சிலியாவ்
சிலியாவ் என்பது (மலாய்: Siliau; ஆங்கிலம்: Siliau; சீனம்: 西廖) மலேசியா, நெகிரி செம்பிலான் மாநிலத்தில், சிரம்பான் மாவட்டத்தின் அமைந்துள்ள ஒரு நகரம்.[1]
சிலியாவ் | |
|---|---|
Siliau | |
| நகரம் நெகிரி செம்பிலான் | |
  சிலியாவ் சிலியாவ் நகரம் அமைவிடம் | |
| ஆள்கூறுகள்: 2°35′N 101°54′E / 2.583°N 101.900°E | |
| நாடு |  மலேசியா |
| மாநிலம் |  நெகிரி செம்பிலான் |
| தொகுதி | சிரம்பான் மாவட்டம் |
| நேர வலயம் | ஒசநே+8 (மலேசிய நேரம்) |
| • கோடை (பசேநே) | ஒசநே+8 (பயன்பாடு இல்லை) |
| மலேசிய அஞ்சல் குறியீடு | 71100 |
| மலேசியத் தொலைபேசி எண்கள் | +6-06 |
| மலேசியப் போக்குவரத்துப் பதிவெண்கள் | N |
| இணையதளம் | போர்டிக்சன் நகராண்மைக் கழகம் |
சிரம்பான் நகரில் இருந்து 28 கி.மீ; போர்டிக்சன் நகரில் இருந்து 18 கி.மீ; ரந்தாவ் நகரில் இருந்து 8 கி.மீ. தொலைவில் அமைந்து உள்ளது. சிலியாவ் புறநகர்ப்பகுதி எண்ணெய் பனை தோட்டங்களினால் சூழப்பட்டுள்ளது. [2]
சிலியாவ் பகுதியில் நிறைய எண்ணெய் பனை தோட்டங்கள் இருப்பதால், தமிழர்களின் நடமாட்டமும் அதிகமாகக் காணப் படுகிறது. தமிழர்கள் 1850-ஆம் ஆண்டுகளில் குடியேறினார்கள். முதன்முதலில் மலாயாவில் தமிழர்கள் குடியேறிய பகுதிகளில் இந்தப் பகுதியும் ஒன்றாகும்.[3][4] தமிழ் எழுத்தாளர்கள்; கவிஞர்கள் பலரை உருவாக்கிய பெருமை இந்த இடத்திற்கு உண்டு.
வரலாறு
தொகு1850-ஆம் ஆண்டுகளில் மலாயாவில் நூற்றுக் கணக்கான கரும்பு, காபி, மிளகு தோட்டங்கள் தோற்றுவிக்கப் பட்டன. பெரும்பாலான தோட்டங்கள் பினாங்கு; செபராங் பிறை; பேராக் கிரியான், நெகிரி செம்பிலான் பகுதிகளில் இருந்தன. கரும்பு தோட்டங்கள் தான் மிகுதி. இந்தத் தோட்டங்கள் மலாயாவிலேயே மிக மிகப் பழமையான தோட்டங்கள்.
ரப்பர் தோட்டங்கள் தோன்றுவதற்கு முன்னர் கரும்புத் தோட்டங்கள் தான் மலாயாவில் பிரதான தோட்டங்களாக இருந்தன. 1896-ஆம் ஆண்டிற்குப் பின்னர் தான் ரப்பர் தோட்டங்கள் உருவாகின. ஆயிரக்கணக்கான, இலட்சக் கணக்கான தமிழர்கள் வேலை செய்து இருக்கிறார்கள்.[5]
சிலியாவ் புறநகர்ப் பகுதியில் தமிழ்ப்பள்ளிகள்
தொகுசிலியாவ் புறநகர்ப் பகுதியில் 4 தமிழ்ப்பள்ளிகள் உள்ளன. 165 மாணவர்கள் பயில்கிறார்கள். 38 ஆசிரியர்கள் பணியாற்றுகிறார்கள்.
| பள்ளி எண் |
இடம் | பள்ளியின் பெயர் மலாய் |
பள்ளியின் பெயர் தமிழ் |
அஞ்சல் குறியீடு | வட்டாரம் | மாணவர்கள் | ஆசிரியர்கள் |
|---|---|---|---|---|---|---|---|
| NBD2043 | அதர்ட்டன் தோட்டம் | SJK(T) Ladang Atherton[6] | அதர்ட்டன் தோட்டத் தமிழ்ப்பள்ளி | 71100 | சிலியாவ் | 21 | 8 |
| NBD2044 | பிரட்வால் தோட்டம் | SJK(T) Ldg Bradwall[7] | பிரட்வால் தோட்டத் தமிழ்ப்பள்ளி | 71100 | சிலியாவ் | 24 | 9 |
| NBD2047 | சகா தோட்டம் | SJK(T) Ldg Sagga[8][9] | சகா தோட்டத் தமிழ்ப்பள்ளி | 71100 | சிலியாவ் | 80 | 10 |
| NBD2048 | சிலியாவ் தோட்டம் | SJK(T) Ldg Siliau[10] | சிலியாவ் தோட்டத் தமிழ்ப்பள்ளி | 71100 | சிலியாவ் | 40 | 11 |
ஸ்ரீ முருகன் ஆலயம் சிலியாவ்
தொகு
சிலியாவ் இரயில் நிலையத்திற்கு அருகில் சிலியாவ் ஸ்ரீ முருகன் ஆலயம் அமைந்துள்ளது. இங்கு வாழ்ந்து வரும் இந்துக்கள் ஆலயத்தைப் பராமரித்து வருகிறார்கள். 1970-ஆம் ஆண்டு முதல் முருகனின் கார்த்திகை திருவிழாவை விமரிசையுடன் கொண்டாடி வருகிறார்கள்.[11]
1967-ஆம் ஆண்டு தொடக்கத்தில் இரயில்வே நிலத்தில், மலாயா இரயில்வே அதிகாரியாக பணியாற்றிய எஸ். ராமையா என்பவரின் தலைமையில் இந்த ஆலயம் தொடங்கப்பட்டது. எஸ்.எஸ். பக்கிரிசாமி என்பவரும் இந்த ஆலயத்தின் நற்பணிகளுக்கு தலைமை தாங்கி உள்ளார்.
1987-ஆம் ஆண்டில், மறைந்த முருக பக்தர் கிருபானந்த வாரியார், இந்த ஆலயத்திற்கு வருகை தந்து சொற்பொழிவுகள் ஆற்றி உள்ளார். 1997-ஆம் ஆண்டில் இந்த ஆலயத்தின் செயலாளர் செல்வராஜ்.
மேற்கோள்கள்
தொகு- ↑ "Kenali Asal Usul Nama Kampung SILIAU, Negeri Sembilan". The Kipidap. பார்க்கப்பட்ட நாள் 17 December 2021.
- ↑ "Siliau - Negeri Sembilan". www.heritagemalaysia.my. பார்க்கப்பட்ட நாள் 17 December 2021.
- ↑ முத்துக்கிருஷ்ணன், மலாக்கா. "மலாயா தமிழர்கள்: புக்கிட் மெர்தாஜாம் அல்மா தோட்டம் 1853" (in அமெரிக்க ஆங்கிலம்). பார்க்கப்பட்ட நாள் 17 December 2021.
- ↑ "Twentieth century impressions of British Malaya: its history, people, commerce, industries, and resources". Twentieth century impressions of British Malaya: its history, people, commerce, industries, and resources: 374.
- ↑ Jain, Ravindra K. (1993). "Tamilian Labour and Malayan Plantations, 1840-1938". Economic and Political Weekly. pp. 2363–2370. பார்க்கப்பட்ட நாள் 17 December 2021.
- ↑ "அதர்ட்டன் தோட்டத் தமிழ்ப்பள்ளி - PELANCARAN BULAN KEMERDEKAAN PERINGKAT SEKOLAH (TAHUN 2021)" (in ஆங்கிலம்). பார்க்கப்பட்ட நாள் 15 December 2021.
- ↑ "பிரட்வால் தோட்டத் தமிழ்ப்பள்ளி". Facebook (in ஆங்கிலம்). பார்க்கப்பட்ட நாள் 15 December 2021.
- ↑ "சகா தோட்டத் தமிழ்ப்பள்ளி - Tamil School In Negeri Sembilan Remains Unused Upon Completion 5 Years Ago". Varnam MY. 11 January 2021. பார்க்கப்பட்ட நாள் 16 December 2021.
- ↑ "SJKT LADANG SAGGA ZONE LEVEL SCIENCE FAIR EXPERIMENT" (in ஆங்கிலம்). பார்க்கப்பட்ட நாள் 16 December 2021.
- ↑ "சிலியாவ் தோட்டத் தமிழ்ப்பள்ளி". www.facebook.com (in ஆங்கிலம்). பார்க்கப்பட்ட நாள் 16 December 2021.
- ↑ "ஸ்ரீ முருகன் ஆலயம் Sri Murugan Temple Siliau, Port Dickson Negeri Sembilan Malaysia Murugan Temples". kaumaram.com. பார்க்கப்பட்ட நாள் 17 December 2021.
வெளி இணைப்புகள்
தொகு