கோமல் ஆறு
கோமல் ( Gomal River ) ஆப்கானிஸ்தான் மற்றும் பாக்கித்தான் ஆகிய இரு நாடுகளிலும் 400-கி.மீ. நீளம் பாயும் (250 மைல்) ஆறாகும். இது வடக்கு ஆப்கானித்தானின் பாக்டிகா மாகாணத்தில் உற்பத்தியாகி பாக்கித்தானின் கைபர் பக்துன்வா மாகாணத்திலுள்ள தேரா இசுமாயில் கான் நகரத்துக்கு தெற்கே 20 மைல் தொலைவில் சிந்து ஆற்றுடன் இணைகிறது.
| கோமல் | |
|---|---|
.jpg) | |
.png) கோமலின் பாதை | |
| அமைவு | |
| நாடுகள் | ஆப்கானித்தான் மற்றும் பாக்கித்தான் |
| Provinces | |
| சிறப்புக்கூறுகள் | |
| மூலம் | |
| ⁃ அமைவு | கதாவாசு பிராந்தியம், கோமல் மாவட்டம் , பாக்டிகா மாகாணம், ஆப்கானித்தான் |
| ⁃ ஆள்கூறுகள் | 32°30′11″N 68°54′05″E / 32.502974°N 68.901294°E |
| முகத்துவாரம் | சிந்து ஆறு |
⁃ அமைவு | தேரா இசுமாயில் கான், தேரா இஸ்மாயில் கான் மாவட்டம், கைபர் பக்துன்வா மாகாணம், பாக்கித்தான் |
⁃ ஆள்கூறுகள் | 31°36′53″N 70°50′46″E / 31.61472°N 70.84611°E |
| நீளம் | 400 km (250 mi) |
| வடிநில சிறப்புக்கூறுகள் | |
| துணை ஆறுகள் | |
| ⁃ இடது | வானா கவார் |
| ⁃ வலது | சோப் ஆறு |
தேரா இசுமாயில் கான் நகரத்திலுள்ள கோமல் பல்கலைக்கழகம் மற்றும் ஆப்கானித்தானின் பாக்சிகா மாகாணத்தில் உள்ள கோமல் மாவட்டத்திற்கு இந்த ஆற்றின் பெயரால் அறியப்படுகிறது. இஸ்லாமாபாத்தின் இ-7 இல் "கோமல் சாலை" என்று அழைக்கப்படும் ஒரு தெருவும் உள்ளது.
சொற்பிறப்பியல் தொகு
'கோமல்' என்ற பெயர் இருக்கு வேதத்தில் குறிப்பிடப்பட்டுள்ள 'கோமதி' நதியிலிருந்து வந்ததாக கருதப்படுகிறது. [1]
ஆறு பாயும் இடங்கள் தொகு
கோமல் நதியின் ஆரம்பப்பகுதி, காசுனி நகரின் தென்கிழக்கில், பாக்டிகா மாகாணத்தின் வடக்குப் பகுதியில் அமைந்துள்ளது. கோமலின் பிரதான கிளையின் ஆரம்பத்தை உருவாக்கும் நீரூற்றுகள், கரோட்டி மற்றும் சுலைமான்கேல் குலத்தைச் சேர்ந்த கில்ஜி பஷ்தூன்கள் வசிக்கும் பாக்டிகாவில் உள்ள கடாவாசில் உள்ள பாபகர்கோலில் உள்ள கோட்டைக்கு மேலே செல்கின்றன. [2] கோமலின் மற்றொரு கிளையான "இரண்டாம் கோமல்" அதன் மூலத்திலிருந்து 14 மைல்களுக்கு கீழே பிரதான கால்வாயுடன் இணைகிறது. [3] கோமல் பாக்கித்தானின் கைபர் பக்துன்வாவிற்குள் நுழைவதற்கு முன் கிழக்கு கில்சி நாட்டின் வழியாக தென்கிழக்கில் பாய்கிறது. [4] [5]
பாக்கித்தானுக்குள், கோமல் நதி தெற்கு வசீரிஸ்தானுக்கும் பலூசிஸ்தானுக்கும் இடையிலான எல்லையை உருவாக்குகிறது. அதன் மூலத்திலிருந்து சுமார் 110 மைல்களுக்குப் பிறகு, கசூரி காச் அருகே அதன் முக்கிய துணை நதியான சோப் ஆறுடன் இணைகிறது. [4] [5]
இது சோப் ஆறிலிருந்து சிந்து வரை சுமார் 100 மைல் தொலைவில் உள்ளது. இந்த ஆறு மியானி பஷ்தூன்கள் வசிக்கும் கிர்தவி என்ற இடத்தில் தாங்க் மாவட்டத்திலுள்ள கோமல் பள்ளத்தாக்கில் நுழைகிறது. கோமல் பள்ளத்தாக்கில் உள்ள நிலங்களில் சாம் அமைப்பு ( ராட் கோகி ) மூலம் விவசாயம் செய்ய கோமலின் நீர் முக்கியமாக இங்கு பயன்படுத்தப்படுகிறது. இந்த ஆறு குலாச்சி வட்டத்திலுள்ள தமான் சமவெளி வழியாகவும் பின்னர் தேரா இசுமாயில் கான் வட்டம் வழியாகவும் செல்கிறது. இது தேரா இசுமாயில் கான் நகருக்கு தெற்கே 20 மைல் தொலைவில் சிந்து ஆறுடன் இணைகிறது. [5]
கோமல் சாம் அணை தொகு
கசூரி கச்சில் உள்ள இந்த ஆற்றின் குறுக்கே ஒரு அணை கட்ட 1898 ஆம் ஆண்டிலேயே திட்டமிடப்பட்டது. 1963 ஆம் ஆண்டு பாக்கித்தான் அரசாங்கத்தால் அதன் நிர்வாக ஒப்புதலுக்குப் பிறகும் கூட. கோமல் சாம் அணையின் பணி 1965 இல் நிறுத்தப்பட்டது. பெர்வேஸ் முஷாரஃப் ஆட்சியின் போது 2001 வரை மீண்டும் தொடங்கப்படவில்லை. [6] பின்னர், இது 2013 இல் திறக்கப்பட்டது.
இதனையும் காண்க தொகு
மேற்கோள்கள் தொகு
- ↑ Sinha, Ram Nandan Prasad (1990). Environment and Human Response: Selected Essays in Geography. Concept Publishing Company. பக். 296. பன்னாட்டுத் தரப்புத்தக எண்:978-81-7022-243-9.
- ↑ "Natural Geography of Pakistan: 5- Hydrology: 5-1- Rivers: Gomal River"பரணிடப்பட்டது 22 சூலை 2011 at the வந்தவழி இயந்திரம் ECO Geoscience Database
- ↑ MacGregor, Charles Metcalfe (1871) Central Asia, pt. 2: A Contribution Toward the Better Knowledge of the Topography, Ethnology, Resources, and History of Afghanistan Office of the Superintendent of Government Printing, Calcutta, OCLC 48604589 reprinted by Barbican Publishing Co., Petersfield, England, in 1995, p. 308
- ↑ 4.0 4.1 MacGregor, pp. 308-9
- ↑ 5.0 5.1 5.2 Gazetteer of Afghanistan VI (Farah), fourth ed., Calcutta, 1908, p. 238
- ↑ The Nation, Lahore, August 28; 2001 and Tareekh i Sarzameen i Gomal பன்னாட்டுத் தரப்புத்தக எண் 978-969-37-0270-5; National Book Foundation Islamabad P- 433-34
மேலும் படிக்க தொகு
- Hanifi, Shah Mahmoud, "Gōmal", Encyclopaedia Iranica
வெளி இணைப்புகள் தொகு
- Gomal River marked on the OpenStreetMap
- https://web.archive.org/web/20071026033718/http://www.khyber.org/places/2005/TheGomalRiver.shtml