பியூபோர்ட்
பியூபோர்ட் என்பது (மலாய்: Pekan Beaufort; ஆங்கிலம்: Beaufort Town; சீனம்: 博福特) மலேசியா, சபா மாநிலம், உட்பகுதி பிரிவு, பியூபோர்ட் மாவட்டத்தின் தலைநகரம் ஆகும். சபா மாநிலத்தின் தலைநகரமான கோத்தா கினபாலுவில் இருந்து 90 கி.மீ. தொலைவில் அமைந்து உள்ளது.[1]
பியூபோர்ட் நகரம் | |
|---|---|
Beaufort Town | |
| சபா | |
_MainRoad.jpg) பியூபோர்ட் நகரின் முக்கிய சாலை. | |
 | |
  பியூபோர்ட் நகரம் சபாவில் அமைவிடம் | |
| ஆள்கூறுகள்: 5°20′44.84″N 115°44′40.43″E / 5.3457889°N 115.7445639°E | |
| நாடு |  மலேசியா |
| மாநிலம் |  சபா |
| பிரிவு | உட்பகுதி பிரிவு |
| மாவட்டம் | பியூபோர்ட் மாவட்டம் |
| மக்கள்தொகை (2010) | |
| • மொத்தம் | 12,742 |
| நேர வலயம் | ஒசநே+8 (மலேசிய நேரம்) |
| • கோடை (பசேநே) | பயன்பாடு இல்லை |
| மலேசிய அஞ்சல் குறியீடு | 89800 |
| மலேசியத் தொலைபேசி | +6-087 |
| மலேசிய வாகனப் பதிவெண்கள் | SB |
இந்த நகரத்திற்கு முன்னாள் பிரித்தானிய ஆளுநர் லெய்செஸ்டர் பால் பியூபோர்ட் (Leicester Paul Beaufort) என்பவரின் பெயர் வைக்கப்பட்டது.
பொது
தொகுபியூபோர்ட் நகரத்தில் பாயும் படாஸ் ஆற்றில் அவ்வப்போது வெள்ளம் ஏற்படுவது வழக்கம். அதைத் தவிர்ப்பதற்காக, சாலைகளில் உயரமாகக் கட்டப்பட்ட கடைகள் உள்ளன.[2]
பியூபோர்ட் நகரத்தில் பிசாயா (Bisaya), புரூணை மலாய்க்காரர்கள், கடாசான் (Kadazan); டூசுன் (Dusun); லுன் பவாங் (Lun Bawang); லுன் டாயே (Lun Dayeh); மூருட் (Murut) மற்றும் சீனர்கள் (முக்கியமாக ஹக்கா இனத்தவர்) வாழ்கிறார்கள். இவர்களில் பிசாயா பூர்வீக இனத்தவர்தான் அதிகமாக உள்ளார்கள்.[3]
சபாவில் உள்ள மற்ற நகரங்களான கோத்தா கினபாலு; பெனாம்பாங்; தாவாவ்; பாப்பார்; கூடாட் மற்றும் தெனோம் போன்ற நகரங்களைப் போலவே, பியூபோர்ட் நகரிலும் தொடக்கக் காலத்தில் இருந்து சீன ஹக்கா மக்கள் மிகையாக வாழ்கின்றனர்.[4]
வரலாறு
தொகுசபாவின் உள்பகுதியின் பொருளாதார வளர்ச்சிக்கு உதவுவதற்காக பியூபோர்ட் நகரம் முதலில் அமைக்கப்பட்டது. அந்த வகையில் பியூபோர்ட்டின் தொடக்கக் காலச் செழிப்பு ரப்பர் உற்பத்தியுடன் நெருக்கமாக இணைந்து உள்ளது.
1945-ஆம் ஆண்டின் பிற்பகுதியில், இரண்டாம் உலகப் போரின் போது, ஜப்பானியப் படைகளுக்கும் மற்றும் ஆஸ்திரேலியப் படைகளுக்கும் இடையே இந்த நகரில்தான் கடுமையான போர் நடந்தது.
மேற்கோள்
தொகு- ↑ "Beaufort is situated in the interior division of Sabah's West Coast". Sabah, Malaysian Borneo (in ஆங்கிலம்). பார்க்கப்பட்ட நாள் 31 March 2022.
- ↑ "Floods displace 43 people in Beaufort, Sabah". The Star (in ஆங்கிலம்). பார்க்கப்பட்ட நாள் 31 March 2022.
- ↑ "Beaufort Sabah is located about 90km south of Kota Kinabalu. Its population consists mainly of Bisayas, Brunei Malays, Kadazan-Dusuns, Lun Bawang/Lun Dayeh, Muruts and Hakka Chinese". Borneo Travel. 27 July 2020. பார்க்கப்பட்ட நாள் 31 March 2022.
- ↑ "Majlis Daerah Beaufort bermula pada 01 Januari, 1958 di bawah ˜Municipal and Urban Authorities Ordinance, 1954". mdbeaufort.sabah.gov.my. பார்க்கப்பட்ட நாள் 31 March 2022.
மேலும் காண்க
தொகு- இணையத்தளம்: https://mdbeaufort.sabah.gov.my/
