நோவாக் ஜோக்கொவிச்

நோவாக் ஜோக்கொவிச் (செர்பிய மொழி: Новак Ђоковић, IPA: [ˈnɔvaːk 'ʥɔːkɔviʨ], About this soundகேள் , பிறப்பு மே 22, 1987, பெல்கிரேட்) செர்பியாவைச் சேர்ந்த டென்னிஸ் வீரர் ஆவார். சூலை 4,2011 முதல் டென்னிசு தொழில்முறை விளையாட்டுக்காரர்கள் சங்கத்தின் தரவரிசைப் பட்டியலில் உலகின் முதலாவது இடத்தைப் பிடித்துள்ளவர் ஆவார். இது வரை 19 முறை கிராண்ட் சிலாம் எனப்படும் பெருவெற்றித் தொடர் (டென்னிசு) பட்டங்களை பெற்றுள்ளார். நான்கு பெருவெற்றித் தொடர்களிலும் வென்று சாதனை படைத்துள்ளார்.

நோவாக் ஜோக்கொவிச்
Novak Djokovic Hopman Cup 2011 (cropped).jpg
நாடு செர்பியா
வாழ்விடம்மொனாகோ மான்ட்டி கார்லோ, மொனாகோ
உயரம்1.87 m (6 ft 1 12 in)
தொழில் ஆரம்பம்2003
விளையாட்டுகள்வலது கை; இரட்டை கை பின் அடி
பரிசுப் பணம்$ 151,870,635
ஒற்றையர் போட்டிகள்
சாதனைகள்977 - 197
பட்டங்கள்85
அதிகூடிய தரவரிசை1(ஜூலை 4 2011)
பெருவெற்றித் தொடர் ஒற்றையர் முடிவுகள்
ஆத்திரேலிய ஓப்பன்வெற்றி (2008,2011,2012, 2013, 2015 , 2016, 2019, 2020, 2021)
பிரெஞ்சு ஓப்பன்வெற்றி (2016,2021)
விம்பிள்டன்வெற்றி (2011,2014,2015,2018,2019,2021)
அமெரிக்க ஓப்பன்வெற்றி (2011, 2015, 2018)
இரட்டையர் போட்டிகள்
சாதனைகள்15 - 25
பட்டங்கள்1
அதியுயர் தரவரிசை134 (ஆகஸ்ட் 20 2007)
இற்றைப்படுத்தப்பட்டது: ஆகஸ்ட் 30 , 2021.

ஆசுதிரேலிய ஓப்பன் மற்றும் யூ. எசு. ஓப்பன்தொகு

ஜனவரி 2008 ஆஸ்திரேலியன் ஓப்பனில் தனது முதலாம் பெருவெற்றி (கிராண்ட் ஸ்லாம்) போட்டியை வென்றுள்ளார். பெருவெற்றித்தொடர் போட்டி ஒன்றில் பட்டம் வென்ற முதல் செர்பிய டென்னிஸ் வீரர் இவரே.இதனை அடுத்து 2011ஆம் ஆண்டில் ஆஸ்திரேலிய ஓப்பன், விம்பிள்டன் மற்றும் யூ.எசு. ஓப்பன் ஆகிய மூன்று பெருவெற்றிப் போட்டிகளிலும் வென்றுள்ளார். இதனால் ஒரே நாட்காட்டியாண்டில் மூன்று பெருவெற்றித் தொடர் போட்டிகளை வென்ற ஆறாவது விளையாட்டுக்காரராக விளங்குகிறார். 2010ஆம் ஆண்டு டேவிசுக் கோப்பையை வென்ற அணியில் பங்கெடுத்துள்ளார். 2011 ஆம் ஆண்டு போலவே 2015ஆம் ஆண்டும் மூன்று போட்டிகளை வென்றவர் இவர்.

2012ஆம் ஆண்டு ஆஸ்திரேலியன் ஓப்பனில் ரஃபயெல் நதாலை 5-7, 6-4, 6-2, 6-7 (5), 7-5 என்று ஐந்து தொகுப்புகளில் வென்று வெற்றி பெற்றார். 2015ஆம் ஆண்டு ஆஸ்திரேலியன் ஓப்பனில் ஆண்டி முர்ரேவை 7–6(7–5), 6–7(4–7), 6–3, 6–0 என்ற புள்ளிகளில் தோற்கடித்தார். ஏழு முறை ஆஸ்திரேலிய ஓப்பன் பட்டத்தை வென்றுள்ளார். இது சாதனையாகும். ராய் எமர்சென் என்பவர் தான் இவருக்கு முன் ஆறு முறை ஆஸ்திரேலிய ஓப்பன் பட்டத்தை வென்றவர் ஆவார். இவர் மூன்று முறை தொடர்ச்சியாக ஆஸ்திரேலிய ஓப்பன் பட்டத்தை வென்றுள்ளார்.

விம்பிள்டன்தொகு

2014 மற்றும் 2015 ஆம் ஆண்டுகளில் லண்டனில் நடந்த விம்பிள்டன் ஆடவர் இறுதிச்சுற்றுகளில் வென்று விம்பிள்டன் சாம்பியன் பட்டத்தைப் பெற்றார். இரண்டு முறையும் இவருக்கு எதிராக ஆடி, தோல்வி அடைந்தவர் சுவிட்சர்லாந்தைச் சேர்ந்த ரோசர் பெடரர் ஆவார்.

பிரெஞ்சு ஓப்பன்தொகு

ஜோக்கொவிச் 2016 மற்றும் 2021 ஆகிய ஆண்டுகளில் பிரெஞ்சு ஓபன் இறுதிச் சுற்றுகளில் வென்று பிரெஞ்சு ஓப்பன் பட்டத்தினைப் பெற்றுள்ளார்.[3]

மேற்கோள்கள்தொகு

  1. "The Official Internet Site of Novak Djokovic". பார்த்த நாள் 2007-08-14.
  2. Pearce, Linda (2008-01-12). "The man they call the Djoker". The Age. பார்த்த நாள் 2008-01-31.
  3. https://www.dinamalar.com/news_detail.asp?id=2784345
"https://ta.wikipedia.org/w/index.php?title=நோவாக்_ஜோக்கொவிச்&oldid=3277268" இருந்து மீள்விக்கப்பட்டது