நிக்கொலா-யோசப் கியூனியோ
நிக்கொலா-யோசப் கியூனியோ (Nicolas-Joseph Cugnot, 26 பெப்ரவரி 1725 – 2 அக்டோபர் 1804) ஒரு பிரான்சியக் கண்டுபிடிப்பாளர் ஆவார். இவர் உலகின் முதல் முழு அளவிலான, வேலை செய்யும் தன்னியக்க இயந்திர நில-வாகனமான நீராவி வண்டியை (Fardier à vapeur), குறிப்பாக உலகின் முதல் தானுந்தை உருவாக்கினார்.[1][a]
| நிக்கொலா-யோசப் கியூனியோ Nicolas-Joseph Cugnot | |
|---|---|
_en_1912_(du_au_meusien_Fosse,_sur_fonds_anglais).jpg) நிக்கொலா-யோசப் கியூனியோ | |
| பிறப்பு | 26 பெப்ரவரி 1725 வியா-வாக்கோன், லொரைன், பிரான்சு |
| இறப்பு | 2 அக்டோபர் 1804 (அகவை 79) பாரிஸ், பிரான்சு |
| தேசியம் | பிரான்சியர் |
| பிள்ளைகள் | 2 |
| பணி | |
| குறிப்பிடத்தக்க திட்டங்கள் | நீராவி வண்டி |
பின்னணி
தொகுகியூனியோ இராணுவப் பொறியியலாளராகப் பயிற்சி பெற்றார். 1765 ஆம் ஆண்டில், பீரங்கிகளைக் கொண்டு செல்வதற்காக பிரான்சிய இராணுவத்திற்கான நீராவி இயந்திரத்தில் இயங்கும் வாகனங்களின் வேலை மாதிரிகளை அவர் பரிசோதிக்கத் தொடங்கினார்.
முதல் தானுந்து வாகனம்
தொகுநீராவி ஆடுதண்டின் பரஸ்பர இயக்கத்தை சுழலும் இயக்கமாக மாற்றுவதற்கான சாதனத்தை வெற்றிகரமாகப் பயன்படுத்தியவர்களில் பிரெஞ்சு இராணுவ கேப்டன் கியூனியோவும் ஒருவர். 1769 ஆம் ஆண்டில் அவரது மூன்று சக்கர நீராவி வண்டியின் (fardier à vapeur) ஒரு சிறிய பதிப்பு தயாரிக்கப்பட்டு பயன்படுத்தப்பட்டது (fardier என்பது பீரங்கிப் பீப்பாய்கள் போன்ற மிகவும் கனமான உபகரணங்களைக் கொண்டு செல்வதற்காக பெருமளவில் கட்டப்பட்ட இரு சக்கர குதிரை வண்டி).
1770 ஆம் ஆண்டில், நீராவி வண்டியின் முழு அளவிலான பதிப்பு கட்டப்பட்டது, இது நான்கு தொன்களை சுமந்து செல்லும், இரண்டு லீயூவை (7.8 கிமீ, அல்லது 4.8 மைல்கள்) ஒரு மணி நேரத்தில் கடக்கக்கூடியதாகக் குறிப்பிடப்பட்டது, இது நடைமுறையில் இதுவரை அடையாத செயல்திறன் ஆகும். வாகனத்தின் எடை சுமார் 2.5 தொன்கள், மேலும் குதிரைகள் வழக்கமாக இருக்கும் இடத்தில் பின்புறம் இரண்டு சக்கரங்களும் முன்புறம் ஒன்றும் இருந்தது. முன் சக்கரம் நீராவிக் கொதிகலனையும், ஓட்டுநர் பொறிமுறையையும் தாங்கிச் செல்லும். இது நான்கு பயணிகளை உட்காரவைத்து மணிக்கு 3.6 கிலோமீட்டர் (2.25 மைல்) வேகத்தில் நகர்ந்ததாகக் கூறப்படுகிறது.[3]
கரடுமுரடான நிலப்பரப்பைக் கடந்து செங்குத்தான மலைகளில் ஏறும் போது வாகனம் மிகவும் நிலையற்றதாக அறிவிக்கப்பட்டது. அத்துடன், கொதிகலன் செயல்திறன் அன்றைய தரத்தின்படி கூட குறிப்பாக மோசமாக இருந்தது. வாகனத்தின் தீயை மீண்டும் எரிக்க வேண்டியிருந்தது, மேலும் அதன் நீராவி ஒவ்வொரு கால் மணி நேரத்திற்கும் மேலாக உயர்த்தப்பட்டது, இது அதன் ஒட்டுமொத்த வேகத்தையும் தூரத்தையும் கணிசமாகக் குறைத்தது.
பாரிசு, வின்சென்சு, மியூடன் ஆகிய இடங்களுக்கிடையே சிறிய எண்ணிக்கையிலான சோதனைகளை நடத்திய பிறகு, திட்டம் கைவிடப்பட்டது. இத்துடன், பிரெஞ்சு இராணுவத்தின் இயந்திர வாகனங்கள் மீதான முதல் சோதனை முடிவுக்கு வந்தது. ஆயினும்கூட, 1772 ஆம் ஆண்டில், பதினான்காம் லூயி மன்னர் கியூனியோவின் புதுமையான பணிக்காக ஆண்டுக்கு 600 லிவர்சு ஓய்வூதியத்தை வழங்கினார், அத்துடன் இந்த சோதனையானது நீராவி வண்டி இராணுவ ஆயுதக் களஞ்சியத்தில் வைக்கப்படுவதற்கு போதுமானதாக மதிப்பிடப்பட்டது. 1800 ஆம் ஆண்டில் இது கலை மற்றும் கைவினைகளுக்கான தேசிய காப்பகத்திற்கு மாற்றப்பட்டது, இன்றும் இதனைக் காணலாம்.
241 ஆண்டுகளுக்குப் பிறகு, 2010 இல், பாரிஸ்டெக் மாணவர்களால் "கியூனியோவின் வண்டி" இன் நகல் அமைக்கப்பட்டது. 1769 ஆம் ஆண்டு மேற்கொள்ளப்பட்ட சோதனைகளினதும் கருத்துகளினதும் உண்மைத்தன்மையை நிரூபிக்கும் வகையில், இந்தப் பிரதி சரியாக வேலை செய்தது.[4] இந்த பிரதி 2010 பாரிசு வாகனக் காட்சியில் காட்சிப்படுத்தப்பட்டது.[5]
பிற்கால வாழ்க்கை
தொகுபிரெஞ்சுப் புரட்சியைத் தொடர்ந்து, கியூனியோவின் ஓய்வூதியம் 1789 இல் நிறுத்தப்பட்டது, அதன் பின்னர் கியூனியோ பிரசெல்சுக்கு நாடு கடத்தப்பட்டு அங்கு வறுமையில் வாழ்ந்தார். இறப்பதற்குச் சிறிது காலத்திற்கு முன்னர், முதலாம் நெப்போலியனால் அவரது ஓய்வூதியம் மீட்டெடுக்கப்பட்டது. இறுதியில் அவர் பாரிசுக்குத் திரும்பினார், அங்கு அவர் 1804 அக்டோபர் 2 இல் இறந்தார்.
குறிப்புகள்
தொகுமேற்கோள்கள்
தொகு- ↑ "Nicolas-Joseph Cugnot | Facts, Invention, & Steam Car | Britannica". www.britannica.com (in ஆங்கிலம்). பார்க்கப்பட்ட நாள் 2022-09-09.
- ↑ "1679–1681 – R P Verbiest's Steam Chariot". History of the Automobile: origin to 1900. Hergé. பார்க்கப்பட்ட நாள் 8 May 2009.
- ↑ L. A. Manwaring, The Observer's Book of Automobiles (12th ed.) 1966, Library of Congress catalog card # 62-9807. p. 7
- ↑ "Fardier de Cugnot – 1770 – France". tbauto.org. Tampa Bay Automobil Museum. Archived from the original on 2 மார்ச் 2018. பார்க்கப்பட்ட நாள் 7 December 2017.
{{cite web}}: Check date values in:|archive-date=(help) - ↑ Notre fardier devant le monument Cugnot à Void-Vacon (Meuse), on the site of lefardierdecugnot.fr
- Mastinu, Gianpiero; Ploechl, Manfred, eds. (2014). Road and Off-Road Vehicle System Dynamics Handbook. CRC Press. பன்னாட்டுத் தரப்புத்தக எண் 978-1-4200-0490-8.
வெளி இணைப்புகள்
தொகு
- The fardier exhibit at the Musee National des Arts et Métiers:
- Catalogue entry, with specifications பரணிடப்பட்டது 27 செப்டெம்பர் 2016 at the வந்தவழி இயந்திரம்
- Detail images of exhibit பரணிடப்பட்டது 27 செப்டெம்பர் 2016 at the வந்தவழி இயந்திரம்
- Additional reference sources பரணிடப்பட்டது 13 அக்டோபர் 2005 at the வந்தவழி இயந்திரம்
- Cugnot on 3wheelers.com
- Link to downloadable video at DB Museum, showing a reconstruction of the fardier in action (B&W)
- Replica at the Tampa Bay Automobile Museum
- Hybrid-Vehicle.org: The Steamers பரணிடப்பட்டது 25 திசம்பர் 2013 at the வந்தவழி இயந்திரம்
- Le fardier de Cugnot: page in French about Cugnot and his invention, hosted at an இல் ட பிரான்சு regional government web site and credited to the Society of Automotive Engineers.
- Biography of Cugnot from 'World of Invention'