பிண்ணாக்கு கீரை
பிண்ணக்கு கீரை அல்லது புண்ணாக்கு கீரை (Corchorus olitorius, also known as "Jew's mallow"[2] "tossa jute", "bush okra", "krinkrin", "etinyung", " mulukhiyah ", ademe, "West African sorrel" போன்ற பல உள்ளூர் பெயர்களில், மிக முக்கியமான பண்புகளை அடிக்கடி அழைக்கிறது [3] ) என்பது மால்வேசியே குடும்பத்தில் உள்ள புதர் இனமாகும். சி. காப்சுலாரிசுடன் சேர்ந்து இது சணல் நார்ப் பொருளுக்கான முதன்மை ஆதாரமாக உள்ளது. [4] இதன் இலைகளும் பிஞ்சுக் காய்கள் காய்கறிகளாகவும், உலர்ந்த இலைகள் தேநீர், சூப் போன்வற்றிற்கும் பயன்படுத்தப்படுகின்றன. இதன் விதைகள் உண்ணத்தக்கவை. [4]
| பிண்ணாக்கு கீரை | |
|---|---|
.JPG)
| |
உயிரியல் வகைப்பாடு 
| |
| திணை: | |
| உயிரிக்கிளை: | பூக்கும் தாவரம்
|
| உயிரிக்கிளை: | மெய்இருவித்திலி
|
| உயிரிக்கிளை: | ரோசிதுகள்
|
| வரிசை: | |
| குடும்பம்: | |
| பேரினம்: | |
| இனம்: | C. olitorius
|
| இருசொற் பெயரீடு | |
| Corchorus olitorius L. | |
| வேறு பெயர்கள் [1] | |
| |
பெயர் காரணம்
தொகுபிரண்டை வடிவில் உள்ள இதன் காய்களின் முனையில் பாம்பு நாக்குபோல பிளவாக இருப்பதால் பிள்+நாக்கு= பிண்ணாக்கு என்ற பெயரை இத்தாவரம் பெற்றது.
தோற்றமும் வரலாறும்
தொகுபிண்ணாக்கு கீரை ஆப்பிரிக்காவில் தோன்றியதா, ஆசியாவில் தோன்றியதா என்பது தெளிவாக இல்லை. சில ஆய்வாளர்கள் இது இந்தோ-பர்மிய பகுதியிலிருந்து அல்லது இந்தியாவிலிருந்து வந்ததாக கருதுகின்றனர். மற்றவர்கள் ஆப்பிரிக்காவில் அதிக மரபணு மாறுபாடு இருப்பதாகவும், கார்கோரஸ் பேரினத்தில் அதிக எண்ணிக்கையிலான காட்டு இனங்கள் இருப்பதாகவும் சுட்டிக்காட்டுகின்றனர். இது எங்கிருந்து தோன்றியதாக இருந்தாலும், இது இரு கண்டங்களிலும் மிக நீண்ட காலமாக பயிரிடப்பட்டு வருகிறது. மேலும் வெப்பமண்டல ஆப்பிரிக்காவில் உள்ள ஒவ்வொரு நாட்டிலும் காட்டுச் செடியாகவோ அல்லது பயிராகவோ உள்ளது. [5]
பாரம்பரியக் பழங்காலத்தில், பண்டைய எகிப்தில் சணல் தாவரங்கள் உணவாக பயன்படுத்தப்பட்டதாக பிளினி பதிவு செய்துள்ளார். [6] இது அண்மைக் கிழக்கில் யூதர்களால் பயிரிடப்பட்டிருக்கலாம். [6]
தாவரவியல்
தொகுபிண்ணாக்கு கீரை செங்குத்தாக வளரும் ஒரு தாவரமாகும். இது மிகவும் கிளைத்து சுமார் 1.5 மீ உயரம் வளரும். இருப்பினும், நார் உற்பத்திக்காக வளர்க்கப்பட்டால், இது 4 மீ உயரம் வரை எட்டும். இதன் ஆணிவேர் உறுதியாக தண்டைத் தாங்குகிறது. இதன் தண்டு மங்கலான சிவப்பு-பழுப்பு கலந்த பச்சை நிறத்தில் இருக்கும். இதன் இலைகள் 6 முதல் 10 செ.மீ நீளமும் 2 முதல் 4 செ.மீ அகலமும், இலை விளிம்புகள் இரம்பப்பல் வடிவிலானதாக இருக்கும். இந்த தாவரத்தின் பூக்கள் இலைக் காம்புக்கு அருகில் ஒன்று அல்லது இரண்டு நுனிவளராப்பூந்துணர்களைக் கொண்டதாக இருக்கும். இதன் மலர்கள் சிறிய காம்பில் இருக்கும். இவை 5 புள்ளிவட்டங்கள், 5 இதழ்கள், 10 மஞ்சள் கருவகக்கூறுகளைக் கொண்டிருக்கும். இதன் காய் பிரண்டை வடிவில், ஐந்து குறுக்குவெட்டு பிரிவுகளோடு, 2 முதல் 8 செமீ நீளம் வரையும் இருக்கும். காய்களின் நிறம் சாம்பல்-நீலம் முதல் பச்சை அல்லது பழுப்பு-கருப்பு வரை மாறுபடும். காயில் உள்ள ஒவ்வொரு விதை அறையிலும் 25 முதல் 40 விதைகள் இருக்கும். ஒரு காயில் 125 முதல் 200 விதைகள் வரை இருக்கும். [7]
காட்சியகம்
தொகு-
தைவானில் சமைக்கப்பட்டுள்ள பிண்ணாக்குக் கீரை -
சணல் வயல் -
சணல் தோட்டம் -
சாகுபடியும் செயலாக்கமும் -
நார்பிரிக்கவூறவைப்பு -
தண்டுகளை உலர்த்துதல் -
கொடியில் உலர்த்துதல் -
வங்களாதேசத்தில் மிதிவிண்டி மூலம் சணல் இழைகள் கொண்டு செல்லப்படுகின்றன -
பிலிப்பைன்சின், மாலோலோசுவில் காளான் மற்றும் பிண்ணாக்கு கீரை இலைகளைக் கொண்டு தாயாரிக்கபட்ட சூப். -
காயும், விதைகளும் -
பிண்ணாக்கு கீரையின் தாவரவியல் விளக்கம் -
சமைப்பதற்காக பறிக்கபட்டுள பிண்ணாக்கு கீரை இலைகள்
.JPG)
.JPG)
மேற்கோள்கள்
தொகு- ↑ "The Plant List: A Working List of All Plant Species". பார்க்கப்பட்ட நாள் 21 May 2015.
- ↑ Duke, James A. (1979-01-01). "Ecosystematic Data on Economic Plants". Quarterly Journal of Crude Drug Research 17 (3–4): 91–109. doi:10.3109/13880207909065158. பன்னாட்டுத் தர தொடர் எண்:0033-5525.
- ↑ Nyadanu, D.; Amoah, R. Adu; Kwarteng, A. O.; Akromah, R.; Aboagye, L. M.; Adu-Dapaah, H.; Dansi, A.; Lotsu, F. et al. (2017-08-01). "Domestication of jute mallow (Corchorus olitorius L.): ethnobotany, production constraints and phenomics of local cultivars in Ghana" (in en). Genetic Resources and Crop Evolution 64 (6): 1313–1329. doi:10.1007/s10722-016-0438-4. பன்னாட்டுத் தர தொடர் எண்:0925-9864.
- ↑ 4.0 4.1 "Plants for future".
- ↑ Grubben, G. J. H. (2004). Vegetables (in ஆங்கிலம்). PROTA. பன்னாட்டுத் தரப்புத்தக எண் 9789057821479.
- ↑ 6.0 6.1 Pieroni, Andrea (2005). Prance, Ghillean; Nesbitt, Mark (eds.). The Cultural History of Plants. Routledge. p. 31. பன்னாட்டுத் தரப்புத்தக எண் 0415927463.
- ↑ "Corchorus olitorius - TILIACEAE". idao.cirad.fr. பார்க்கப்பட்ட நாள் 2017-12-03.