பாகமண்டலா

பாகமண்டலா
பாகமண்டலா
	கிராமம்
	ஆள்கூறுகள்: 12°25′11″N 75°31′19″E / 12.4196500°N 75.5218300°E
நாடு	இந்தியா
மாநிலம்	கருநாடகம்
மாவட்டம்	குடகு மாவட்டம்
ஏற்றம்	898 m (2,946 ft)
நேர வலயம்	ஒசநே+5:30 (இந்திய சீர் நேரம்)
அஞ்சல் குறியீட்டு எண்	571 247

பாகமண்டலா (Bhagamandala) என்பது இந்திய மாநிலமான கர்நாடகாவின் குடகு மாவட்டத்தில் புனித தலமாகும் .

வளைந்து செல்லும் சாலையில் இருந்து தவூரு குடே (தவூரு மலை) மற்றும் மயூர காவிரி விடுதியும்

அமைவிடம்

பாகமண்டலா காவிரி ஆற்றின் மேல்நோக்கி அமைந்துள்ளது. இந்த இடத்தில், காவிரி தனது இரண்டு துணை நதிகளான கண்ணிகே மற்றும் சுஜோதி ஆறு ஆகியவற்றுடன் இணைகிறது. இது ஒரு நதி சங்கமமாக புனிதமாகக் கருதப்படுகிறது. பாகமண்டலா மங்களூருக்கு தென்கிழக்கில் 133 கி.மீ தொலைவில் அமைந்துள்ளது. இது சராசரியாக 898 மீ (2,946 அடி) உயரத்தில் உள்ளது. ^[1]

யாத்ரீக மையம் - பாகண்டேசுவரர் கோயில்

காவிரியின் பிறப்பிடமான தலைக்காவிரிச் செல்வதற்கு முன் யாத்ரீகர்கள் திரிவேணி சங்மத்தில் நீராடி தங்கள் மூதாதையர்களுக்கு சடங்குகளைச் செய்வது பொதுவான வழக்கம். பாகண்டேசுவரர் என்ற பெயரில் சிவன் கோவில் இந்த இடத்தில் அமைந்துள்ளது. அக்டோபர் 17 அல்லது 18 ஆம் தேதிகளில் வரும் துலா சங்கரமணாவின் போது, யாத்ரீகர்கள் இங்கு அதிக எண்ணிக்கையில் கூடுகிறார்கள்.

மூன்று ஆறுகளின் சந்திப்பு

திரிவேணி சங்கமத்திலிருந்து சிறிது தொலைவில், பாகண்டேசுவரர் கோயில் என்று அழைக்கப்படும் ஒரு பிரபலமான கோயில் உள்ளது. இங்கு சிவன், சுப்பிரமணியன் மற்றும் கணபதி ஆகியவற்றின் புனிதச் சிலைகள் நிறுவப்பட்டுள்ளன. இந்த இடம் பாகண்டேசுவரர் சேத்திரம் என்றும் அழைக்கப்படுகிறது. இதிலிருந்து பாகமண்டலா என்ற பெயர் பெறப்பட்டது. இந்த பகுதியில் உள்ள கோயில்கள் கரவாலி (மேற்கு கடற்கரை) பாணியில் கட்டப்பட்டுள்ளன.

பாடி கோயில்

பாகமண்டலாவிலிருந்து சிறிது தூரத்தில் பாடியில் ஒரு கோயில் உள்ளது, இது இகுத்தாப் என்றா தெய்வத்தைக் கொண்டுள்ளது. மேலும், பல அரேபாசை மக்களால் மிகவும் புனிதமான ஆலயமாக கருதப்படுகிறது.

அய்யங்கேரி கோயில்

அய்யங்கேரியில் மேலும் ஒரு கோயில் உள்ளது, அதில் "சின்னதப்பா" என்று பெயரிடப்பட்டுள்ளது. இது கிருட்டிணருக்கு அர்பணிக்கப்பட்டுள்ளது. கிராம மக்கள் இதைதுகிறார்கள். பிப்ரவரி அல்லது மார்ச் மாதத்தில் வருடத்திற்கு ஒரு முறை ஒரு திருவிழா நடைபெறுகிறது. அப்போது கோயிலிலிருந்து "தங்க புல்லாங்குழல்" வெளியே கொண்டு வரப்படும்.