காஞ்சிபுரம் கடகேசுவரர் கோயில்
காஞ்சிபுரம் கடகேசுவரர் கோயில் (கடகேசம்) எனப்படும் இது, காஞ்சிபுரத்திலுள்ள ஒரு சிவன் கோயில் ஆகும். காமாட்சி அம்மையார் இறைவனை வழிபட்டு கடகம் தரித்துக்கொண்ட தலமாகும்.[1] மேலும், இவ்விறைவரை அம்பிகை வழிபட்டதாக அறியப்படும் இக்கோயில் குறிப்புகள், காஞ்சி புராண படலத்துள் உட்கோயில்களாகச் சொல்லப்பட்டுள்ளன.[2]
| காஞ்சிபுரம் கடகேசம். | |
|---|---|
  காஞ்சிபுரம் கடகேசம். | |
| புவியியல் ஆள்கூற்று: | 12°50′37″N 79°42′15″E / 12.843530°N 79.704280°E |
| பெயர் | |
| பெயர்: | காஞ்சிபுரம் கடகேசம். |
| அமைவிடம் | |
| ஊர்: | காஞ்சிபுரம் |
| மாவட்டம்: | காஞ்சிபுரம் |
| மாநிலம்: | தமிழ்நாடு |
| நாடு: |  இந்தியா |
| கோயில் தகவல்கள் | |
| மூலவர்: | கடகேஸ்வரர். |
| தீர்த்தம்: | கடக தீர்த்தம் (கம்மாளத் தெரு தீர்த்தம்) |
தல வரலாறு
தொகுகங்கணேசத்தில் பொன்னாலான காப்புநாணை (கங்கணம்) அணிந்து கொண்ட அம்பிகை, மற்றுமோர் சிவலிங்கத்தைப் பிரதிட்டை செய்து வழிபட்டு, கடகம் அணிந்து கொண்டாள். அதுவே கடகேசம் எனப்பட்டதாக இத்தல வரலாறு உள்ளது.[3]
தல பதிகம்
தொகு- பாடல்: (1) (கடகேச்சரம்)
- நவமணிக் கடகம் பூணும் ஞாங்கருங் கடகே சானச்
- சிவபரஞ் சுடரைப் பூசை செய்துதன் கரத்திற் பூண்டாள்
- அவிர்மணி நகையாள் போற்றும் அக்குறி இரண்டுங் கண்டோர்
- தவலரு மலநோய் மாற்றி முத்தியில் தவிர்ந்து வாழ்வார்.
- பொழிப்புரை: (1)
- நவமணிகள் பதித்த கடகத்தை அணிந்த அப்பொழுதும் கடகேசப்
- பிரானாரைத் தாபித்துப் பூசை செய்து அதனைக் கரத்திற் றரித்தனர்.
- விளங்கும் முத்தனைய முறுவலார் போற்றிய கங்கணேசர் கடகேசராகிய
- சிவிலிங்கப் பிரானாரைக் கண்டு வணங்கினோர் கெடலரிய ஆணவமல
- நோயைக் கெடுத்து முத்தியில் நிலைபெற்று வாழ்வார்.
- பாடல்: (2)
- அன்னணம் அருச்சித் தேத்தி ஆளுடை எம்பி ராட்டி
- உன்னுவோர் பிறவி மாய்க்கும் உள்நகர் வரைப்பின் முற்ற
- மன்னிய வளங்க ளெல்லாம் மனங்களி பயப்ப நோக்கிப்
- பன்னரும் பெருமை சான்ற பரவெளிப் பிலத்தை யுற்றாள்.
- பொழிப்புரை: (2)
- அவ்வகை அருச்சித்துப் போற்றி எம்மை அடிமையாக உடைய
- பிராட்டியார் நினைப்பவர்தம் பிறவியைப் போக்கும் நகரில் நிலை பெற்ற
- செல்வங்கள் யாவற்றையும் மனமகிழும்படி முற்றவும் கண்டு விவரித்
- துரைத்தற்கும் அடங்காத பெருமை அமைந்த பரவெளியாகிய பிலத்தை
- அண்மினர்.[4]
அமைவிடம்
தொகுஇந்தியாவின் தென்கடை மாநிலம் தமிழ்நாட்டிலுள்ள காஞ்சிபுரம் மாவட்டத்தின் தலைநகரான பெரிய காஞ்சிபுரம் எனப்படும் சிவகாஞ்சியின் சின்னகம்மாளத் தெருவில் கங்கணேசம் அருகில் கடகேசம் அமைந்துள்ளது. மேலும், தமிழ்நாட்டின் தலைநகர் சென்னையிலிருந்து 75 கிலோமீட்டர் தொலைவிலுள்ள, காஞ்சிபுரம் பேருந்து நிலையத்திலிருந்து வடக்கில் ½ மைல் தூரமுள்ள காஞ்சி இறவாத்தானத்திற்கு செல்லும் சாலையில் இக்கோயில் தாபிக்கப்பட்டுள்ளது.[5]
போக்குவரத்து
தொகு- வான்வழி: வானூர்தி சேவை இல்லை; உலங்கு வானூர்தி மூலம் காஞ்சிபுரம் வந்தடைய, காஞ்சியிலிருந்து 3 கிலோமீட்டர் தொலைவிலுள்ள ஏனாத்தூர் ஸ்ரீ சங்கரா கலை மற்றும் அறிவியல் கல்லூரியின் அகத்திலுள்ள உலங்கூர்தி இறங்குதளத்தில் இறங்கி சீருந்து மூலம் இக்கோயிலை அடையலாம்.
- இரும்புத் தடம்: தொடருந்து மூலாமாக; தலைநகர் சென்னையிலிருந்து செங்கல்பட்டு மார்க்கமாகவும், திருப்பதியிலிருந்து அரக்கோணம் மார்க்கமாகவும், காஞ்சி தொடருந்து நிலையத்தை அடைந்து அங்கிருந்து 1 கிலோமீட்டர் தொலைவிலுள்ள இக்கோயிலை, சீருந்து மூலமாகவும், தானியுந்து மூலமாகவும் சென்றடையலாம்.
- சாலை வழி: பேருந்திலோ, அல்லது சீருந்துலோ, காஞ்சி வந்தடைய நான்கு திசையிலும் சாலை வழியுள்ளன; வடகிழக்கில், சென்னையிலிருந்து (75 கிலோமீட்டர்) திருப்பெரும்புதூர் வழியாகவும் ; தென்கிழக்கில், செங்கல்பட்டிலிருந்து (40 கிலோமீட்டர்) வாலாசாபாத் வழியாகவும் ; வடமேற்கில், விழுப்புரத்திலிருந்து (80 கிலோமீட்டர்) வந்தவாசி வழியாகவும் ; தென்மேற்கில், பெங்களுரிலிருந்து (275 கிலோமீட்டர்) வேலூர் வழியாகவும் இக்கோயில் நகரை வந்தடையலாம்.[6]
மேற்கோள்கள்
தொகு- ↑ "palsuvai.net | 33. ஸ்ரீ கடகேஸ்வரர் காஞ்சிபுர சிவலிங்கங்கள்". Archived from the original on 2016-06-29. பார்க்கப்பட்ட நாள் 2016-04-13.
- ↑ projectmadurai.org | காஞ்சிப் புராணம் | 61. தழுவக்குைழந்த படலம் (2023- 2449) | 2155 கடேகச்சரம்
- ↑ "shaivam.org | (கடகேசம்) கடகேஸ்வரர்". Archived from the original on 2015-06-03. பார்க்கப்பட்ட நாள் 2016-04-13.
- ↑ tamilvu.org | காஞ்சிப் புராணம் | தழுவக் குழைந்த படலம் | கடகேச்சரம் | பாடல்கள்: 133 / 134 | பக்கம்: 627
- ↑ dinaithal.com | கடகேசம் கடகேஸ்வரர் கோயில்
- ↑ tripadvisor.in 15 temples in Kanchipuram
