பொட்டு

பொட்டு தெற்கு ஆசியா, (குறிப்பாக இந்தியா, வங்காளதேசம், நேபாளம், இலங்கை மற்றும் மொரிசியசு)^[1] மற்றும் தென்கிழக்காசியாவில் நெற்றியில் அணியும் அலங்காரமாகும். வழமையாக பெண்களால் முன்நெற்றியில் புருவங்களுக்கிடையே சிவப்பு வண்ணத்தில் வட்ட வடிவில் இது வைத்துக் கொள்ளப்படுகின்றது. இருப்பினும் மற்ற வண்ணங்களிலும் மற்ற வடிவமைப்புகளிலும் சின்னங்களுடனோ இல்லாமலோ நகையுடனோ இது அணிந்து கொள்ளப்படுகிறது. திருமணமான பெண்கள் குங்குமத்தினால் பொட்டு இட்டுக் கொள்வதும் விதவைகள் வெறும் நெற்றியுடன் இருப்பதும் பண்டைய பண்பாடாக இருந்தது; தற்போது உடைக்கு ஏற்பவே அணிந்து கொள்ளப்படுகின்றது.

வெவ்வேறு இந்திய மொழிகளில் தொகு

இந்தியாவின் பிற பகுதிகளில் "ஓர் துளி, சிறு துகள், புள்ளி" எனப் பொருள்படும் சமசுகிருதச் சொல்லான பிந்து விலிருந்து பெறப்பட்ட பிந்தி (இந்தி: बिंदी) என அழைக்கப்படுகின்றது. அண்மைக்காலங்களில் அணியத் தயாரானநிலையில் பசையுடன் கூடிய ஒட்டுப் பொட்டுக்கள் (பொது வழக்கில் இசுடிக்கர் பொட்டுக்கள்) விற்கப்படுகின்றன.^[2]

ஃபொட் - அசாமியம்
டிப் - வங்காளம்
டிக்குளி - மாதேசு
சாந்த்லோ - குசராத்தி
திலக் - இந்தி
திலகா - கன்னடம்
குங்குமா அல்லது பொட்டு அல்லது திலகா - கன்னடம்
திலகாயா - சிங்களம்
டிலோ - கொங்கணி
குங்கூ அல்லது டிக்ளி - மராத்தி
டிகிளி - ஒடியா
பிந்தி - பஞ்சாபி
பொட்டு - மலையாளம், தமிழ்
சுக்கா அல்லது பொட்டு அல்லது திலகம் - தெலுங்கு
கோபி புள்ளிகள் என்பன திருமணம் அல்லது விழாக்காலங்களில் புருவங்களுக்கு மேலாக இடப்படும் சிறு புள்ளிகள்.
நண்டெ மலேசியாவில் தவறாகப் பயன்படுத்தப்படும் சொல். இது சிலநேரங்களில் மனதைப் புண்படுத்தலாம்
டீக்கா - நேபாளி