வாய்வழி குண்டேற்றுதல்

எறியமும் உந்துப்பொருளும் சுடுகலனின் சன்னவாய் வழியாக அதன் குழலுள் ஏற்றப்படும் முறையை தான் வாய்வழி குண்டேற்றுதல் என்கின்றனர். பின்வழி குண்டேற்ற சுடுகலன்களின் (உயர் நுட்ப மற்றும் உருவாக்க கடினமான) நவீன வடிவங்களைவிட  இவ்வகை வாய்வழி குண்டேற்ற சுடுகலன்கள் மாறுபட்டவை. 

வெடிமருந்துக் குப்பி மற்றும் ஓர் பை நிறைய குண்டுகளுடன் 18-ஆம் நூற்றாண்டின் தீக்கல்லியக்க கைத்துப்பாக்கி 

பழங்கால வாய்வழி குண்டேற்ற மோர்ட்டர்கள், வாய்வழி குண்டேற்ற பீரங்கிகளைப் போன்று தான் குண்டேற்றபட்டன. அனால் நவீன மோர்ட்டர்களில், வெடிப்பொதி வாய்வழியாகவும், பின்வழியாக எரியூட்டியை ஒரு ஊசியாலும் பற்றவைக்க படுகின்றன. பழங்கால மோர்ட்டர்,  நவீன மோர்ட்டர் - இவையிரண்டுமே உயர்கோணத்தில் சுடுவதற்கு தான் உபயோகிக்கப்பட்டன.

குண்டேற்றும் முறை 

வாய்வழியாக குண்டேற்றப்படும் பீரங்கி. (1) எரியூட்டி (தொடு துளையோடு இணைந்து இருப்பதை காண்க)
(2) முதன்மை வெடிபொருள்
(3) திணிப்பு (எறியத்தை நிலையாக வைக்க திணிக்கப்படும் மென்மையான பொருள்)
(4) எறியம்
(5) திணிப்பு 

சிதைந்த ஹனோவர் கப்பலின் பீரங்கியில் இருந்து கண்டெடுத்த திணிப்பு, தேசிய கடல்சார் அருங்காட்சியகம், கார்ன்வில் (2014).

பொதுவாக, குண்டேற்றுதலின் முதற்படியே குப்பியில் (அல்லது கொம்பில்) உள்ள வெடிமருந்தை கொட்டுவது தான். உந்துபொருளாக வெடிமருந்தையோ அல்லது பைரோடெக்சையோ பயன்படுத்தலாம். அதிலும், இருவகையான வெடிமருந்து (மற்றும் குப்பிகள்), எரியூட்டியாக மாவு போன்ற வெடிமருந்தும், முதன்மை உந்துபொருளாக மணல் போன்ற வெடிமருந்தும் தேவை.

திணிப்பு, என்பது காகிதம், துணி அல்லது அட்டையால் ஆனது. சிதறுதுமுக்கிகளில், குண்டுகள் வெடிபொருளுடன் கலக்காமல் தடுக்க, இடையில் ஒர் அட்டையை (திணிப்பு) வைத்து பிரிகின்றனர்.

எறியம் குழலுள் இடப்பட்டு, மேலும் ஒரு திணிப்பு வைக்கப்படும். கப்பல் தள்ளாடுகையில், கப்பலில் உள்ள பீரங்கிகளின் குண்டு, குழலை விட்டு உருண்டு கீழேவிழுவதை தவிர்க்கவே இரண்டாம் திணிப்பு வைக்கப்படுகிறது. அதன்பிறகு, எறியத்தை குழலின் அடியில் உள்ள வெடிபொருளின் மீது வைக்க குத்துகம்பியால் குத்தி அழுத்தப்படும். 

இத்தோடு குண்டேற்றுதல் நிறைவடைந்து, பீரங்கி சுடத் தயார் நிலையில் இருக்கும்.

எறியத்தின் வகைகள் 

நிக்கோலா நுஎல் புத்தேவின் ஒரு ஜோடி புரியிட்ட, தீக்கல்லியக்க பிரெஞ்சு கைதுப்பாக்கிகள், 1794-1797. ராயல் ஒன்டாரியோ அருங்காட்சியகம், டொரோண்டோ, கனடா. குண்டை குழலின் அடிவரை செலுத்த உதவும் சிறு சுத்தியல் அடங்கிய உபப்பொருட்கள்.

வாய்வழி குண்டேற்ற சுடுகலன்களில், பொதுவாக கோளப் பந்துகள் மற்றும் கூம்புமுனை உருளையான எறியங்கள் உபயோகிக்கப்பட்டன.

மேலும் பார்க்க 

நகர்வண்டி மீதுள்ள வாய்வழி-குண்டேற்ற பீரங்கி.

வாய்வழி-குண்டேற்ற சிறு துப்பாக்கிகள் 

• பின்வழி குண்டேற்ற சுடுகலன்கள் 
• மசுகெத்து
• வெடிமருந்து

வாய்வழி-குண்டேற்ற பீரங்கிகள்  

• பீரங்கி
• பம்பார்டு
• ஃபல்கொனெட்
• கல்வெரீன்
• மினியன்