ஹெலன் பி. டவுசிக்

ஹெலன் ப்ரூக் டவுசிக் (மே 24, 1898 - மே 20, 1986) பால்டிமோர் மற்றும் பாஸ்டனில் பணிபுரிந்த ஒரு அமெரிக்க இருதயநோய் நிபுணர் ஆவார். இவர் குழந்தை இருதயவியல் துறையை நிறுவினார். டெட்ராலஜி ஆஃப் ஃபாலட் ( நீல குழந்தை நோய்க்குறி பொதுவான காரணம்) உடன் பிறந்த குழந்தைகளின் வாழ்க்கையை நீட்டிக்கும் ஒரு செயல்முறைக்கான கருத்தை உருவாக்கிய பெருமைக்குரியவர். இந்த கருத்து பிளேலாக்-தாமஸ்-டவுசிக் ஷன்ட் எனப்படும் ஒரு நடைமுறையாக பயன்படுத்தப்பட்டது. இந்த நடைமுறையை ஜான்ஸ் ஹாப்கின்ஸ் மருத்துவமனையில் டவுசிக்கின் சக பணியாளர்களாக இருந்த ஆல்ஃபிரட் பிளாக் மற்றும் விவியன் தாமஸ் ஆகியோர் உருவாக்கினர்.

குழந்தை பருவத்தில் காது தொற்று ஏற்பட்டதைத் தொடர்ந்து டவுசிக் ஓரளவு காது கேளாதவராக இருந்தவர், முதிர்வயதில் முழு காது கேளாத நிலைக்கு முன்னேறியது. இவரது செவித்திறன் இழப்பை ஈடுசெய்ய, தனது நோயாளிகளுடன் பேச உதடு வாசிப்பு நுட்பங்களையும், செவிப்புலன் கருவிகளையும் பயன்படுத்த கற்றுக்கொண்டார். டவுசிக் இதய துடிப்புகளின் தாளத்தை உணர, ஸ்டெதாஸ்கோப்பைக் காட்டிலும், அவரது விரல்களைப் பயன்படுத்தும் ஒரு முறையையும் உருவாக்கினார். இவருடைய சில புதுமைகள் ஒலியைக் காட்டிலும் தொடுவதன் மூலம் இதயப் பிரச்சினைகளைக் கண்டறியும் திறனுக்குக் காரணம்.

டவுசிக் தாலிடோமைடு எனும் மயக்க மருந்து தடை செய்த பணிக்காக அறியப்படுகிறார். மேலும் மிகவும் திறமையான மருத்துவராக பரவலாக அங்கீகரிக்கப்பட்டார். அமெரிக்கன் ஹார்ட் அசோசியேஷனின் தலைவராக தேர்ந்தெடுக்கப்பட்ட முதல் பெண்மணி ஆவார். மேலும் 1964 ஆம் ஆண்டில் அவருக்கு சுதந்திரத்திற்கான ஜனாதிபதி பதக்கம் வழங்கப்பட்டது.

ஆரம்பகால வாழ்க்கை மற்றும் கல்வி

ஹெலன் ப்ரூக் டவுசிக் 1898 மே 24 அன்று மாசசூசெட்ஸின் கேம்பிரிட்ஜில் பிராங்க் டபிள்யூ. டவுசிக் மற்றும் எடித் தாமஸ் கில்ட் ஆகியோருரின் நான்கு குழந்தைகளில் இளையவரான பிறந்தார். இவரது தந்தை ஹார்வர்ட் பல்கலைக்கழகத்தில் பொருளாதார வல்லுனராக இருந்தார். மேலும் இவரது தாய் மகளிர் கல்லூரியான ராட்க்ளிஃப் கல்லூரியின் முதல் மாணவர்களில் ஒருவராக இருந்தார்.

டவுசிக் 11 வயதாக இருந்தபோது, அவரது தாயார் காசநோயால் இறந்தார். ஹெலனும் இந்த நோயால் பாதிக்கப்பட்டு பல ஆண்டுகளாக உடல்நிலை சரியில்லாமல் இருந்தார். இவர் தனது ஆரம்ப பள்ளி காலங்களில் கடுமையான டிஸ்லெக்ஸியா மற்றும் ஓரளவு காது கேளாமல் போராடினார். இருந்த போதிலும், விடாமுயற்சியுடன் பணிபுரிவதாலும், தந்தையிடமிருந்து விரிவான பயிற்சி அளிப்பதாலும் பள்ளியில் சிறப்பாகச் செயல்பட்டார்.

இவர் 1917 ஆம் ஆண்டில் கேம்பிரிட்ஜ் பெண்கள் பள்ளியில் பட்டம் பெற்றார், பின்னர் ராட்க்ளிஃப் கல்லூரியில் இரண்டு ஆண்டுகள் படித்து இளநிலைப் பட்டம் பெற்றார் மற்றும் 1921 இல் பெர்க்லியில் உள்ள கலிபோர்னியா பல்கலைக்கழகத்தில் பை பீட்டா கப்பா உறுப்பினரானார்.

பட்டம் பெற்ற பிறகு, டவுசிக் ஹார்வர்ட் மருத்துவப் பள்ளியில் படிக்க விரும்பினார். ஆனால் அப்போதைய மருத்துவத் திட்டம் பெண்களை ஏற்கவில்லை (1847 இல் கிட்டத்தட்ட 100 ஆண்டுகளுக்கு முன்னர் முதல் பெண் விண்ணப்பித்திருந்தாலும்,1945 ஆம் ஆண்டு வரை மருத்துவத் திட்டம் பெண்களை ஏற்கவில்லை). அதற்கு பதிலாக இவர் பொது சுகாதாரத்தைப் படிக்க விண்ணப்பிப்பதாகக் கருதினார், ஏனென்றால் இவரது தந்தை இது பெண்களுக்கு மிகவும் பொருத்தமான துறையாக நினைத்தார். ஆனால் ஒரு பெண்ணாக அவர் இந்த நிகழ்ச்சியில் கலந்து கொள்ளலாம், ஆனால் ஒரு பட்டத்துடன் அங்கீகரிக்கப்பட மாட்டார் என்பதை அறிந்து கொண்டார்.