நெக்லஸ் சாலை

நெக்லஸ் சாலை
வழித்தட தகவல்கள்
	பராமரிப்பு ஐதராபாத்து பெருநகர மாநகராட்சி; ஐதராபாத்து பெர்நகர வளர்ச்சி ஆணையம்
நீளம்:	1.16 km (0.72 mi)
South முடிவு:	Tank Bund Road
அமைவிடம்
மாநிலங்கள்:	தெலங்காணா
நெடுஞ்சாலை அமைப்பு
	இந்தியப் போக்குவரத்து வலையமைப்பு; தேசம்; விரைவுவழி; மாநிலம்;

நெக்லஸ் சாலை (Necklace Road) என்பது இந்திய மாநிலமான தெலங்காணாவின் ஐதராபாத்து நகரில் அமைந்துள்ள ஒரு பெரிய சாலையாகும். இது உசேன் சாகர் ஏரியை ஒட்டியுள்ளது, இது என்.டி.ஆர். தோட்டங்களை சஞ்சீவையா பூங்காவுடன் இணைக்கிறது. ^[1] மும்பையின் மரைன் டிரைவில் முதன்முதலாக பிரபலமான நெக்லஸ் சாலையின் பெயரிடப்பட்டது. சஞ்சீவையா பூங்காவிலிருந்து சாலை உசேன் சாகர் சாலையுடன் இணைகிறது. இது என்.டி.ஆர் தோட்டங்களுடன் ஒரு வட்டத்தை நிறைவு செய்கிறது. இந்த நீளமான சாலையானது, உசேன் சாகர் சாலையுடன் சேர்ந்து, வானத்திலிருந்து பார்க்கும்போது ஒரு நெக்லஸ் வடிவத்தில் தோன்றுவதால் இச்சாலைக்கு இப்பெயர் வந்தது.^[2]

அமைப்பு

உசேன் சாகர் ஏரியின் மேற்குப் பகுதியில் 3.6 கி.மீ நீளமுள்ள நெக்லஸ் சாலை 1996இல் புத்த பூர்ணிமா திட்ட ஆணையத்தின் ஒரு பகுதியாக கட்டப்பட்டது. இது உசேன் சாகரைப் பாதுகாக்கவும் அழகுபடுத்தவும் அமைக்கப்பட்டது.

வசதிகள்

இந்த சாலை உணவகங்களையும், பொழுதுபோக்கு வசதிகளையும், ஐதராபாத்து நகரத்தின் நல்ல காட்சிகளையும் கொண்டுள்ளாது. இந்த சாலையில் அமைந்துள்ள ஒரு பொழுதுபோக்கு பகுதியான 'பீப்பிள்ஸ் பிளாசா' கண்காட்சிகள், இசை நிகழ்ச்சிகள், விளையாட்டு போன்றவற்றுடன் ஆண்டு முழுவதும் பரபரப்பாக உள்ளது. "ஈட் ஸ்ட்ரீட்" மற்றும் "வாட்டர் பிரண்ட்" என்பது நன்கு அறியப்பட்ட உணவகங்களாகும், பிந்தையது அதிக பஃபேக்கள் மற்றும் பலவகையான உணவு வகைகளை வழங்குகிறது. அதேசமயம் முந்தையது துரித உணவுகளையும் உடன் வழங்குகிறது. இரண்டும் நகரத்துடன் சேர்ந்து ஏரியின் காட்சியை வழங்குகிறது. ^[3]

இந்த சாலை அருகிலுள்ள ஜோகி கரடி பூங்கா, சஞ்சீவையா பூங்கா மற்றும் ஜலவிஹார் போன்ற பூங்காக்களுடன் இணைகிறது. இந்த இரண்டு பூங்காக்களும் திறந்தவெளி மற்றும் அமைதியான சூழலை வழங்குகிறது. அதிகாலை நடைபயிற்சிகள், மராத்தான் நிகழ்வுகள் மற்றும் மாலை நேர பொழுதுபோக்கு போன்றவற்றுக்காக பொது மக்கள் அடிக்கடி வருகின்றனர். நெக்லஸ் சாலை எம்.எம்.டி.எஸ் நிலையம் நகரின் அனைத்து முக்கிய பகுதிகளையும் இணைக்கும் மிக விரைவுப் போக்குவரத்து வசதி ஆகும்.