குரு சோமசுந்தரம்

குரு சோமசுந்தரம் தமிழ்த் திரைப்பட நடிகராவார். இவர் இயக்குநர் தியாகராஜா குமாரராஜாவின் ஆரண்ய காண்டம் திரைப்படம் மூலம் திரையுலகிற்குள் வந்தார். அதன் பின் பாண்டிய நாடு, ஜிகர்தண்டா மற்றும் ஜோக்கர் போன்ற படங்களிலும் நடித்துள்ளார். இவர் தமிழ் சினிமாவின் ஹீத் லெட்ஜர் என்றழைக்கப்படுகிறார். தற்பொழுது திருவண்ணாமலையில் வசித்து வருகிறார்.

வினோத் என்பவரால் எடுக்கப்பட்ட குரு சோமசுந்தரத்தின் புகைப்படம்

குரு சோமசுந்தரம்
பிறப்பு	3 செப்டம்பர் 1975 (1975-09-03) மதுரை, இந்தியா
பணி	நடிகர்
செயற்பாட்டுக் காலம்	2011 – தற்போது

திரைப்படத்துறை

குரு சோமசுந்தரம் 2002 - 2011 ஆண்டு காலத்தில் கூத்துப்பட்டறையில் இணைந்து நாடகங்களை உருவாக்கினார்.

2003 ஆம் ஆண்டு சந்திரஹரி நாடகத்தில் இவரைக் கண்ட இயக்குநர் தியாகராஜன் குமாரராஜா, 2008 ஆம் ஆண்டு இவரை அழைத்து தனது ஆரண்ய காண்டம் எனும் திரைப்படத்தில் 'காளையன்' எனும் வேடத்தில் நடிக்க வைத்தார். அவ்வேடம் பலத்த வரவேற்பை பெற்றது. பின், 2013 ஆம் ஆண்டு இயக்குநர் மணிரத்னத்தின் 'கடல்' திரைப்படத்தில் சிறு வேடத்தில் நடித்தார்.

கூத்துப்பட்டறையிலிருந்து வெளியேறிய பின் 2013 ஆம் ஆண்டு 5 சுந்தரிகள் எனும் திரைப்படத்தில் புகைப்படக் கலைஞராக நடித்ததின் வாயிலாக மலையாளத் திரையுலகில் கால் பதித்தார். இதே ஆண்டில் இயக்குநர் சுசீந்தரனின் பாண்டிய நாடு திரைப்படத்தில் விசாலின் அண்ணனாக வேடமேற்று நடித்தார். 2014 ஆம் ஆண்டில் இயக்குநர் கார்த்திக் சுப்புராஜின் 'ஜிகர்தண்டா' திரைப்படத்தில் நடிப்புக் கலை பயிற்றுனராக நடித்திருந்தார். நிகழ் வாழ்க்கையிலும் பாபி சிம்காவுக்கு இவர் நடிப்புக் கலையை பயிற்றுவித்தார்..

குறும்படங்கள்

ஆண்டு	தலைப்பு	கதாப்பாத்திரம்	மொழி	தளம்	குறிப்புகள்
2016	ஒரு பொய்		தமிழ்	வலையொளி
2017	இறுதி அறம்		தமிழ்	வலையொளி
2019	டெஸ்டினேஸியா		தமிழ்	வலையொளி
2020	குகை ஓவியங்கள்		தமிழ்	வலையொளி

திரைப்பட விவரம்

நடித்த திரைப்படங்கள்

ஆண்டு	படம்	வேடம்	குறிப்புகள்
2011	ஆரண்ய காண்டம்	காளையன்
2013	கடல்	கோவில் குட்டி
2013	5 சுந்தரிகள்	புகைப்படக் கலைஞர்	மலையாளத் திரைப்படம்
2013	பாண்டிய நாடு	நாகராஜ்
2014	ஜிகர்தண்டா	முத்து
2015	49 - O	ஆறுமுகம்
2015	பென்ச் டாக்கீஸ் - த பர்ஸ்ட் பென்ச்	டேவிட்
2015	தூங்காவனம்	விட்டல் ராவின் உதவியாளர்
2015	கோகினூர்	நாயக்கர்	மலையாளத் திரைப்படம்
2016	ஜோக்கர்	மன்னர் மன்னன்
2016	குற்றமே தண்டனை	பாலன்
2017	யாக்கை	ஶ்ரீ ராம்
2018	ஓடு ராஜா ஓடு	மனோகர்
2018	வஞ்சகர் உலகம்	சம்பத் என்கிற துரைராஜ்
2019	பேட்ட	மாவட்ட ஆட்சித் தலைவர்
2021	மாறா	சொக்கு
2021	மஞ்ச சட்ட பச்ச சட்ட	அக்கா
2021	ஜெய் பீம்	பீ.பீ.செல்லப்பாண்டியன்
2021	க்	ஞானப்பிரகாசம்
2021	மின்னல் முரளி	செல்வன்/ வெள்ளிடி வெங்கிடி	(மலையாளத் திரைப்படம்)
2021	இது வேதாளம் சொல்லும் கதை	வேதாளம்	உருவாக்கத்திலுள்ளது
2021	மாமனிதன்		உருவாக்கத்திலுள்ளது
2021	காதலிக்க யாருமில்லை		உருவாக்கத்திலுள்ளது
2021	பரமகுரு		உருவாக்கத்திலுள்ளது
2021	இந்தியன்-2		உருவாக்கத்திலுள்ளது

வலைத் தொடர்

ஆண்டு	வலைத் தொடர் தலைப்பு	கதாப்பாத்திரம்	மொழி
2020	டாப்லெஸ்	கல்கி (அரசியல்வாதி)	தமிழ்