சாவனூர்
சாவனூர் அல்லது சாவனூரு (Savanur) என்பது இந்தியாவின் கர்நாடக மாநிலம் ஆவேரி மாவட்டத்திலுள்ள சாவனுரு வட்டத்தின் தலைமையகம் ஆகும்.
சாவனூர் | |
|---|---|
நகரம் | |
  சாவனூர் கர்நாடகாவில் சாவனூரின் அமைவிடம் | |
| ஆள்கூறுகள்: 14°58′23″N 75°19′58″E / 14.97306°N 75.33278°E | |
| நாடு |  இந்தியா |
| மாநிலம் | கருநாடகம் |
| மாவட்டம் | ஆவேரி |
| பரப்பளவு | |
| • மொத்தம் | 5.49 km2 (2.12 sq mi) |
| ஏற்றம் | 573 m (1,880 ft) |
| மக்கள்தொகை (2001) | |
| • மொத்தம் | 35,563 |
| • அடர்த்தி | 6,477.78/km2 (16,777.4/sq mi) |
| மொழிகள் | |
| • அலுவல் | கன்னடம் |
| நேர வலயம் | ஒசநே+5:30 (இந்திய சீர் நேரம்) |
| இடக் குறியீடு | 08378 |
| வாகனப் பதிவு | கேஏ-27 |
| இணையதளம் | savanurtown |
வரலாறு
தொகுசாவனூரு பம்பாய் மாகாணத்தின் கீழ் பிரித்தானிய இந்தியாவின் சமஸ்தானங்களில் ஒன்றாகும். பின்னர் தக்காண முகமையின் ஒருபகுதியாக இருந்தது. அதன் முஸ்லிம் ஆட்சியாளர்கள், " நவாப் " பாணியில், 1672 இல் தில்லிக்கு அருகில் மானியம் பெற்ற முகலாயப் பேரரசின் சேவையில் ஆப்கானியரான அப்துல் கரீம் கானின் வம்சாவளியைச் சேர்ந்தவர்கள். அவரது வாரிசுகள் ஒரு நூற்றாண்டுக்கும் மேலாக பரந்த பிரதேசங்களை கிட்டத்தட்ட சுதந்திரமாக ஆட்சி செய்தனர். இருப்பினும், மராட்டியர்களின் அதிகரித்து வந்த அதிகாரத்திற்கும், ஐதராபாத் நிஜாம், ஐதர் அலி மற்றும் திப்பு சுல்தான் ஆகியோரின் ஆட்சிக்கும் இடையே சாவனூரு அமைந்திருந்தது. இது சாவனூரின் பிரதேசத்தை படிப்படியாக அரித்தது. பதினெட்டாம் நூற்றாண்டின் இரண்டாம் பாதியில், சாவனூரின் பாதிக்கும் மேற்பட்ட பகுதி மராட்டியர்களிடம் ஒப்படைக்கப்பட்டது. நூற்றாண்டின் இறுதியில், திப்பு சுல்தான் எஞ்சிய பகுதியை இணைத்துக் கொண்டார். 1799 இல் திப்பு சுல்தானின் மரணத்துடன், சுதந்திரம் அதன் அசல் நிலப்பரப்பில் மூன்றில் ஒரு பகுதியுடன் சாவனூருக்கு திரும்பியது. அதன்பிறகு, சாவனூரு மெதுவாக ஆங்கிலேயர்களின் ஆதிக்கத்தை நோக்கி நகர்ந்தது. 1818 இல் மராத்தா கூட்டமைப்பு அழிக்கப்பட்ட பிறகு, சாவனூரு பித்தானிய இந்தியாவிலிருந்து பாதுகாப்பை ஏற்றுக்கொண்டது.
சாவனூரில் சிறந்த அறிஞரான சத்யபோத தீர்த்தரின் பிருந்தாவனம் உள்ளது. [1]
மக்கள்தொகையியல்
தொகு2001 இந்திய மக்கள் தொகைக் கணக்கெடுப்பின்படி,[2] சாவனூரில் 35,561 மக்கள் இருந்தனர். மக்கள் தொகையில் ஆண்கள் 52% மற்றும் பெண்கள் 48%. சாவனூரில் சராசரி கல்வியறிவு 49% உள்ளது. இது தேசிய சராசரியான 59.5% ஐ விட குறைவாக உள்ளது: ஆண்களின் கல்வியறிவு 54% மற்றும் பெண்களின் கல்வியறிவு 43% ஆகும். சாவனூரில், 16% மக்கள் 6 வயதுக்குட்பட்டோர் ஆவார்கள்.
சாவனுரு புளியமரம்
தொகு"தொட்ட உனீசு மரா" என்று தாய்மொழியான கன்னடத்தில் அறியப்படும் பொந்தன்புளிய மரம் சாவனூருக்கு வெளியே மூன்று பெரிய மரங்களைக் கொண்டுள்ளது. மரங்கள் 5-25 மீ (விதிவிலக்காக 30 மீ) உயரத்தையும், தண்டு விட்டம் 7 மீ (விதிவிலக்காக 11 மீ) வரையும் உள்ளது. சாவனூரில் உள்ள மாதிரிகள் அனைத்து தரநிலைகளிலும் விதிவிலக்கானவை; மிகப் பெரியது 18 மீட்டருக்கு மேல் சுற்றளவு, இரண்டாவது 16 மீட்டருக்கு மேல் மற்றும் மூன்றாவது 14 மீட்டருக்கு மேல். இவை முக்கோண வடிவில் நடப்பட்டு நெருக்கமாக ஒன்றாக நிற்கின்றன. மாநில அரசு மரங்களைப் பாதுகாக்க வேலி அமைத்துள்ளது. மரங்களின் வரலாற்றை சுருக்கமாக விவரிக்கும் பலகை உள்ளது, இது உயரம் மற்றும் சுற்றளவு பற்றிய புள்ளிவிவரங்களையும் வழங்குகிறது.
சவனுர் கல்பவிருட்ச ஆவணப்படம்
தொகு"சாவனூர் கல்பவிருட்சம்" என்பது இந்த ஊரில் அமைந்துள்ள கம்பீரமான மற்றும் பழமையான பொந்தன் புளிய மரங்களைப் பற்றிய அனைத்து அம்சங்களையும் உள்ளடக்கிய 35 நிமிட ஆவணப்படமாகும். இதை தஸ்தகீர் எச்.சி மற்றும் பக்கிரேஷ் அணியவர் என்ற இரு மாணவர்கள் இயககியுள்ளனர். [3] [4]
சான்றுகள்
தொகு- ↑ https://www.uttaradimath.org/parampara/sri-satyabodha-tirtha
- ↑ "Census of India 2001: Data from the 2001 Census, including cities, villages and towns (Provisional)". Census Commission of India. Archived from the original on 2004-06-16. பார்க்கப்பட்ட நாள் 2008-11-01.
- ↑ Dastageer H C (2017-11-28), Savanur Kalpavruksha | A Documentary By Dastageer H C & Fakkiresh Aniyavar (4K), பார்க்கப்பட்ட நாள் 2018-04-26
- ↑ [1]