மூருட்டு மலை
மூருட்டு மலை அல்லது மூருட் மலை (மலாய் மொழி: Gunung Murud; ஆங்கிலம்: Mount Murud) என்பது மலேசியாவில் ஐந்தாவது உயர்ந்த மலையாகும். அதே வேளையில் சரவாக் மாநிலத்தில் மிகவும் உயர்ந்த மலை என்று தடம் பதிக்கிறது. இந்த மலையின் உயரம் 2,424 மீட்டர், (7,946 அடி). சரவாக் லிம்பாங் பிரிவு மாவட்டத்தில் அமைந்து உள்ளது.[1]
| மூருட்டு மலை | |
|---|---|
| Mount Murud Gunung Murud | |
 மூருட்டு மலைச்சிகரம் | |
| உயர்ந்த இடம் | |
| உயரம் | 2,424 m (7,953 அடி)[1] |
| ஆள்கூறு | 3°55′N 115°20′E / 3.917°N 115.333°E |
| புவியியல் | |
  மூருட்டு மலை மூருட்டு மலையின் அமைவிடம் | |
| அமைவிடம் | லிம்பாங் பிரிவு, சரவாக், மலேசியா |
| மூலத் தொடர் | கெலாபிட்டு மலைத்தொடர் (Kelabit Highlands) |
மூருட்டு மலையை ஏறுவதற்கான முதல் முயற்சி 1914-ஆம் ஆண்டில் சரவாக் மாநில அருங்காட்சியகத்தின் கண்காணிப்பாளராக இருந்த ஜான் கோனி மோல்டன் (John Coney Moulton) என்பவரால் மேற்கொள்ளப்பட்டது.
வரலாறு தொகு
ஆனால் உணவுப் பற்றாக்குறை காரணமாக அவருடைய முதல் முயற்சி தோல்வி கண்டது. இருப்பினும் அவரின் வழிகாட்டிகளை, லுன் பாவாங் (Lun Bawang) எனும் ஒரு டயாக் இனத்தவர் கொலை செய்து விட்டதாகவும், அதனால் அந்த முயற்சி தோல்வி அடைந்ததாகவும் சொல்லப் படுகிறது.
1920-இல் ஜான் கோனி மௌல்டனின் இரண்டாவது முயற்சி மேற்கொண்டார். மீண்டும் தோல்வி அடைந்தார்.
விலங்கியல் நிபுணர் எரிக் ஜோபெர்க் தொகு
மூருட்டு மலையில் முதல் வெற்றிகரமான மலையேற்றம் 1922-ஆம் ஆண்டு அக்டோபர் மாதம் நடைபெற்றது. சுவீடன் நாட்டைச் சேர்ந்த விலங்கியல் நிபுணர் எரிக் ஜோபெர்க் (Eric Mjöberg) என்பவரால் மேற்கொள்ளப்பட்டது.
அவர் அப்போது சரவாக் மாநில அருங்காட்சியகத்தின் கண்காணிப்பாளராக இருந்தார்.[2] மலையின் உச்சியில் ஆறு நாட்கள் தங்கினார். பல்வேறு விலங்குகள் மற்றும் தாவர இனங்களின் விவரங்களைச் சேகரித்தார். 1928-இல் சரவாக் அருங்காட்சியகத்தின் பதிவுகளில் அவரின் சேகரிப்புகள் ஆவணப் படுத்தப் பட்டன.
காட்சியகம் தொகு
-
மலைச் சிகரத்தில் அறிவிப்பு பலகை -
மூருட்டு மலையில் 1 -
மூருட்டு மலையில் 2 -
மூருட் மலையில் 2 -
மூருட்டு மலை சிகரத்தில்
இவற்றையும் பார்க்க தொகு
மேற்கோள்கள் தொகு
- ↑ 1.0 1.1 Beaman, JH; Anderson, C (1997). The Summit Flora of Mount Murud, Sarawak, Malaysia. Contributions from the University of Michigan Herbarium. பக். 85–141. http://biostor.org/reference/177679. பார்த்த நாள்: 20 Jan 2022.
- ↑ Mjöberg, Eric (1925). "An Expedition to the Kalabit Country and Mt. Murud, Sarawak". Geographical Review 15 (3): 411–427. doi:10.2307/208563. https://archive.org/details/sim_geographical-review_1925-07_15_3/page/411.
வெளி இணைப்புகள் தொகு
பொதுவகத்தில் Mount Murud தொடர்பாக ஊடகக் கோப்புகள் உள்ளன.
