராட்டுகளையும் பெற்றது, ஆனால் சில ஏளனங்களும் கிடைத்தன. அரசியல் நிபுணர்கள் இதை பிரதமர் மோதியின் பேரடி என்று அழைத்தனர், இது எதிர்காலத்தில் அவருக்கு அரசியல் ரீதியாக பயனளிக்கும் வகையில் தமிழ் மக்களின் கவனத்தை ஈர்த்துள்ளதாகவும் கருத்து தெரிவிக்கப்பட்டது. வேறு சிலர், இது பெரும்பாலான தமிழர்களுக்குத் தெரியாது, இது தமிழ் வாக்குகளுக்கான வெட்கக்கேடான அரசியல் சூழ்ச்சி என்று கருத்து தெரிவித்தனர்.[16][17][18]
மேற்கோள்கள் தொகு
- ↑ "PM Modi To Inaugurate 'Kashi Tamil Sangamam' Today; Over 2,500 Delegates To Participate In Special Programmes". NDTV.com.
- ↑ "#Politics | 'History made', says BJP as PM Modi inaugurates Kashi Tamil Sangamam in Varanasi". Nov 19, 2022.
- ↑ https://www.thehindu.com/opinion/op-ed/the-beginning-of-indias-cultural-renaissance/article66360822.ece
- ↑ "Kashi Tamil Sangamam: A true example of unity in diversity". Hindustan Times. Nov 23, 2022.
- ↑ "PM Modi inaugurates Kashi Tamil Sangamam in Varanasi". Hindustan Times. Nov 19, 2022.
- ↑ "Kashi Tamil Sangamam Launched: Uttar Pradesh CM Yogi Adityanath Address At Varanasi". TimesNow. Nov 19, 2022.
- ↑ https://kashitamil.iitm.ac.in/
- ↑ "The Kashi-Tamil Sangamam: Celebrating the confluence of cultures". Dec 15, 2022.
- ↑ "Narendra Modi government's Kashi Tamil Sangamam: Why it is a winner in Tamil Nadu". Nov 24, 2022.
- ↑ "Tamil Nadu Governor Flags Off Kashi Tamil Sangamam Train Carrying Students, Delegates From IIT Madras". NDTV.com.
- ↑ Anand, Saurav (Dec 10, 2022). "Railways announces new train service for Kashi Tamil Sangamam". mint.
- ↑ "PM inaugurates 'Kashi Tamil Sangamam' in Varanasi, Uttar Pradesh". pib.gov.in.
- ↑ "Centre sought Stalin's support, participation in Kashi Tamil Sangamam yet to get response: Sources". Nov 22, 2022.
- ↑ Anand, Saurav (2022-12-10). "Railways announces new train service for Kashi Tamil Sangamam". mint (in ஆங்கிலம்). பார்க்கப்பட்ட நாள் 2023-12-07.
- ↑ "Kannyakumari Dist Rly Users' Assn urges Centre to introduce Kanniyakumari to Varanasi direct train". Navjeevan Express (in அமெரிக்க ஆங்கிலம்). 2022-11-19. பார்க்கப்பட்ட நாள் 2023-12-07.
- ↑ "Kashi Tamil Sangamam Train Flagged Off By Tamil Nadu Governor". NDTV.com.
- ↑ "Tamil Association, CPM Suspect Hindutva Agenda Behind Kashi Tamil Sangamam". newsclick.
- ↑ "AICTE, NBT, Others Exhibit Books On Culture, Literature At Kashi Tamil Sangamam". NDTV.com.