மாநில மத்திய நூலகம், ஐதராபாத்
மாநில மைய நூலகம் ஐதராபாத் (State Central Library Hyderabad) முன்பு அசாபியா நூலகம் என்று அழைக்கப்பட்ட இது தற்போது மாநில மத்திய நூலகம் என அழைக்கப்படுகிறது. இது தெலங்காணாவின் ஐதராபாத்தில் உள்ள ஒரு பொது நூலகமாகும். இந்த கட்டிடம் 1891இல் கட்டப்பட்டது. இது நகரத்தில் மிகவும் பிரமாண்டமான மற்றும் தோற்றத்தில் ஈர்க்கக்கூடிய. கட்டமைப்புகளில் ஒன்றாகும். மேலும் 1998 ஆம் ஆண்டில் ஐதராபாத்தின் கலை மற்றும் கலாச்சார பாரம்பரியத்திற்கான இந்திய தேசிய அறக்கட்டளையால் பாரம்பரிய அந்தஸ்து வழங்கப்பட்டது.
இந்த நூலகம் முசி ஆற்றின் கரையில் உள்ள அப்சல் குஞ்சில் அமைந்துள்ளது. இதில் 500,000 புத்தகங்கள் மற்றும் சில அரிய பனை-ஓலை கையெழுத்துப் பிரதிகள் உட்பட பல பத்திரிகைகள் உள்ளன. இந்த நூலகம் மாநில நூலக அமைப்பின் உச்சமாகும். [1]
வரலாறு
தொகுமாநில மத்திய நூலகம் 1891ஆம் ஆண்டில் அகில இந்திய முஸ்லிம் லீக்கின் ஆரம்ப தலைவராகவும். முஸ்லீம் லீக்கின் முதல் பொதுச் செயலாளராகவும் இருந்த இந்திய அரசு ஊழியரும், அரசியல்வாதியும், கல்வியாளருமான சையத் உசேன் பில்கிராமியின் முயற்சியால் தொடங்கப்பட்டது. இதன் தனிப்பட்ட விருப்பம் நூலகம் நிறுவனத்தின் ஆரம்ப மையத்தை உருவாக்கியது.
நூலகக் கட்டிடம் 72,247 சதுர கெஜம் பரப்பளவைக் கொண்டுள்ளது. மேலும் கட்டிடக் கலைஞர் அஜீஸ் அலியின் மேற்பார்வையில் கட்டப்பட்டது. 1932 சனவரியில் இளவரசர் மிர் ஒஸ்மான் அலிகான் அடிக்கல் நாட்டினார். கட்டுமானப் பணிகள் முடிந்ததும், ஏழாம்நிசாமின் வெள்ளி விழாவைக் குறிக்கும் வகையில் 1936ஆம் ஆண்டில் அசாபியா நூலகம் புதிய கட்டிடத்திற்கு மாற்றப்பட்டது. இந்த கட்டிடக்கலை அதன் அரங்குகள் மற்றும் உயரமான கூரைகளைக் கொண்ட அரண்மனையை நினைவூட்டுகிறது.
1941ஆம் ஆண்டில், அசாபியா மாநில நூலகம் அதன் பொன்விழாவைக் கொண்டாடியது. 1955இல் ஐதராபாத் பொது நூலகச் சட்டம் சட்டமாக மாறியபோது, அசாபியா மாநில நூலகம் ஐதராபாத் மாநிலத்திற்கான மாநில மத்திய நூலகமாக அறிவிக்கப்பட்டது. [2]
குறிக்கோள்கள்
தொகு- அறிவியல், தொழில்நுட்பம் மற்றும் ஒத்த பாடங்களில் இலக்கியங்களை சேகரிப்பதே இதன் முக்கிய நோக்கம்.
- இது தெலங்காணாவின் ஆராய்ச்சியாளர்களுக்கும் அறிஞர்களுக்கும் குறிப்புப் பொருட்களின் முக்கிய ஆதாரமாக இருக்க வேண்டும்.
- இது புத்தகங்களின் இடைக்கால கடனுக்கான மைய புள்ளியாகவும் ஒழுங்கமைக்கும் நிறுவனமாகவும் செயல்பட வேண்டும்.
- நூலகம், அதன் நோக்கங்களின்படி, மாநில மற்றும் மத்திய அரசு வெளியீடுகள் உள்ளிட்ட வலுவான குறிப்பு சேகரிப்பை பராமரிக்கிறது.
- நூலகம் புத்தக கண்காட்சிகள், தொழில்முறை கருத்தரங்குகள், மாநாடுகள் மற்றும் நாடு தழுவிய வார கொண்டாட்டங்களை ஏற்பாடு செய்கிறது.
- விழிப்புணர்வை ஏற்படுத்துவதும், அதன் மாணவர்களிடையே வாசிக்கும் பழக்கத்தை ஏற்படுத்துவதும் முக்கிய நோக்கமாகும். தேசிய நூலக வாரத்தில் இது வலியுறுத்தப்பட்டு சிறப்பிக்கப்படுகிறது.
- ஆராய்ச்சி அறிஞர்கள், பல்வேறு வயது குழந்தைகள், மாணவர்கள் மற்றும் அனைத்து தரங்களையும் (பார்வையற்ற வாசகர்கள் உட்பட) வாசகர்களுக்கு இந்த நூலகம் இலக்கியங்களை வழங்குகிறது.
சேகரிப்பு
தொகுஆங்கிலம், இந்தி, தெலுங்கு, தமிழ், கன்னடம், மராத்தி, சமசுகிருதம், உருது, அரபு மற்றும் பாரசீக மொழிகள் உட்பட 19 ஆம் நூற்றாண்டின் முற்பகுதியில் இருந்து வெளியிடப்பட்ட சுமார் ஐநூறாயிரம் புத்தகங்களின் சிறந்த தொகுப்பு இந்த நூலகத்தில் உள்ளது. கிட்டத்தட்ட 17,000 கையெழுத்துப் பிரதிகள் 1976.
டிஜிட்டல் மயமாக்கல்
தொகுதேசிய தகவல் மையம் உருவாக்கிய இ-கிரந்தாலயா மென்பொருள் மூலம் நூலகங்களில் கணினிமயமாக்கல் மற்றும் வலைப்பின்னல்களின் முதல் கட்டம் தொடங்கியது. இந்த திட்டம் வாரங்கல் மற்றும் ஐதராபாத்தில் சோதனை அடிப்படையில் தொடங்கும். கார்னிகி மெலன் பல்கலைக்கழகத்தின் யுனிவர்சல் இணையவழி நூலக திட்டங்களின் உதவியுடன் மாநில மத்திய நூலகத்தில் ஏற்கனவே 40,000க்கும் மேற்பட்ட புத்தகங்கள் டிஜிட்டல் மயமாக்கப்பட்டுள்ளன. டிஜிட்டல் செய்யப்பட்ட படைப்புகளில் இந்தி, ஆங்கிலம், தெலுங்கு, உருது மற்றும் பாரசீக மொழிகளில் தலைப்புகள் உள்ளன. கார்னிகி மெலன் பல்கலைக்கழகம் இந்த திட்டத்திற்கான நிதியை வழங்குகிறது.
மேலும் காண்க
தொகுகுறிப்புகள்
தொகு- ↑ "Public Library Services in India: Systems and Deficiencies" பரணிடப்பட்டது 2012-07-12 at Archive.today, R. Bhattacharjee, அனைத்துலக பட்டியலாக்க சீர்தர விபரிப்பு, 19 September 2002.
- ↑ "State Government - Oriental Manuscripts Library and Research Institute (OMLRI) - Osmania University Campus, Hyderabad 500 007", accessed 17 December 2009.
வெளி இணைப்புகள்
தொகு