நகாவாங் சோப்பல்
நகாவாங் சோப்பல் (Ngawang Choephel) (பிறப்பு 1966) இவர் ஓர் ஆவணப்படத் தயாரிப்பாளரும், இயக்குநரும், தயாரிப்பாளருமாவார்.
நகாவாங் சோப்பல் | |
|---|---|
 திபெத் இன் சாங் படத்தின் பாடல் பதிவில் தனது நண்பருடன் நகாவாங் சோப்பல் (வலது) | |
| பிறப்பு | 1966 (அகவை 57–58) திபெத் தன்னாட்சிப் பகுதி |
| பணி | ஆவணப்படத் தயாரிப்பாளர், இயக்குநர், தயாரிப்பாளர். |
| குறிப்பிடத்தக்க படைப்புகள் | திபெத் இன் சாங் |
ஆரம்ப கால வாழ்க்கை
தொகுசோபெல் மேற்கு திபெத்தில் 1966 இல் பிறந்தார். இவருக்கு இரண்டு வயதாக இருந்தபோது சீன ஆக்கிரமிப்பு காறணமாக இவரும் இவரது தாயாரும் இந்தியாவுக்கு தப்பி வந்தனர்.[1] இவர் தென்னிந்தியாவில் ஒரு திபெத்திய குடியேற்றத்தில் வளர்ந்தார். மேலும் 15 வயது வரை திபெத்தியர்களுக்கான மத்திய பள்ளியில் பயின்றார்.[2] 1992 ஆம் ஆண்டில் இந்தியாவின் தரம்சாலாவில் உள்ள திபெத்திய நிகழ்த்து கலைகளுக்கான தொழில்நுட்ப நிறுவனத்தில் பட்டம் பெற்றார்.[3]
தொழில்
தொகுதிரைப்படத் தயாரிப்பிற்கு முன்னர், இந்தியாவில் திபெத்திய பள்ளிகளில் இசை ஆசிரியராக இருந்த சோபல், அங்கு நாடுகடத்தப்பட்ட சமூகத்தைச் சேர்ந்த நூற்றுக்கணக்கான குழந்தைகளுக்கு திபெத்திய நாட்டுப்புற இசையை கற்பித்தார். பின்னர், இவர் மெலடி இன் எக்ஸைல் என்ற தனது முதல் இசைத்தொகுப்பை வெளியிட்டார்.[2]
இசை மீதான ஆர்வம் காரணமாக அமெரிக்காவின் வெர்மான்ட்டில் உள்ள மிடில் பரி கல்லூரியில் சர்வதேச இசை மற்றும் திரைப்படத் தயாரிப்பைப் படிக்க 1993 ஆம் ஆண்டில் இவருக்கு புல்பிரைட் உதவித்தொகை கிடைத்தது.[4] மிடில் பரி கல்லூரியின் கௌரவ முனைவர் பட்டம், அமைதிக்கான அபேயின் வீரதீர மனசாட்சி விருது, லோப்சாங் வாங்கியலின் எக்ஸைல் விருதுக்கான சிறந்த செயல் மற்றும் சன்டான்ஸ் நிறுவனத்தின் சக ஊழியர் ஆகியவற்றையும் பெற்றுள்ளார்.
கைதும் சிறைவாசமும்
தொகு1995 ஆகத்தில், சோபல் தனது ஆவணப்படத்திற்காக திபெத்திய நாட்டுப்புறப் பாடல்களைப் பதிவுசெய்வதற்காக திபெத்துக்குச் சென்றார்.[5] இவர் தனது ஆவணப்படத்தை படமாக்கிக் கொண்டிருந்தபோது "உளவு மற்றும் எதிர் புரட்சிகர நடவடிக்கைகள்" என்று குற்றம் சாட்டப்பட்டு1995 செப்டம்பரில் சீன அதிகாரிகளால் கைது செய்யப்பட்டார். இவருக்கு 18 ஆண்டுகள் சிறைத்தண்டனை விதிக்கப்பட்டது. இவர் மீதான குற்றச்சாட்டுகளை சீன அதிகாரிகள் பகிரங்கமாக முன்வைக்கவில்லை.
ஆகத்து 2000 இல், இவரது தாயும் மாமாவும் இவரைப் பார்க்க அனுமதிக்கப்பட்டனர்.[6] இவர் வெளியிடப்பட்ட ஒரு அறிக்கையில், சரியான மருத்துவ வசதி பெறாததற்கு எதிர்ப்பு தெரிவித்து தான் உண்ணாவிரதத்தில் ஈடுபட்டதாக தெரிவித்தார்.
அவரது தாயின் தனி ஆர்ப்பாட்டங்களுடன் தொடங்கிய மிகவும் பிரபலமான சர்வதேச பிரச்சாரம் இறுதியாக 2002 இல் இவரது விடுதலையைப் பெற்றுத் தந்தது. இவரது வழக்கு அமெரிக்க செனட்டர்கள் ஜேம்ஸ் ஜெஃபோர்ட்ஸ் மற்றும் வெர்மான்ட்டின் பேட்ரிக் லீஹி, வெர்மான்ட்டிலிருந்து அமெரிக்க பிரதிநிதிகள் சபை உறுப்பினர், பர்னீ சாண்டர்சு மற்றும் இசைக்கலைஞர்கள் அன்னி லெனாக்ஸ் மற்றும் பால் மெக்கார்ட்னி ஆகியோரிடமிருந்து சர்வதேச கவனத்தையும் ஆதரவையும் பெற்றது.
சோபல் இறுதியாக 2002 ஆம் ஆண்டில் 6 ஆண்டுகள் சிறைவாசத்திற்குப் பிறகு செங்டூ சிறையிலிருந்து "மருத்துவ பரோலில்" விடுவிக்கப்பட்டார் .[7]
ஆவணப்படத் திட்டங்கள்
தொகு
சிறையில் இருந்து விடுதலையான பின்னர் சோபல் தனது ஆவணப்படத் திட்டத்தில் மீண்டும் பணியாற்றத் தொடங்கினார். இவர் திபெத் இன் சாங் என்ற ஆவணப்படத்தை இயக்கி தயாரித்தார். இது பாரம்பரிய திபெத்திய நாட்டுப்புற இசை குறித்த இவரது முதல் முழுநீள ஆவணப்படமாகும். மேலும், சீன கட்டுப்பாட்டில் உள்ள திபெத்துக்குள் கடந்த ஐம்பது ஆண்டுகால கலாச்சார அடக்குமுறைக்கு இவர் மேற்கொண்ட துன்பகரமான பயணம். இந்த படம் 2009 இல் சன்டான்ஸ் திரைப்பட விழாவில் திரையிடப்பட்டது., அங்கு உலக ஆவணப் போட்டியில் சிறப்பு நடுவர் விருதை வென்றது.[8] செப்டம்பர் 24, 2010 அன்று நியூயார்க் நகரில் அதன் ஆரம்ப நாடக வெளியீட்டைக் கொண்டிருந்தது. அதன் பின்னர் அமெரிக்கா மற்றும் உலகளாவிய வெளியீட்டிற்கான திட்டங்களுடன். அப்போதிருந்து, திபெத் இன் சாங் உலகளவில் திரையிடப்பட்டது.
இவரது "மிஸ்ஸிங் இன் திபெத்", நியூ மெக்ஸிகோவின் தாவோஸில் நடந்த ஒரு திரைப்பட விழாவில் "சிறந்த மனித உரிமைகள் திரைப்படத்திற்கான" பரிசைப் பெற்றது.[9]
இவர் தற்போது அமெரிக்காவில் வசித்து வருகிறார். மேலும், நாடுகடத்தப்பட்ட திபெத்திய சமூகத்தின் உயர் உறுப்பினராக தொடர்ந்து வருகிறார்.
குறிப்புகள்
தொகு- ↑ "Music Tibet".
- ↑ 2.0 2.1 "Melody in Prison: Ngawang Choephel". inch.com. 1996-08-29. Archived from the original on 2016-03-05. பார்க்கப்பட்ட நாள் 2017-01-22.
- ↑ "Ngawang Choephel: For Love of Music". டைம் (இதழ்). 2001-09-15. http://www.time.com/time/magazine/article/0,9171,1000779,00.html. பார்த்த நாள்: 2017-01-22.
- ↑ "Ngawang Choephel". savetibet. Archived from the original on 2017-01-19. பார்க்கப்பட்ட நாள் 2017-01-22.
- ↑ "Statement from Ngawang Choephel". பார்க்கப்பட்ட நாள் 2017-01-22.
- ↑ statement_on_choephel_release.htm
- ↑ "Les réalisateurs d'un documentaire emprisonnés au Tibet". RSF. Archived from the original on 2008-10-02. பார்க்கப்பட்ட நாள் 2017-01-22.
- ↑ "Tibet in Sing (2009)". ஐ. எம். டி. பி இணையத்தளம். பார்க்கப்பட்ட நாள் 2017-01-22.
- ↑ "Tibet documentary wins best Human Rights film award". 2008-10-13. Archived from the original on 2011-06-09. பார்க்கப்பட்ட நாள் 2017-01-22.
வெளி இணைப்புகள்
தொகு- https://web.archive.org/web/20100708064222/http://www.tibetinsong.com/ - Official Website
- Documentary film by former Tibetan political prisoner premieres in Dharamsala பரணிடப்பட்டது 2012-10-04 at the வந்தவழி இயந்திரம்
சிறைச்சாலையிலிருந்து விடுவிக்கப்பட்டு அமெரிக்காவுக்குத் திரும்புதல்
தொகு- 2002-01-21 (Mon) http://web.amnesty.org/library/index/ENGASA170052002
- ... http://web.amnesty.org/wire/March2002/Tibet
- 2002-01-20 (Sun) http://www.duihua.org/media/press/statements/statement_on_choephel_release.htm பரணிடப்பட்டது 2015-09-23 at the வந்தவழி இயந்திரம்
- 2002-01-20 (Sun) http://www.tibetanliberation.org/nchoephelrel.html
- 2002-01-20 (Sun) http://news.bbc.co.uk/2/hi/asia-pacific/1772198.stm
- 2002-02-07 (Thu) http://web.amnesty.org/library/index/ENGASA170062002 பரணிடப்பட்டது 2007-09-01 at the வந்தவழி இயந்திரம்
பன்னாட்டு மன்னிப்பு அவை நகாவாங் சோபலை விடுவிக்குமாறு முறையிடுகிறது
தொகு- 2001-05-28 (Mon) http://news.bbc.co.uk/2/hi/asia-pacific/1355696.stm
- 2000-10-09 (Mon) http://web.amnesty.org/library/index/ENGASA170412000[தொடர்பிழந்த இணைப்பு]
- 2000-08-11 (Fri) http://web.amnesty.org/library/index/ENGASA170362000
- 2000-02-14 (Mon) http://web.amnesty.org/library/index/ENGASA170032000[தொடர்பிழந்த இணைப்பு]
- 1996-03-28 (Thu) http://web.amnesty.org/library/index/ENGASA170491996 பரணிடப்பட்டது 2004-12-20 at the வந்தவழி இயந்திரம்