ராதிகா ராமசாமி
ராதிகா ராமசாமி, ஓர் இந்திய காட்டுயிர் ஒளிப்படக்கலைஞராவார். அனைத்துலக ஏற்புபெற்ற இந்தியாவின் முதல் பெண் காட்டுயிர் ஒளிப்படக் கலைஞராவார்.[1][2] இவர் புது தில்லியில் வசித்துவரும் இவர், சார்பிலா ஒளிப்படக்கலைஞராவார்.[3]
ராதிகா ராமசாமி | |
|---|---|
| பிறப்பு | வெங்கடாச்சலபுரம் தேனி, தமிழ் நாடு |
| இருப்பிடம் | புது தில்லி, இந்தியா |
| தேசியம் | இந்தியன் |
| பணி | வனவிலங்குப் ஒளிப்படக் கலைஞர் |
| வலைத்தளம் | |
| www.rathikaramasamy.com/ | |
வாழ்க்கை வரலாறு
தொகு
தேனி அருகே உள்ள வெங்கடாச்சலபுரம் என்ற ஊரில் பிறந்தார். திருமணத்திற்குப் பின் 1999 முதல் புது தில்லியில் வசித்து வருகிறார்.[4] இவர் கணினியியலில் பொறியியல் பட்டமும், முதுகலை வணிக மேலாண்மைப் பட்டமும் பெற்று மென்பொருள் பொறியாளராக இருந்து பின்னர் முழுநேர சார்பிலா ஒளிப்படக் கலைஞராக மாறினார்.[5]
செயல்பாடுகள்
தொகுஆரம்பத்தில் தனது மாமா வாங்கித் தந்த ஒளிப்படக் கருவியில், பொழுதுபோக்காக மரங்களையும் மலர்களையும் எடுக்கத் தொடங்கிப் பின்னர், 2003 இல் பரத்பூர் இராஜஸ்தானில் உள்ள யுனெஸ்கோ பாரம்பரியக் களமான கேவலாதேவ் தேசியப் பூங்காவில் பறவைகளை முதன்முதலாக ஒளிப்படம் எடுக்கத் தொடங்கினார்.[6] தொடக்கக்காலத்தில் நேர்த்தியான படங்களாக எடுக்காவிட்டாலும் பறவைகளின் குணாதிசயங்களைக் காட்சிப்படுத்தினார். ஒக்லா பறவைகள் சரணாலயத்திற்கு அடிக்கடி சென்று கவனிக்கத் தொடங்கி பின்னர் இந்தியா, கென்யா, தன்சானியா நாடுகள் உட்பட பல நாடுகளுக்குச் சென்று பறவைகளைப் புகைப்படம் எடுக்கத் தொடங்கினார்.[6]
2005 இல் தூய்மை கங்கைத் திட்டதிற்கு இவரது கானுயிர்ப் படங்கள் புது தில்லியிலுள்ள இந்திய சர்வதேச மையத்தில் காட்சிக்கு வைக்கப்பட்டன. 2007 இல் ஜவகர்லால் நேரு பல்கலைக்கழகத்தின் ஆண்டு மலரில் இவரின் பறவை ஒளிப்படம் வெளிவந்தது.[1] பேர்ட்ஸ் ஆப் இந்தியா என்ற அமைப்பு 2008 ஆம் ஆண்டு சிறந்த 20 ஒளிப்படக் கலைஞர்களுள் ஒருவராக இவரைத் தேர்வு செய்தது.[5][7] இவர் இந்திய ஒளிப்படக்கலைச் சங்கத்தின் நிறுவன உறுப்பினராகவும், நிக்கான் தொழிற்சேவை அமைப்பின் உறுப்பினராகவும் உள்ளார்.[5] வனவிலங்கு தொடர்பான ஒளிப்படக் கண்காட்சிகள், பயிற்சி வகுப்புகள் போன்ற செயல்பாடுகளில் ஈடுபட்டுள்ளார்[4][8][9] 2015 மார்ச் 20 இல் மத்திய தகவல் மற்றும் ஒளிபரப்புத்துறை நடத்திய தேசிய ஒளிப்படக்கலை விருது விழாவின் நடுவராக இருந்தார். 2016 இல் இத்தாலியில் சியேனா அனைத்துலகப் பட விருது நிகழ்வின் நடுவராகவும் இருந்துள்ளார்.[10] பல சர்வதேசப் புகைப்பட விழாக்களில் பங்கெடுத்தும் நடுவராகவும் இருந்துள்ளார்.[11]
வெளியீடுகள்
தொகுவிருதுகள்
தொகு- 2009: முதல் பெண் வனவிலங்கு ஒளிப்படக்கலைஞர் என்று தூர்தர்ஷன் அங்கீகாரம் வழங்கியது.
- 2015: இன்ஸ்பைரிங் ஐகான் விருது, சத்யபாமா பல்கலைக்கழகம், சென்னை[8][9]
- 2015: சர்வதேச ஒளிப்படக்கருவி திருவிழா(ICF) விருது, வனவிலங்குப் புகைப்படங்களுக்கு.[8]
மேற்கோள்கள்
தொகு- ↑ 1.0 1.1 "About Rathika Ramasamy". Nikonschool.in. பார்க்கப்பட்ட நாள் 21 May 2016.
- ↑ Vijay, Hema. "Pretty wild by nature". Deccan Herald. http://www.deccanherald.com/content/410822/pretty-wild-nature.html. பார்த்த நாள்: 16 May 2016.
- ↑ Sanjeevi, Kaviya. "A Lens View of the Wild". The New Indian Express. http://www.newindianexpress.com/education/edex/A-Lens-View-of-the-Wild/2015/01/26/article2631800.ece. பார்த்த நாள்: 16 May 2016.
- ↑ 4.0 4.1 "Bird woman: She shoots to conserve". Rediff.com. 24 March 2015. http://www.rediff.com/getahead/report/achievers-rathika-ramasamy-bird-woman-she-shoots-to-conserve/20150324.htm. பார்த்த நாள்: 1 May 2016.
- ↑ 5.0 5.1 5.2 Kavitha, S. S. (27 January 2011). "Off the beaten track" (in en-IN). The Hindu. http://www.thehindu.com/features/metroplus/off-the-beaten-track/article1129868.ece. பார்த்த நாள்: 16 May 2016.
- ↑ 6.0 6.1 Shrikumar, A. (6 August 2014). "Wooing the woods" (in en-IN). The Hindu. http://www.thehindu.com/features/metroplus/wooing-the-woods/article6287766.ece. பார்த்த நாள்: 16 May 2016.
- ↑ "Birds of India: Indian Bird Photographers: Rathika Ramaswamy". www.kolkatabirds.com. Archived from the original on 9 மே 2016. பார்க்கப்பட்ட நாள் 16 May 2016.
- ↑ 8.0 8.1 8.2 8.3 "Rathika Ramasamy". Shillongphotofestival. Archived from the original on 4 ஜூன் 2016. பார்க்கப்பட்ட நாள் 1 May 2016.
{{cite web}}: Check date values in:|archive-date=(help) - ↑ 9.0 9.1 9.2 "Rathika Ramasamy". SIENNA International Photo Awards. Archived from the original on 24 ஜூன் 2016. பார்க்கப்பட்ட நாள் 21 May 2016.
{{cite web}}: Check date values in:|archive-date=(help) - ↑ "சுய விபரம்". rathikaramasamy.com. http://www.rathikaramasamy.com/about.html. பார்த்த நாள்: 22 மார்ச் 2018.
- ↑ "Wildlife through the lens of Rathika" (in en-IN). டைம்ஸ் ஆப் இந்தியா. https://timesofindia.indiatimes.com/city/visakhapatnam/Wildlife-through-the-lens-of-Rathika/articleshow/53786049.cms. பார்த்த நாள்: 22 மார்ச் 2016.