தெற்காசியப் பல்கலைக்கழகம்
தெற்காசியப் பல்கலைக்கழகம் (South Asian University) என்பது தெற்காசிய நாடுகளின் பிராந்தியக் கூட்டமைப்பிற்கான (SAARC) ஆப்கானித்தான், வங்களாதேசம், பூடான், இந்தியா, மாலத்தீவு, நேபாளம், பாக்கித்தான்,இலங்கை ஆகிய எட்டு உறுப்பு நாடுகளால் நிதியுதவி செய்யப்படும் ஒரு சர்வதேசப் பல்கலைக்கழகமாகும் . பல்கலைக்கழகம் 2010 இல் இந்தியாவின் அக்பர் பவனில் உள்ள தற்காலிக வளாகத்தில் மாணவர்களைச் சேர்க்கத் தொடங்கியது. பிப்ரவரி 2023 முதல், இந்திரா காந்தி தேசிய திறந்தநிலை பல்கலைக்கழகத்திற்கு (IGNOU) அடுத்ததாக[4] தெற்கு டெல்லியில் உள்ள மைதான் கர்ஹியில் உள்ள அதன் நிரந்தர வளாகத்தில் பல்கலைக்கழகம் இயங்கி வருகிறது.[5]
| குறிக்கோளுரை | எல்லைகளற்ற கல்வியறிவு பெறுதல் |
|---|---|
| வகை | சர்வதேசப் பல்கலைக்கழகம் பொதுத்துறை பல்கலைக்கழகம் ஆய்வுப் பல்கலைக்கழகம் |
| உருவாக்கம் | 2010 |
| நிதிநிலை | ₹448.13 crore (US$54.07 மில்லியன்) [1] |
| தலைவர் | பேராசிரியர் கே. கே. அகர்வால்[2] |
| துணைத் தலைவர் | எஸ். கே. வேணுகோபால் (பொறுப்பு) (Acting)[3] |
| மாணவர்கள் | 800+ |
| அமைவிடம் | , 28°22′N 73°26′E / 28.37°N 73.43°E |
| வளாகம் | நகரம் |
| சேர்ப்பு | சார்க் நாடுகளால் அங்கீகரிக்கப்பட்டது |
| இணையதளம் | sau |
வரலாறு
தொகு
நவம்பர் 2005 இல் டாக்காவில் நடைபெற்ற 13வது சார்க் உச்சி மாநாட்டில், இந்தியப் பிரதமர் மன்மோகன் சிங், சார்க் உறுப்பு நாடுகளைச் சேர்ந்த மாணவர்கள் மற்றும் ஆராய்ச்சியாளர்களுக்கு உலகத் தரம் வாய்ந்த வசதிகள் மற்றும் தொழில்முறை ஆசிரியர்களை வழங்குவதற்காக தெற்காசியப் பல்கலைக்கழகத்தை நிறுவ முன்மொழிந்தார். [6] 14வது சார்க் உச்சி மாநாட்டில் "தெற்காசிய பல்கலைக்கழகத்தை நிறுவுவதற்கான ஒப்பந்தம்" கையெழுத்தானது. சார்க் உறுப்பு நாடுகளும் இந்தியாவில் பல்கலைக்கழகம் நிறுவப்படும் என்று முடிவு செய்தன. [6] பிரதமரின் பொருளாதார ஆலோசனைக் குழு உறுப்பினரும், ஜவஹர்லால் நேரு பல்கலைக்கழகத்தின் மேனாள் துணைவேந்தருமான பேராசிரியர் ஜி.கே.சதா, திட்டத்தின் தலைமை நிர்வாக அதிகாரியாகவும், முதல் தலைவராகவும் அலுவல்பூர்வமாக நியமிக்கப்பட்டார். [7]
இத்திட்டத்தில் இந்தியா பெரும்பான்மையான நிதியை வழங்குகிறது, சுமார் US$239.93 மில்லியன், பல்கலைக்கழகத்தின் அடித்தளத்திற்கு வழங்கியது. இது 2014 வரை பல்கலைக்கழகத்தினை நிறுவியதற்கான மொத்த செலவில் 79 சதவீதமாகும். 2018 ஆம் ஆண்டு நிலவரப்படி, பாக்கித்தான் செலுத்த வேண்டிய பெரும்பாலான நிலுவைத் தொகையை செலுத்தியுள்ளது. [8] 2023 ஆம் ஆண்டு நிலவரப்படி, இந்தியாவைத் தவிர மற்ற அனைத்து உறுப்பு நாடுகளும் நிலுவைத் தொகையைச் செலுத்தத் தவறிவிட்டன. [9]
பல்கலைக்கழகத்தின் முதல் கல்வி அமர்வானது பொருளாதாரம் மற்றும் கணினி அறிவியலில் இரண்டு முதுகலை கல்வித் திட்டங்களுடன் ஆகஸ்ட் 2010 இல் தொடங்கியது. 2023[update] இன் படி ,பயன்பாட்டுக் கணிதம், உயிரி தொழில்நுட்பம், கணினி அறிவியல், பொருளாதாரம், சர்வதேச உறவுகள், சட்ட ஆய்வுகள் மற்றும் சமூகவியல் ஆகியவற்றில் முதுகலை மற்றும் எம்பில்/முனைவர் பட்டங்களை வழங்குகிறது. [10] எட்டு சார்க் உறுப்பு நாடுகளின் வெளியுறவு அமைச்சர்கள் கையெழுத்திட்ட அரசுகளுக்கிடையேயான ஒப்பந்தத்தின்படி சார்க் அமைப்பின் அனைத்து உறுப்பு நாடுகளாலும் பல்கலைக்கழகத்தின் பட்டங்கள் அங்கீகரிக்கப்படுகின்றன. [11]
தெற்காசியப் பல்கலைக்கழகத்தில் முக்கியமாக எட்டு சார்க் நாடுகளைச் சேர்ந்த மாணவர்களும் சேர்க்கை பெறுகின்றனர். இருப்பினும், மற்ற கண்டங்களில் இருந்தும் மாணவர்களும் கலந்து கொள்கின்றனர். மாணவர் சேர்க்கைக்கு நாடு வாரியாக ஒதுக்கீடு முறை உள்ளது. ஆண்டுதோறும் எட்டு நாடுகளில் உள்ள பல்வேறு மையங்களில் சேர்க்கைக்கான சோதனைகளை நடத்துகிறது. [12]
வளாகம்
தொகு
தெற்காசியப் பல்கலைக்கழகத்தின் வளாகம் இந்திரா காந்தி தேசிய திறந்தநிலைப் பல்கலைக்கழகம் மற்றும் அசோலா வனவிலங்கு சரணாலயத்திற்கு அருகில் உள்ள மைதான் கர்ஹியில் உள்ளது. 100 கொண்ட இந்த வளாகத்தில் ஆசிரிய கட்டிடங்கள், தங்கும் விடுதிகள், விளையாட்டு மைதானங்கள், குடியிருப்புகள் மற்றும் ஒரு சங்கம் உள்ளது. கட்டுமானம் 2022-23 இல் நிறைவடைந்தது. [13]
மேற்கோள்கள்
தொகு- ↑ https://www.mea.gov.in/Images/attach/ru3062.pdf/
- ↑ SAARC Official Website(22 December 2023). "South Asian University to get Chairman from Pakistan and President from India". செய்திக் குறிப்பு.
- ↑ https://sau.int/about/key-university-functionaries/
- ↑ Roy, Shubhajit (4 April 2010). "India-Pak visa row casts shadow on PM's dream project". The Indian Express. http://archive.indianexpress.com/news/indiapakvisarowcastsshadowonpmsdreamproject/599767/.
- ↑ "India to give 240-mn dollars for South Asian University". Thaindian News. ANI. 2 July 2009 இம் மூலத்தில் இருந்து 6 August 2018 அன்று. பரணிடப்பட்டது.. https://web.archive.org/web/20180806024538/http://www.thaindian.com/newsportal/india-news/india-to-give-240-mn-dollars-for-south-asian-university_100212615.html.
- ↑ 6.0 6.1 "India to give 240-mn dollars for South Asian University". Thaindian News. 2 July 2009 இம் மூலத்தில் இருந்து 6 August 2018 அன்று. பரணிடப்பட்டது.. https://web.archive.org/web/20180806024538/http://www.thaindian.com/newsportal/india-news/india-to-give-240-mn-dollars-for-south-asian-university_100212615.html.
- ↑ "South Asian University dream to turn real by 2010". Thaindian News. 26 May 2008 இம் மூலத்தில் இருந்து 16 September 2016 அன்று. பரணிடப்பட்டது.. https://web.archive.org/web/20160916013900/http://www.thaindian.com/newsportal/uncategorized/south-asian-university-dream-to-turn-real-by-2010_10053142.html.
- ↑ Vishnoi, Anubhuti (4 June 2018). "Pakistan clears 94% of South Asian University dues". The Economic Times. பார்க்கப்பட்ட நாள் 2022-03-31.
- ↑ Kuntamalla, Vidheesha (2023-11-27). "How India's first international university failed to live up to its dream". The Indian Express. பார்க்கப்பட்ட நாள் 2023-12-04.
- ↑ "SAU Annual Report 2012" (PDF). SAU. பார்க்கப்பட்ட நாள் 2 April 2014.
- ↑ "South Asian University announces admission for its Master's and PhD programmes for 2023-2024". The Times of India. 2023-03-15. https://timesofindia.indiatimes.com/education/news/south-asian-university-announces-admission-for-its-masters-and-phd-programmes-for-2023-2024/articleshow/98653029.cms.
- ↑ "South Asian University announces admission for its Master's and PhD programmes for 2023-2024". The Times of India. 2023-03-15. பன்னாட்டுத் தர தொடர் எண்:0971-8257. https://timesofindia.indiatimes.com/education/news/south-asian-university-announces-admission-for-its-masters-and-phd-programmes-for-2023-2024/articleshow/98653029.cms.
- ↑ "South Asian University rushes to meet deadline for moving to new campus". The Indian Express (in ஆங்கிலம்). 2022-05-12. பார்க்கப்பட்ட நாள் 2024-02-09.