வார்ப்புரு:நடப்பு நிகழ்வுகள்/நடப்பு மாதச் செய்திகள் ஆகஸ்ட் 2007
- ஆகஸ்ட் 1 - ஐக்கிய அமெரிக்காவில் மினசோட்டா மாநிலத்தில் மாநிலங்களை இணைக்கும் இண்டர்ஸ்டேட் பாலம் மிசிசிப்பி ஆற்றில் வீழ்ந்ததில் 6 பேருக்கு மேல் கொல்லப்பட்டனர். (சிஎன்என்)
- ஆகஸ்ட் 2 - ரஷ்யாவின் சகாலின் நகரில் 6.7 ரிக்டர் நிலநடுக்கம் ஏற்பட்டதில் உயிரிழப்புகள் ஏற்பட்டன. (ரஷ்யன் நியூஸ்)
- ஆகஸ்ட் 4 - நாசா விண்வெளி ஆய்வு மையம் செவ்வாய்க் கோளில் அடுத்த ஆண்டில் தரையிறக்கி ஆய்வுகள் மேற்கொள்ளவென பீனிக்ஸ் என்னும் கலத்தை விண்ணுக்கு ஏவியது. (வாஷிங்டன் போஸ்ட்)
- ஆகஸ்ட் 4 - இந்தியா, வங்காள தேசம் மற்றும் நேபாளம் ஆகிய நாடுகளில் பெரும் வெள்ளப் பெருக்கால் நூற்றுக்கணக்கானோர் கொல்லப்பட்டு லட்சக்கணக்கானோர் வீடுகளை இழந்துள்ளனர். (பிபிசி)
- ஆகஸ்ட் 8 - நாசா விண்வெளி ஆய்வு மையம் என்டெவர் விண்ணோடத்தை (படம்) கிறிஸ்டினா மெக்காலீப் என்ற ஆசிரியர் உட்பட ஏழு விண்வெளி வீரர்களுடன் அனைத்துலக விண்வெளி நிலையத்திற்கு கென்னடி விண்வெளி மையத்தில் இருந்து வெற்றிகரமாகச் செலுத்தியது.
- ஆகஸ்ட் 9 - அஸ்ஸாமில் இரு வேறு நிகழ்வுகளில் தீவிரவாதிகள் எனச் சந்தேகிக்கப்படும் துப்பாக்கிதாரிகள் சுட்டதில் 12 பேர் கொல்லப்பட்டனர். (ஏபி)
- ஆகஸ்ட் 11 - மேற்கு ஆஸ்திரேலியாவைச் சேர்ந்த ஆய்வாளர்களால் கடலுக்கடியில் ஒரு வாரத்தின் முன்னர் கண்டுபிடிக்கப்பட்ட கப்பலின் சிதைவுகள் நவம்பர் 19, 1941இல் ஜேர்மனியர்களினால் 645 ஆஸ்திரேலியர்களுடன் மூழ்கடிக்கப்பட்டு காணாமல்போன சிட்னி என்ற போர்க்கப்பலின் சிதைவுகளென அடையாளங் காணப்பட்டுள்ளதாகத் தெரிவிக்கப்படுகிறது. எனினும் இது ஊர்ஜிதப்படுத்தப்படவில்லை.(தி ஏஜ்)
- ஆகஸ்ட் 15 - பெருவின் தலைநகர் லீமாவில் இருந்து 300 கிமீ தொலவில் 8.0 ரிக்டர் அளவு நிலநடுக்கம் ஏற்பட்டதில் பலத்த சேதம் ஏற்பட்டது. குறைந்தது 500 பேர் கொல்லப்பட்டு, ஆயிரக்கணக்கானோர் படுகாயமடைந்தனர். (தி ஏஜ்)
- ஆகஸ்ட் 15 - பாலி ஒன்பது: இந்தோனேசியா, பாலியில் போதைப்பொருள் கடத்திய குற்றச்சாட்டுக்காக கைது செய்யப்பட்டு மரணதண்டனையை எதிர்நோக்கியிருக்கும் ஒன்பது அவுஸ்திரேலியர்களில் மூவரின் மேன்முறையீட்டினை பாலி நீதிமன்றம் தள்ளுபடி செய்துள்ளது. (சிட்னி மோர்னிங் ஹெரால்ட்)
- ஆகஸ்ட் 18 - துருக்கிய அட்லஸ் ஜெட் விமானம் ஒன்று சைப்பிரசில் இருந்து துருக்கி நோக்கிச் செல்லும் போது தீவிரவாதிகளால் கடத்ததும் முயற்சி தோல்வி அடைந்தது. எண்ணெய் நிரப்புவதற்காக அண்டால்யா விமான நிலையத்தில் தரையிறக்கிய போது தீவிரவாதிகள் சரணடைந்தனர். (சிட்னி மோர்னிங் ஹெரால்ட்)
- ஆகஸ்ட் 21 - நாசா விண்வெளி ஆய்வு மையத்தின் என்டெவர் விண்ணோடம் (படம்) ஏழு விண்வெளி வீரர்களுடன் வெற்றிகரமாகக் பூமி திரும்பியது. (ஐஎச்ரி)
- ஆகஸ்ட் 25 - பிரம்ம குமாரிகள் அமைப்பின் தலைமை ராஜயோகினி தாதி பிரகாஷ்மணி (வயது 87), ராஜஸ்தானில் காலமானார். (தினக்குரல்)
- ஆகஸ்ட் 25 - இந்தியா, ஐதராபாத் நகரில் இரண்டு வெவ்வேறு குண்டுவெடிப்பு நிகழ்வுகளில் 30 பேர் கொல்லப்பட்டு 50 பேருக்கு மேல் காயமடைந்தனர். (ஆந்திராநியூஸ்)
- ஆகஸ்ட் 25 - கிறீசில் இடம்பெற்ற மிக மோசமான காட்டுத்தீயினால் 53 பேர் கொல்லப்பட்டு பலத்த சேதம் ஏற்பட்டது. (பிபிசி)
- ஆகஸ்ட் 25 - பல்கேரியாவைச் சேர்ந்த பேத்தர் ஸ்டொய்சேவ் என்பவர் ஆங்கிலக் கால்வாயைக் மிக விரைவில் கடந்து புதிய உலக சாதனையை நிகழ்த்தினார். (டைம்ட் ஃபைனல்ஸ்)
- ஆகஸ்ட் 28 - இலங்கை, மாத்தளையிலுள்ள மகாத்மா காந்தி உருவச்சிலை இனந்தெரியாத விஷமிகளால் அடித்து நொருக்கப்பட்டது. (தினக்குரல்)
- ஆகஸ்ட் 31 - இலங்கையின் சுசாந்திகா ஜெயசிங்க ஜப்பனின் ஒசாகா நகரில் நடைபெற்று வரும் உலக தடகளப் போட்டிகளில் மகளிருக்கான 200 மீட்டர் ஓட்டத்தில் 22.63 விநாடிகளில் கடந்து வெண்கலப் பதக்கம் வென்றுள்ளார். (டெய்லி மிரர்)
- ஆகஸ்ட் 31 - இளவரசி டயானாவின் 10வது நினைவு நாள் லண்டனில் கொண்டாடப்பட்டது. எலிசபெத் மகாராணி மற்றும் அரச குடும்பத்தினர், பிரதமார் உட்படப் பலர் கலந்து கொண்டனர். (பிபிசி)
- ஆகஸ்ட் 31 - ஆப்கானிஸ்தான், காபுல் விமான நிலையத்தில் இடம்பெற்ற தற்கொலைக் குண்டுவெடிப்பில் இருவர் கொல்லப்பட்டு 10 பேர் காயமடைந்தனர். (பிபிசி)