விக்யான் பவன்
விக்யான் பவன் (Vigyan Bhawan) என்பது புது தில்லியில் உள்ள இந்திய அரசின் முதன்மை மாநாட்டு மையமாகும் . இது 1956ஆம் ஆண்டில் கட்டப்பட்டது. பல ஆண்டுகளாக இது தேசிய மற்றும் சர்வதேச அளவிலான மாநாடுகள், கருத்தரங்குகள் மற்றும் விருது வழங்கும் விழாக்களில் புகழ்பெற்ற உலகத் தலைவர்கள் மற்றும் பிரமுகர்கள் கலந்து கொண்டுள்ளனர். 1983ஆம் ஆண்டில் பொதுநலவாய நாடுகளின் உறுப்பினர் நாடுகளின் தலைவர்கள் கூட்டம், கூட்டுசேரா இயக்கத்தின் 7 வது உச்சிமாநாடு, மற்றும்1983 மார்ச் 7-12, தெற்காசிய நாடுகளின் பிராந்தியக் கூட்டமைப்பின் உச்சி மாநாடு ஆகியவை இங்கு நடந்துள்ளது. [1] இது இந்திய அரசின் நகர்ப்புற மேம்பாட்டு அமைச்சகத்தின் கீழ் உள்ள குடியிருப்பு / அலுவலக இயக்குநரகத்தால் நிர்வகிக்கப்படுகிறது. மேலும், மத்திய பொதுப்பணித் துறையால் பராமரிக்கப்படுகிறது. [2]
| விக்யான் பவன் | |
|---|---|
 விக்யான் பவன் மற்றும் கிழக்கு வாயில். | |
 | |
| பொதுவான தகவல்கள் | |
| இடம் | புது தில்லி |
| முகவரி | மௌலானா அசாத் சாலை, புது தில்லி-110003, இந்தியா |
| உரிமையாளர் | இந்திய அரசு |
இது தேசிய அளவிலான செயல்பாடுகள் மற்றும் மாநாடுகள் மற்றும் இந்திய அரசு, மாநில அரசுகள், பொதுத்துறை நிறுவனங்கள் மற்றும் தன்னாட்சி அமைப்புகளின் செயல்பாடுகளால் மட்டுமே முன்னுரிமை அளிக்கப்படுகிறது. [3] குடியரசுத் தலைவர், துணைக் குடியரசுத் தலைவர் அல்லது இந்தியப் பிரதமர் ஆகியோரால் தன்னார்வ தொண்டு நிறுவனங்கள் / தனியார் நிறுவனங்களுக்கு இது ஒதுக்கப்பட்டு வருகிறது. இது ஆண்டுதோறும் தேசிய திரைப்பட விருதுகள் உட்பட பல்வேறு விருது விழாக்களையும் நடத்துகிறது.
கட்டிடக்கலை
தொகுபிரதான கட்டிடம் 1955ஆம் ஆண்டில் ஜெய்ப்பூரைச் சேர்ந்த மத்திய பொதுப்பணித் துறையின் ஆர்.பி.ஜெலோட் என்பவரால் வடிவமைக்கப்பட்டது. இதன் அருகிலுள்ள புது தில்லி|தலைமைச் செயலக கட்டிடம்,]] மற்றும் லுடியன்ஸ் தில்லி ஆகியவற்றைப்போல் இது பிரித்தன் இராச்சியக் கட்டிடக்கலை கூறுகளை உள்ளடக்கியது. மேலும் இதில் இந்து மற்றும் முகலாயக் கட்டிடக்கலை மற்றும் பண்டைய பௌத்தக் கட்டிடக்கலை, குறிப்பாக அஜந்தா குகைகளின் சைத்திய வளைவுகளும் கலந்திருப்பதும் தெளிவாகத் தெரிகிறது. அத்துடன் கட்டிடத்தின் ஒட்டுமொத்த பாணி மறுமலர்ச்சி கூறுகளுடன் நவீனத்துவமாக உள்ளது. [4]
கண்ணோட்டம்
தொகுஇந்த வளாகத்தின் முக்கிய அம்சம் 1200க்கும் மேற்பட்ட (922 + 326 + 37) [5] பிரதிநிதிகள் அமரும் திறன் கொண்ட முழுமையான மண்டபம் ஆகும். இது தவிர இதில் 65 சிறிய பிரதிநிதிகள் முதல் 375க்கும் மேற்பட்ட பிரதிநிதிகள் வரை அமரும் வகையில் ஆறு சிறிய அரங்குகள் உள்ளன. இந்த கட்டிடத்தில் ஒரு முக்கிய நபர்களுக்கான விடுதி, அலுவலகங்களுக்கான அலுவலகத் தொகுதி, செயலகம் மற்றும் ஒரு ஆவண மையம், ஒரு அரங்கம், ஒரு வணிக மையம் மற்றும் ஒரு கண்காட்சி அரங்கம் ஆகியவை உள்ளன . அருகிலுள்ள கட்டிடம் விக்யான் பவன் இணைப்பு என அழைக்கப்படுகிறது. பின்னர் நான்கு குழு அறைகள் மற்றும் ஒரு தனி ஊடக மையத்துடன் சேர்க்கப்பட்டது. [6] இந்த இணைப்பில் இந்திய அரசின் வடகிழக்கு பிராந்திய அபிவிருத்தி அமைச்சகம் உள்ளது. [7] விக்யான் பவன் இணைப்பு துணைக் குடியரசுத்தலைவர் மாளிகைக்கு அருகில் உள்ளது.
மையத்தில் உள்ள 'தி ஏட்ரியத்தில்' உணவு மற்றும் இதர சேவைகள் இந்திய சுற்றுலா மேம்பாட்டுக் கழகத்தின் அசோக் குழுவால் நிர்வகிக்கப்படுகின்றன. [8]
குறிப்புகள்
தொகு- ↑ "Vigyan Bhavan" (PDF). Ministry of Commerce (Government of India). Archived from the original (PDF) on 2011-06-26. பார்க்கப்பட்ட நாள் 2020-04-29.
- ↑ "Vigyan Bhawan". Archived from the original on 2016-08-01. பார்க்கப்பட்ட நாள் 2016-01-17.
- ↑ "Guidelines for Allotment" (PDF). Directorate of Estates. p. 2. Archived from the original (PDF) on 2013-12-28. பார்க்கப்பட்ட நாள் 2020-04-29.
- ↑ Lang, Jon T. (2002). A concise history of modern architecture in India. Orient Blackswan. p. 36. பன்னாட்டுத் தரப்புத்தக எண் 81-7824-017-3.
- ↑ "dlvigyanbhawanbooking" (PDF). p. 2. Archived from the original (PDF) on 15 பிப்ரவரி 2017. பார்க்கப்பட்ட நாள் 6 April 2017.
{{cite web}}: Check date values in:|archive-date=(help) - ↑ "Details of Facilities" (PDF). Directorate of Estates. Archived from the original (PDF) on 2014-10-13. பார்க்கப்பட்ட நாள் 2020-04-29.
- ↑ "About us". Ministry of Development of North Eastern Region.
- ↑ Vigyan Bhawan பரணிடப்பட்டது 2014-04-07 at the வந்தவழி இயந்திரம் ITDC website.
வெளி இணைப்புகள்
தொகு- Vigyan Bhavan பரணிடப்பட்டது 2014-03-06 at the வந்தவழி இயந்திரம் at Directorate of Estates
- Vigyan Bhawan at wikimapia