ஹேமா குழு அறிக்கை
ஹேமா குழு அறிக்கை (Hema Committee report) என்பது மலையாளத் திரைப்படத்துறையில் 2017ஆம் ஆண்டு நடிகை தாக்கப்பட்ட வழக்குக்குத் தொடர்பாக கேரளாவைச் சேர்ந்த திரைத்துறையில் பெண்களுக்கான மொத்த அமைப்பின் (வுமன் இன் சினிமா கலெக்டிவ்) (டபிள்யூ. சி. சி) மனுவைத் தொடர்ந்து கேரள அரசு நீதிபதி ஹேமா தலைமையில் நியமித்த குழுவின் அறிக்கையாகும். ஓய்வுபெற்ற கேரள உயர் நீதிமன்ற நீதிபதி கே. ஹேமா தலைமையிலான குழுவில் மூத்த நடிகை சாரதா மற்றும் ஓய்வுபெற்ற இந்திய ஆட்சிப் பணி அதிகாரி கே. பி. வல்சலா குமாரி ஆகியோர் உறுப்பினர்களாக இருந்தனர்.[1]
வரலாறு.
தொகுமலையாளத் திரைப்படத்துறை பாலியல் துன்புறுத்தல் மற்றும் பாலின சமத்துவம் தொடர்பான பிரச்சினைகளை விசாரிக்க கேரள உயர்நீதிமன்றத்தின் ஓய்வுபெற்ற நீதிபதி கே. கேமா தலைமையிலான குழு அமைக்கப்பட்டது. இந்தக் குழு தனது அறிக்கையை 2019 திசம்பரில் சமர்ப்பித்தது. இந்த அறிக்கையானது 19 ஆகத்து 2024 அன்று, பொதுமக்களுக்குக் கிடைத்தது.
நீதிபதி கே. ஹேமா குழு அளித்த 233 பக்க அறிக்கையைக் கேரள அரசு ஆகத்து 19, 2024 அன்று வெளியிட்டது. தகவல் அறியும் உரிமைச் சட்டத்தின் கீழ் வெளியிடப்பட்ட அறிக்கையில், 295 பக்க ஆரம்ப அறிக்கையிலிருந்து 63 பக்கங்களை நீக்கிய பின்னர், மலையாளத் துறையில் உள்ள இயக்குநர்கள், தயாரிப்பாளர்கள் மற்றும் நடிகர்கள் உட்பட இத்தொழில்துறையில் 15 முன்னணி நபர்களைக் கொண்ட அனைத்து ஆண் சக்தி குழுவும் இருப்பதை அறிக்கை வெளிப்படுத்துகிறது. இந்த அறிக்கையின்படி, யார் தொழில்துறையில் இருக்க வேண்டும், யார் திரைப்படங்களில் நடிப்பார்கள் என்பதை அதிகாரக் குழு தீர்மானித்துள்ளது.[2][3][4][5][6]
எதிர்வினைகள்
தொகுஹேமா குழுவின் அறிக்கையைத் தொடர்ந்து, மலையாளத் திரையுலகில் ஏராளமான நடிகைகளும் பிற பெண் தொழிலாளர்களும் பல்வேறு தொழில்துறை பிரமுகர்களுடன் தங்கள் வேதனையான அனுபவங்களைப் பகிர்ந்து கொள்ள முன்வந்தனர்.
- மலையாளத் திரைப்பட இயக்குநர் ரஞ்சித் பாலகிருஷ்ணனுடன் ஏற்பட்ட ஒரு குழப்பமான சந்திப்பை சிறீலேகா மித்ரா வெளிப்படுத்தினார். இந்தக் குற்றச்சாட்டுகளுக்குப் பதிலளிக்கும் விதமாக, கேரள மாநில சலாசித்ரா அகாதமி தலைவர் பதவியை ரஞ்சித் ராஜினாமா செய்தார். 2009ஆம் ஆண்டு வெளியான பலேரி மாணிக்யம் ஒரு பதிரகோளபாத்தகத்திண்டே கதா என்ற திரைப்படத்தின் தயாரிப்பின் போது இந்த சம்பவம் நடந்ததாகக் கூறப்படுகிறது.[7]
- மலையாளத் திரைப்பட நடிகர்களான சித்திக் மற்றும் ரியாஸ் கான் ஆகியோரிடமிருந்து முறையற்ற நடத்தையை ரேவதி சம்பத் வெளிப்படுத்தினார். இதைத் தொடர்ந்து, மலையாளத் திரைப்பட கலைஞர்கள் சங்கத்தின் பொதுச் செயலாளர் பதவியிலிருந்து சித்திக் விலகினார்.[8][9]
- கீதா விஜயன் 1991ஆம் ஆண்டில் சஞ்சாட்டம் படப்பிடிப்பின் போது மலையாளத் திரைப்பட இயக்குநர் துளசிதாஸ் மற்றும் தயாரிப்பாளர் அரோமா மோகன் ஆகியோருடன் தனது எதிர்மறையான அனுபவங்களைப் பகிர்ந்து கொண்டார்.[10]
- 2007ஆம் ஆண்டில் அவான் சண்டியுடே மகன் படத்தில் பணிபுரிந்தபோது மலையாளத் திரைப்பட இயக்குநர் துளசி தாசுடன் ஏற்பட்ட ஒரு துன்பகரமான நிகழ்வினை சிறீதேவிகா நினைவு கூர்ந்தார்.[11]
- மலையாளத் திரைப்பட இயக்குநர் வி. கே. பிரகாசு மீது அநாமதேய இளம் திரைக்கதை எழுத்தாளர் ஒருவர் குற்றச்சாட்டுகளை முன்வைத்தார்.[12]
- மலையாளத் திரைப்பட நடிகர்கள் ஜெயசூர்யா, மணியன் பிள்ளை ராஜு மற்றும் எடவெலா பாபு ஆகியோர் 2014ஆம் ஆண்டில் கொச்சியில் ஒரு படத்தின் தயாரிப்பின் போது தனக்கு எதிராக முறையற்ற நடத்தையை வெளிப்படுத்தினர் என்று மினு முனீர் குற்றம் சாட்டினார். கூடுதலாக, மலையாள திரைப்பட கலைஞர்கள் சங்கத்தில் உறுப்பினராக இருப்பதற்கு ஈடாக நடிகர் முகேஷ் பாலியல் உதவிகள் கோரியதாகக் கூறினார்.[13]
- இளைய கலைஞரான அம்ருதா மலையாளத் திரைப்பட இயக்குநர் வி. ஏ. சிறீரீகுமார் மற்றும் நடிகர் பாபுராசு ஜேக்கப் ஆகியோருடன் எதிர்மறையான அனுபவத்தைப் பகிர்ந்து கொண்டார்.[14]
- இளைய கலைஞரான சந்தியா, மலையாள நடிகர் முகேசுடன் தனது நண்பரின் தாயார் கொண்டிருந்த எதிர்மறையான தொடர்புகளை நினைவு கூர்ந்தார்.[15]
ஆகத்து 27,2024 அன்று, மலையாளத் திரைப்படத்துறையினைச் சேர்ந்த பெண் கலைஞர்கள் மற்றும் தொழிலாளர்களின் குற்றச்சாட்டுகளை விவரிக்கும் கேமா குழு அறிக்கை வெளியானதைத் தொடர்ந்து, மலையாள திரைப்பட கலைஞர்கள் சங்கம் இதன் முழு நிர்வாகக் குழுவையும் கலைத்தது. இரண்டாவது முறையாக தலைவராகப் பணியாற்றிய மோகன்லால், நிர்வாகக் குழு கலைப்பால் பாதிக்கப்பட்டவர்களில் ஒருவர்.[16]
மேற்கோள்கள்
தொகு- ↑ "Rampant harassment and no toilets: Report exposes Kerala film industry". bbc news.
- ↑ "Kerala government releases Hema Committee report on Malayalam film industry". Deccan Herald.
- ↑ "Hema Committee report reveals all-male power group, systemic sexual harassment against women in Mollywood". The New Indian Express. 19 August 2024.
- ↑ "'Casting couch, pay disparities and more': Hema Committee report on issues women face in Malayalam film industry – CNBC TV18". CNBCTV18. 19 August 2024. Archived from the original on 19 August 2024. பார்க்கப்பட்ட நாள் 19 August 2024.
- ↑ "Kerala Government delays release of Justice K. Hema Committee report amid legal challenge by former actress". https://timesofindia.indiatimes.com/entertainment/malayalam/movies/news/kerala-government-delays-release-of-justice-k-hema-committee-report-amid-legal-challenge-by-former-actress/articleshow/112588846.cms.
- ↑ "Tanushree Dutta calls Hema Committee report 'useless', targets Dileep and Nana Patekar: 'A safe workplace is a basic right for a woman'". The Indian Express.
- ↑ "Bengali actor Sreelekha Mitra files complaint against Ranjith to Kochi police commissioner". onmanorama.com. பார்க்கப்பட்ட நாள் 2024-08-26.
- ↑ "Revathy Sampath accuses actor Riyaz Khan of making sexual advances over call". moneycontrol.com. Archived from the original on 26 August 2024. பார்க்கப்பட்ட நாள் 2024-08-25.
- ↑ "'The door was locked': Revathy Sampath details shocking alleged sexual assault by Siddique, says no one helped her". dnaindia.com. Archived from the original on 26 August 2024. பார்க்கப்பட்ட நாள் 2024-08-26.
- ↑ "Actors Sridevika, Geetha Vijayan accuse senior Malayalam director Thulasidas of harassment". indianexpress.com. Archived from the original on 26 August 2024. பார்க்கப்பட்ட நாள் 2024-08-26.
- ↑ "Actors Geetha Vijayan, Sridevika accuse director Thulasidas of sexual harassment". indiatoday.in. Archived from the original on 26 August 2024. பார்க்கப்பட்ட நாள் 2024-08-26.
- ↑ "Female Malayalam Script Writer Accuses VK Prakash Of Forcing Himself On Her, Bribing Her To Stay Quiet; Says, 'Admired His Films, Never Expected Him To Behave This Way'". spotboye.com. பார்க்கப்பட்ட நாள் 2024-08-26.
- ↑ "Malayalam actress Minu Muneer claims she faced sexual abuse from 4 Mollywood heavyweights". https://economictimes.indiatimes.com/magazines/panache/former-actress-minu-muneer-accuses-4-malayalam-heavyweights-of-sexual-abuse/articleshow/112799175.cms?from=mdr.
- ↑ "Malayalam actor-producer Baburaj accused by junior artiste of sexual assault". economictimes.indianexpress.com. பார்க்கப்பட்ட நாள் 2024-08-26.
- ↑ "Allegations against MLA Mukesh cast a shadow over Kerala's film policy committee". thenewsminute.com. பார்க்கப்பட்ட நாள் 2024-08-26.
- ↑ "Mohanlal resigns as AMMA president; executive committee dissolved". Onmanorama. பார்க்கப்பட்ட நாள் 2024-08-27.