மறக்களவழி
மறக்களவழி என்னும் துறைப் பாடல் புறநானூற்றுத் தொகுப்பில் 5 உள்ளன. [1] இது வாகைத்திணையில் வரும் துறை.
இலக்கணம் தொகு
உழவர் களத்தில் அதரி திரித்து, மாடுகளைக் கட்டி நெல்லின் வைக்கோலைப் போர் அடிப்பது போல, அரசன் போர்களத்தில் யானை, குதிரை, காலாள் ஆகியோரை உதரிப் போரடிப்பதைக் கூறுவது மறக்களவழி என்னும் துறையாகும் என்று இலக்கண நூல்கள் குறிப்பிடுகின்றன.
இங்குக் காட்டப்பட்டுள்ள புறநானூறு, களவழி நாற்பது ஆகிய நூலில் வரும் பாடல்களில் இந்தக் களவழி உருவகம் செய்யப்பட்டுள்ளது.
தொல்காப்பியம்[2] புறப்பொருள் வெண்பாமாலை [3] ஆகிய இலக்கண நூல்கள் இந்தச் செய்திகளைக் குறிப்பிடுகின்றன.
இலக்கியம் தொகு
போர்க்களத்தில் வீழ்ந்துகிடக்கும்போது அரசன் வழங்கும் பரிசிலைச் சிறப்பித்துக் கூறுவது மறக்களவழி.
- கருவூர்க் கோட்டை
- சோழன் குராப்பள்ளித் துஞ்சிய கிள்ளிவளவன் போர்க்களத்தில் கிடக்கும்போது தன்னைப் பாடிய புலவர் கோவூர் கிழாருக்குத் தான் வென்ற கருவூர்க் கோட்டையைப் பரிசாக வழங்கினான். [4]
- மணிமாலை
- போர்ப்புறம் என்னுமிடத்தில் சோழன் வேல்பஃறடக்கைப் பெருநற்கிள்ளியோடு போரிட்ட சேரமான் குடக்கோ நெடுஞ்சேரலாதன் போர்க்களத்தில் கிடக்கும்போது புலவர் கழாத்தலையாருக்குத் தன் கழுத்திலிருந்த மணியாரத்தைப் பரிசாக வழங்கினான். [5]
- பட்டத்து யானை
- சேரமான் கடலோட்டிய வேல்கெழு குட்டுவன் போர்க்களத்தில் கிடக்கும்போது தன்னைப் பாடிய புலவர் பரணருக்குத் தன் பட்டத்து யானையைப் பரிசாக வழங்கினான். [6]
- சோழன் செருப்பாழி எறிந்த இளஞ்சேட்சென்னி போர்க்களத்தில் கிடக்கும்போது தன்னைப் பாடிய புலவர் ஊன்பொதி பசுங்குடையாருக்குத் தன் பட்டத்து யானையைப் பரிசாக வழங்கினான். [7]
- தலையாலங்கானத்துச் செருவென்ற பாண்டியன் நெடுஞ்செழியன் போர்க்களத்தில் கிடக்கும்போது தன்னைப் பாடிய புலவர் கல்லாடனாருக்குத் தன் பட்டத்து யானையைப் பரிசாக வழங்கினான். [8]
- அரசனைச் சிறை மீட்டல்
- சோழன் செங்கணான் போரில் வென்று சேரமான் கணைக்கால் இரும்பொறையைச் சிறையிலிட்டான். பதினெண்கீழ்கணக்கு நூல்களில் ஒன்றான களவழி என்னும் நூலைப் புலவர் பொய்கையார் சோழனின் போர்க்களவழியாகப் பாடிச் சிறை மீட்டார்.