அகன்றவால் புல் கதிர்க்குருவி
அகன்ற வால் புல் கதிர்குருவி ( Broad-tailed grassbird ) என்பது லோகஸ்டெல்லிடே குடும்பத்தைச் சேர்ந்த பறவை இனமாகும். இது இந்தியாவின் மேற்குத் தொடர்ச்சி மலைகளைச் சேர்ந்தது, இலங்கையிலும் இருக்க வாய்ப்பு உள்ளது. இது ஒரு சிறிய, உடலின் பெரும்பகுதி பழுப்பு நிறமான பறவையாகும். இதன் வால் பரந்த அளவில் அகன்று இருக்கும். இது பொதுவாக மேற்கு தொடர்ச்சி மலைக சார்ந்த பகுதிகளில் உயர்ந்த புல் வளர்ந்த மலைப் பக்கங்களில் மட்டுமே காணப்படுகிறது. இந்த இனம் ஒரே பகுதியில் வசிப்பவை என்று நம்பப்படுகிறது, இருப்பினும் இவை உள்ளூர் பகுதியில் இடப்பெயர்ச்சி செய்யக்கூடும்.
| அகன்றவால் புல் கதிர்க்குருவி | |
|---|---|
| |
| In Brahmagiri Wildlife Sanctuary, Karnataka, India | |
உயிரியல் வகைப்பாடு 
| |
| திணை: | விலங்கு
|
| தொகுதி: | |
| வரிசை: | |
| குடும்பம்: | |
| பேரினம்: | |
| இனம்: | S. platyurus
|
| இருசொற் பெயரீடு | |
| Schoenicola platyurus (Jerdon, 1841) | |
| வேறு பெயர்கள் | |
|
Timalia platyura | |
விளக்கம் தொகு
சிட்டுக்குருவியை விடப் பெரிதான இப்பறவை சுமார் 17 செ.மீ. நீளம் இருக்கும். இதன் மேல் அலகு கொம்பு நிறமான பழுப்பாகவும், கீழ் அலகு ஊன் நிறமாகவும் இருக்கும். விழிப்படலம் பழுப்புத் தோய்ந்த சாம்பல் நிறத்திலும், கால்கள் கருஞ்சாம்பல் பழுப்பு நிறத்திலும் இருக்கும். உடலின் மேற்பகுதி கருஞ்சிவப்புத் தோய்ந்த பழுப்பாக இருக்கும். மோவாய், தொண்டை, மார்பு, வயிறு, ஆகியன வெண்மையாக இருக்கும். வால் அகன்று ஆழ்ந்த பழுப்பு நிறம் கொண்டதாகக் குறுக்குப் பட்டைகளோடு காட்சியளிக்கும். வாலின் முனை சற்று மங்கியதாக இருக்கும். ஆணும் பெண்ணும் ஒன்றுபோலவே இருக்கும்.
பரவல் தொகு
அகன்றவால் புல் கதிர்க்குருவியானது, முக்கியமாக தென்னிந்தியாவின் மேற்குத் தொடர்ச்சி மலைகளில் முதன்மையாக கர்நாடகத்தின் தெற்கே, (புனே, லோணாவ்ளா மற்றும் நாசிக் ஆகிய பகுதிகளில் இருந்து சில பதிவுகள் உள்ளன) புல் நிறைந்த ஈரப்பதமான மலைப்பகுதிகளில் மட்டுமே காணப்படுகிறது.[2] கோடியக்கரையில் எஸ். ஏ. உசைன் என்பவரால் இதன் ஒரு மாதிரி சேகரிக்கப்பட்டது. இந்தப் பறவை உள்ளூர் பகுதியில் இடம்பெயர்வுகளில் ஈடுபடலாம் என்று கூறப்படுகிறது. ஒருவேளை இலங்கைக்குள் இருக்கலாம் என்று கருதப்படுகிறது.[3] இது இலங்கையில் காணப்படலாம் என்ற கருத்துக்கு போதிய ஆதரவு இல்லை; ஒரு பழைய மாதிரி (எச். கம்மிங்கால் சேகரிக்கப்பட்டது, அது நம்பகத்தன்மையற்றதாகக் கருதப்படுகிறது. மேலும் கம்மதுவ, மாத்தளை மலைகள், வைதலாவ, ரங்கலா மலைகள் போன்ற பகுதிகளில் காணப்படதாக உறுதிப்படுத்தப்படாத இரண்டு பதிவுகள் உள்ளன. இந்த இனம் பிலிகிரிரங்கன் மலையில் இருந்து பதிவாகவில்லை.[4]
நடத்தையும் சூழலியலும் தொகு
இதன் இனப்பெருக்க காலம் மார்ச் முதல் மே வரை என்று தோன்றுகிறது. ஆனால் கூடுகள் ஜூலை மற்றும் செப்டம்பர் மாதங்களில் காணப்படுகின்றன, எனவே இரண்டு முறை குஞ்சு பொறித்து வளர்கிறதா என்பது சந்தேகத்திற்குரியது. கூடு என்பது கரடுமுரடாக புற்களால் கட்டப்படுகிறது. கூட்டில் பக்கவாட்டில் ஒரு நுழைவாயில் அமைக்கப்படுகிறது. வழக்கமாக இரண்டு அல்லது மூன்று முட்டைகளை இடுகிறது. இது பூச்சிகளை உணவாக கொள்கிறது.[5]
மேற்கோள்கள் தொகு
- ↑ BirdLife International (2016). "Schoenicola platyurus". IUCN Red List of Threatened Species 2016: e.T22715577A94459789. https://www.iucnredlist.org/species/22715577/94459789. பார்த்த நாள்: 6 October 2021.
- ↑ Raha, B. Sarda; R. Mistry, V.K. (2007). "Broad-tailed Grass-warbler Schoenicola platyura in Nashik, Maharashtra". J. Bombay Nat. Hist. Soc. 104 (1): 93. https://biodiversitylibrary.org/page/48382446.
- ↑ Hussain,SA (1976). "Occurrence of the Broadtailed Grass Warbler Schoenicola platyura (Jerdon) on the Coromandel coast"]. J. Bombay Nat. Hist. Soc. 73 (2): 400–401. https://biodiversitylibrary.org/page/48293403.
- ↑ Srinivasan, U.; Prashanth, N.S. (2006). "Preferential routes of bird dispersal to the Western Ghats in India: An explanation for the avifaunal peculiarities of the Biligirirangan Hills". Indian Birds 2 (4): 114–119. https://www.researchgate.net/publication/242161670.
- ↑ Hume, AO (1880). "Schoenicola platyurus". Stray Feathers 9: 260–264. https://archive.org/stream/strayfeathersjou91880hume#page/260/mode/1up.