முதன்மை பட்டியைத் திறக்கவும்

மனித சடைப்புத்துத் தீ நுண்மம்

மனித சடைப்புத்துத் தீ நுண்மம் (HPV - Human Papillomavirus) என்பது மனிதரில் தொற்றுநோய்களை ஏற்படுத்தும் ஆற்றலுள்ள சடைப்புத்து வகை பபில்லோமா குடும்பத்தை சேர்ந்த (papilloma family) தீ நுண்மங்கள் ஆகும். இவை பரவலாகக் காணப்படும் ஒரு தொற்றுயிரி வகை ஆகும்.

Human papillomavirus
வகைப்பாடு மற்றும் வெளிச்சான்றுகள்
சிறப்புinfectiology
ஐ.சி.டி.-10B97.7
ஐ.சி.டி.-9078.1 079.4
நோய்களின் தரவுத்தளம்6032
ஈமெடிசின்med/1037
MeSHD030361

இவை தோலில் அல்லது சீதச்சவ்வில்/சளிச்சவ்வில் மேற்பரப்பில் இருக்கும் புறவணியிழையத்தில் தொற்றை ஏற்படுத்தும் தன்மை கொண்டது. இவற்றில் 200 உக்கும் மேற்பட்ட தீ நுண்மங்கள் உள்ளன. அவற்றில் அநேகமானவை எந்த அறிகுறிகளையும் ஏற்படுத்துவதில்லை. சில பருக்கள் அல்லது பாலுண்ணிகளை ஏற்படுத்தும். ஏனையவை பல வகையான புற்றுநோய்களை ஏற்படுத்தும்[1]. பெண்களில் கருப்பப்பை வாய்ப் புற்றுநோய், குதப் புற்றுநோய், யோனிப் புற்றுநோய், யோனி இதழ் புற்றுநோய் போன்றவற்றையும், ஆண்களில் குதப் புற்றுநோய், ஆண்குறிப் புற்றுநோயையும் உருவாக்கும் தன்மையுள்ளன. இவற்றில் 30-40 தீ நுண்மங்கள் பாலுறவு மூலமே தொற்றுக்கு உட்படுகின்றன. இத் தீ நுண்மத்தில் இருக்கும் E6, E7 என அழைக்கப்படும் இரு புரதங்களே புற்றுநோய் உருவாக்கத்திற்குக் காரணம் என அறியப்பட்டுள்ளது[2].

கருப்பப்பை வாய்ப் புற்றுநோய்க்கான முக்கிய காரணி இதுவாகவே கொள்ளப்படுகின்றது[3][4]. ஆனாலும் தற்போது தடுப்பு மருந்தும் பயன்பாட்டுக்கு வந்துள்ளது. மனித சடைப்புத்துத் தீ நுண்ம தடுப்பு மருந்து கிட்டத்தட்ட 70 % மான கருப்பப்பை வாய்ப் புற்றுநோயை உருவாக்கும் இத் தீநுண்மத்தின் இரண்டு குலவகைகளுக்கு எதிராக மிகவும் திறம்பட செயல் புரிவதாக ஐக்கிய அமெரிக்கா, கனடா, அவுஸ்திரேலியா, ஐரோப்பா போன்ற இடங்களில் ஏற்றுக் கொள்ளப்பட்டுள்ளது[5][6].

மேலும் தலை, கழுத்துப் பகுதியில் (வாய்க் குழி, மூக்குக் குழி, தொண்டை, குரல்வளை, உதடு போன்ற பகுதிகள்) ஏற்படும் புற்றுநோய்க்கும் (Head and Neck cancer) இந்த தீ நுண்மம் ஒரு காரணியாக இருப்பது அறியப்பட்டுள்ளது[7][8]. வாய்த் தொண்டைப் (Oropharynx) பகுதியில் ஏற்படக்கூடிய புற்றுநோய் இத் தீநுண்மத்தின் வகை 16, மற்றும் வகை 18 உடன் மிக நெருங்கிய தொடர்பு கொண்டிருப்பதும் அறியப்பட்டுள்ளது[9]. இதயக் குழலிய நோய் உருவாவதற்கான சூழிடரை அதிகரிப்பதிலும் இந்த தீ நுண்மத்திற்குத் தொடர்பிருப்பதாக அண்மையில் வெளிவந்த ஆய்வொன்று கூறுகின்றது[10].

மேற்கோள்கள்தொகு

  1. "Genital HPV Infection — CDC Fact Sheet". Centers for Disease Control and Prevention (CDC) (April 10, 2008). பார்த்த நாள் 13 November 2009.
  2. Chaturvedi, Anil; Maura L. Gillison (March 4, 2010). "Human Papillomavirus and Head and Neck Cancer". in Andrew F. Olshan. Epidemiology, Pathogenesis, and Prevention of Head and Neck Cancer (1st ). New York: Springer. பன்னாட்டுத் தரப்புத்தக எண்:978-1-4419-1471-2. http://www.springerlink.com/content/q676132t254373n5/. 
  3. Walboomers JM, Jacobs MV, Manos MM (1999). "Human papillomavirus is a necessary cause of invasive cervical cancer worldwide". J. Pathol. 189 (1): 12–9. doi:10.1002/(SICI)1096-9896(199909)189:1<12::AID-PATH431>3.0.CO;2-F. பப்மெட்:10451482. 
  4. Kumar V, Abbas AK, Fausto N, Mitchell RN (2007). Robbins Basic Pathology ((8th ed.) ). Saunders Elsevier. பக். 718–721. பன்னாட்டுத் தரப்புத்தக எண்:978-1-4160-2973-1. 
  5. "FDA Licenses New Vaccine for Prevention of Cervical Cancer". U.S. Food and Drug Administration. 2006-06-08. http://www.fda.gov/bbs/topics/NEWS/2006/NEW01385.html. பார்த்த நாள்: 2007-12-02. 
  6. Lowy DR, Schiller JT (2006). "Prophylactic human papillomavirus vaccines". J. Clin. Invest. 116 (5): 1167–73. doi:10.1172/JCI28607. பப்மெட்:16670757. 
  7. Biomarkers for Cancers of the Head and Neck
  8. . பப்மெட்:17494927. 
  9. name="Gillison ML. Human papilloma virus-associated head and neck cancer is a distinct epidemiologic, clinical, and molecular entity. Semin Oncol 2004;31:744-54."
  10. Kuo, HK; Fujise, K (2011-11-01). "Human papillomavirus and cardiovascular disease among u.s. Women in the national health and nutrition examination survey, 2003 to 2006.". Journal of the American College of Cardiology 58 (19): 2001–6. doi:10.1016/j.jacc.2011.07.038. பப்மெட்:22032713.