விக்கிப்பீடியா

ஐமன் அழ்-ழவாகிரி

(அய்மன் அல் சவாகிரி இலிருந்து வழிமாற்றப்பட்டது)

ஐமன் முகம்மது ரபீ அழ்-ழவாகிரி (Ayman Muhammad Rabaie al-Zawahiri[6]; 19 சூன் 1951 – 31 சூலை 2022)[7] என்பவர் எகிப்தில் பிறந்த மருத்துவரும், இறையியலாளரும், 2011 முதல் 2022 சூலையில் இறக்கும் வரை அல் காயிதா தீவிரவாதக் குழுவின் தலைவராகவும் இருந்தவர்.[8] இவர் எகிப்திய இசுலாம் (ஜிகாத்) போராட்டத்தின் தலைவர் அப்த்-அல்-சுமர் எகிப்திய அரசால் வாழ்நாள் சிறையில் வைக்கப்பட்டபின்னர் அதன் இரண்டாம் அமீராக இருந்தார். உசாமா பின் லாதின் நெப்டியூன் இசுப்பியர் நடவடிக்கையில் கொல்லப்பட்ட பின்னர் அல்கைதாவின் தலைவரானார். இவர் முன்னதாக ஆசியா, ஆப்பிரிக்கா, வட அமெரிக்காவில் தாக்குதல்களை நடத்திய இசுலாமியத் தீவிரவாத இயக்கங்களின் மூத்த உறுப்பினராக இருந்தார். 2012 இல், இவர் முசுலிம் நாடுகளில் உள்ள மேற்குலகத்தவரைக் கடத்துமாறு முஸ்லிம்களைக் கேட்டுக் கொண்டவர்.[9]

ஐமன் அழ்-ழவாகிரி
Ayman al-Zawahiri
أيمن الظواهري
ஐமன் அழ்-ழவாகிரி காபுலில், நவம்பர் 2001
அல் காயிதாவின் 2-வது தளபதி அமீர்
பதவியில்
சூன் 16, 2011[1] – சூலை 31, 2022
முன்னவர் உசாமா பின் லாதின்
துணை அமீர், அல் காயிதா
பதவியில்
1988–2011
முன்னவர் எவருமில்லை
பின்வந்தவர் நாசிர் அழ்-வுகைசி
அமீர், எகிப்திய இசுலாமியப் போராட்டம்
பதவியில்
1991–1998
முன்னவர் முகம்மது அப்தல் சலாம் பராச்
பின்வந்தவர் அல் காயிதாவுடன் இணைப்பு
தனிநபர் தகவல்
பிறப்பு ஐமன் முகம்மது ராபி அழ்-ழவாகிரி
சூன் 19, 1951(1951-06-19)
கீசா, Egypt
இறப்பு சூலை 31, 2022(2022-07-31) (அகவை 71)
காபுல், ஆப்கானித்தான்[2]
இறப்பிற்கான
காரணம் 		ஆளில்லா வானூர்தித் தாக்குதல்[2]
தேசியம் எகிப்தியர்
வாழ்க்கை துணைவர்(கள்)
அசா அகமது
(தி. 1978; இற. 2001)

உமைமா அசன்
பிள்ளைகள் 7
படித்த கல்வி நிறுவனங்கள் கெய்ரோ பல்கலைக்கழகம்
பணி அறுவை மருத்துவர்
இராணுவப் பணி
சார்பு எகிப்து இராணுவம் (Surgeon)[3]
(1974–1977)[4]
எகிப்திய இசுலாமியப் போராட்டம் (1980–1998)[5]
அல் காயிதா
(1988–2022)
சேவைக்காலம்1980–2022
தரம்செனரல் அமீர். அல் காயிதா
போர்கள்/யுத்தங்கள்சோவியத்–ஆப்கான் போர்
ஆப்கானித்தான் போர் (2001–2021)

செப்டம்பர் 11, 2001 தாக்குதல்களின் பின்னர், இவரைக் கைது செய்யத் தகவல் தருவோருக்கு 25 மில்லிய அமெரிக்க டாலர்கள் வெகுமதி அளிப்பதாக அமெரிக்க அரசுத் திணைக்களம் அறிவித்திருந்தது.[10][11] 1999 இல், இவர் மீது ஐக்கிய நாடுகளின் அல்-கைதா தடைகள் குழு உலகளாவிய தடைகளை விதித்திருந்தது.[12]

அல் ழவாகிரி அறுவை மருத்துவ நிபுணராக அறியப்படுகிறார்; அவரது எகிப்திய இசுலாமிய ஜிகாத் பின் லாதினின் அல்காயிதாவுடன் இணைந்தபோது பின் லாதினுக்குத் தனிப்பட்ட அறிவுரையாளராகவும் மருத்துவராகவும் செயற்பட்டு வந்தார். பின் லாதினை 1986ஆம் ஆண்டு ஜித்தாவில் சந்தித்தார்.[13] அல் ழவாகிரி இசுலாமிய மெய்யியல் மற்றும் இசுலாமிய வரலாற்றில் தேர்ந்த அறிவும் ஆழ்ந்த புரிதலும் கொண்டிருந்தார். அல் ழவாகிரிக்கு அரபி , ஆங்கிலம் [14][15] மற்றும் பிரெஞ்சு மொழியில் நல்ல தேர்ச்சி உண்டு.

1998ஆம் ஆண்டு அல் சவாகிரி எகிப்திய இசுலாமிய ஜிகாத் இயக்கத்தை அல்காயிதாவுடன் முறையாக இணைத்தார். அல்காயிதாவின் முன்னாள் உறுப்பினர் ஒருவரின் கூற்றுப்படி, அல் ழவாகிரி அல்காயிதாவின் நிறுவன காலத்திலிருந்தே பணி புரிந்தவர் என்றும் அதன் ஆலோசனை அவையின் மூத்த உறுப்பினராக விளங்கினார் என்றும் அறியப்படுகிறது. பின் லாதினின் "தளபதி" என்று இவர் குறிப்பிடப்பட்டாலும், பின் லாதினின் வாழ்க்கை வரலாற்றை எழுதுபவர் இவரை அல்காயிதாவின் உண்மையான "அறிவுத்திறன்" எனக் குறிக்கிறார்.[16]

2022 சூலை 31 அன்று, அழ்-ழவாகிரி அமெரிக்காவின் ஆளில்லா விமானம் ஒன்றின் மூலம் காபுல் நகரில் வைத்துக் கொல்லப்பட்டார்.[17]

மேற்கோள்கள் தொகு

  1. ↑ "Al-Qaeda's remaining leaders". BBC News. June 16, 2015. https://www.bbc.com/news/world-south-asia-11489337. 
  2. ↑ 2.0 2.1 "Ayman al-Zawahiri: Al-Qaeda leader killed in US drone strike", BBC
  3. ↑ "Ayman al-Zawahiri – from medical doctor to al Qaeda chief", DW
  4. ↑ F. Schmitz, Winfried (2016). Solutions Looking Beyond Evil. பன்னாட்டுத் தரப்புத்தக எண்:978-1524540395. https://www.google.ca/books/edition/Solutions/v-szDQAAQBAJ?pg=PT40&printsec=frontcover. 
  5. ↑ "Ayman al Zawahiri". March 31, 2019 அன்று மூலதளத்திலிருந்து பரணிடப்பட்டது எடுக்கப்பட்டது. September 8, 2014 அன்று பார்க்கப்பட்டது.
  6. ↑ சில வேளைகளில் அழ்-தவாஹிரி என்றும் அழைக்கப்படுகிறார். எகிப்திய அரபு பலுக்கல்: Egyptian Arabic pronunciation: [ˈʔæjmæn mæˈħæmmæd ɾɑˈbiːʕ ez.zˤɑˈwɑhɾi]; அண்ணளவாக: ஐமன் முகம்மது ரபீ எழவாஹிரி.
  7. ↑ "Ayman al-Zawahiri". FBI Most Wanted Terrorists. October 24, 2016 அன்று மூலதளத்திலிருந்து பரணிடப்பட்டது எடுக்கப்பட்டது. July 28, 2016 அன்று பார்க்கப்பட்டது.
  8. ↑ Alexander Ward. "U.S. kills Al-Qaeda leader Ayman al-Zawahri in drone strike: Sources". Politico (ஆங்கிலம்). August 1, 2022 அன்று பார்க்கப்பட்டது.
  9. ↑ "Al Qaeda leader calls for kidnapping of Westerners – CNN.com". CNN. October 29, 2012. http://edition.cnn.com/2012/10/27/world/asia/al-qaeda-kidnap-threat/. 
  10. ↑ "CNN Programs – People in the News". October 6, 2014 அன்று மூலதளத்திலிருந்து பரணிடப்பட்டது எடுக்கப்பட்டது. April 28, 2017 அன்று பார்க்கப்பட்டது.
  11. ↑ "Ayman al-Zawahiri". Rewards for Justice. October 21, 2019 அன்று மூலதளத்திலிருந்து பரணிடப்பட்டது எடுக்கப்பட்டது. July 31, 2021 அன்று பார்க்கப்பட்டது.
  12. ↑ "UN list of affiliates of al-Qaeda and the Taliban". July 28, 2006 அன்று மூலம் பரணிடப்பட்டது.
  13. ↑ Atkins, Stephen E. (31 May 2011). The 9/11 Encyclopedia. ABC-CLIO. பக். 456–. பன்னாட்டுத் தரப்புத்தக எண்:9781598849219. http://books.google.com/books?id=PDDIgWRN_HQC&pg=PA456. பார்த்த நாள்: 6 May 2011. 
  14. ↑ www.memri.org. "Al-Qaeda Deputy Head Ayman Al-Zawahiri in Audio Recording: Musharraf Accepted Israel's Existence". Memri.org. 2011-02-03 அன்று பார்க்கப்பட்டது.
  15. ↑ Wilkinson, Isambard (August 11, 2008). "Al-Qa'eda chief Ayman Zawahiri attacks Pakistan's Pervez Musharraf in video". The Daily Telegraph (London). http://www.telegraph.co.uk/news/worldnews/asia/pakistan/2540522/Al-Qaeda-chief-Ayman-Zawahiri-attacks-Pakistans-Pervez-Musharraf-in-video.html. பார்த்த நாள்: April 26, 2010. 
  16. ↑ Baldauf, Scott (31 October 2001). "The 'cave man' and Al Qaeda". Christian Science Monitor. 2008-04-17 அன்று பார்க்கப்பட்டது.
  17. ↑ "US kills al Qaeda leader Ayman al-Zawahiri in drone strike in Afghanistan". CNN. 2 August 2022.

வெளியிணைப்புகள் தொகு

நிகழ்படம் தொகு

"https://ta.wikipedia.org/w/index.php?title=ஐமன்_அழ்-ழவாகிரி&oldid=3792206" இருந்து மீள்விக்கப்பட்டது