இந்திரா சக்ரவர்த்தி
இந்திரா சக்ரவர்த்தி (Indira Chakravarty) என்பவர் இந்திய பொதுச் சுகாதார நிபுணர், அறிஞர், சுற்றுச்சூழல் நிபுணர் ஆவார்.[1] இவர் 2014ஆம் ஆண்டு இந்திய அரசின் நான்காவது மிக உயர்ந்த குடிமகன் விருதான பத்மசிறீ விருதினை பொதுச் சுகாதாரம் மற்றும் சுற்றுச்சூழல் ஆகிய துறைகளில் ஆற்றிய பங்களிப்பிற்காகப் பெற்றார்.[2]
இந்திரா சக்ரவர்த்தி | |
|---|---|
| பிறப்பு | இந்தியா |
| படித்த கல்வி நிறுவனங்கள் | இராசபசார் அறிவியல் கல்லூரி, கொல்கத்தா பல்கலைக்கழகம் |
| பணி | பொதுச் சுகாதார நிபுநர் |
| விருதுகள் | பத்மசிறீ எடோர்டோ சவுமா விருதை இந்திரா காந்தி பிரியதர்சினி தேசிய விருது உலகளாவிய தலைமை விருது |
வாழ்க்கைக் குறிப்பு
தொகுசக்ரவர்த்தி மேற்கு வங்காளம் மாநிலத்தினைச் சார்ந்தவர். இவர் உயிர்வேதியியலில் கல்கத்தா பல்கலைக்கழகத்தில் முனைவர் பட்டமும் அதனைத் தொடர்ந்து அறிவியல் முனைவர் பட்டமும் பெற்றுள்ளார்.[1][3] இவர் இந்தியாவின் உணவு பாதுகாப்பு மற்றும் சுகாதாரத் துறையிலும் உலகளாவிய சுகாதாரத்திலும் தீவிர செயற்பாட்டாளராக உள்ளார். இவர் 30க்கும் மேற்பட்ட ஆராய்ச்சி திட்டங்களில் பங்கேற்றுள்ளார்.[4] உலக சுகாதார அமைப்பின் குழந்தைகளுக்கான உலக உச்சி மாநாடு மற்றும் பசி திட்டம் ஆகிய இரண்டு திட்டங்களிலும் பங்கேற்றுள்ளார்.[1]
சக்கரவர்த்தி சில ஆய்வுகளை, கொல்கத்தாவின் தெருவோர வியாபாரிகளிடம் நடத்தினார். இதன் மூலம் கொள்கை மாற்றங்கள் மற்றும் புதிய முயற்சிகள் இந்திய அரசினால் மேற்கொள்ள வழிவகுத்தன.[5] பன்னாட்டு மகளிர் அருங்காட்சியகத்தின் உலகளாவிய குழு உறுப்பினர் உள்ளிட்ட பல முக்கியப் பதவிகளைச் சக்கரவர்த்தி வகித்துள்ளார்.[1] இவற்றில் குறிப்பிடத்தக்கவைகளாக 1) தலைமை ஆலோசகர் - பொதுச் சுகாதார பொறியியல் துறை, மேற்கு வங்க அரசு[3][6][7] 2) உறுப்பினர் - தேசிய குடிநீர் மற்றும் சுகாதாரம் குழு, இந்திய அரசு[3] 3) வாரிய உறுப்பினர்- சர்வதேச சுகாதார நிறுவனம், ஐக்கிய நாடுகள் பல்கலைக்கழகம்[1][3][8] 4) முன்னாள் உறுப்பினர் - இந்திய உணவு பாதுகாப்பு மற்றும் தர நிர்ணய ஆணையம், இந்திய அரசு [1] [3] 5) முன்னாள் மண்டல இயக்குநர், தெற்காசியா - நுண்ணூட்டச்சத்து முயற்சி - பன்னாட்டு மேம்பாட்டு ஆராய்ச்சி மையம்[1][3] 6) முன்னாள் இயக்குநர் மற்றும் தலைவர்- அகில இந்திய ஆரோக்கியம் மற்றும் பொதுச் சுகாதாரம் நிறுவனம், இந்திய அரசு[1][3] 7) முன்னாள் இயக்குநர் - சித்தரஞ்சன் தேசிய புற்றுநோய் நிறுவனம், இந்திய அரசு[1][3] 8) முன்னாள் மண்டல ஆலோசகர் ஊட்டச்சத்து (சட்டம்) - தென்கிழக்கு ஆசியாவுக்கான மண்டல அலுவலகம், உலக சுகாதார அமைப்பு[1][3] 9) மண்டல ஒருங்கிணைப்பாளர் - தெரு உணவுகள் குறித்த ஆசிய மண்டல மையம் - உணவு மற்றும் விவசாய அமைப்பு [1] 10) கவுரவ அறிவியல் ஆலோசகர் - சமூக ஆதரவு மற்றும் மேம்பாட்டுக்கான அறக்கட்டளை[1][9] மற்றும் 11) ஆலோசகர் - குழந்தைகளுக்கான உலக உச்சி மாநாடு - உலக சுகாதார அமைப்பு [1] ஆகியன அடங்கும்.
நூல் வெளியீடு
தொகுசக்கரவர்த்தி புத்தகம் ஒன்றினையும் 250க்கும் மேற்பட்ட ஆய்வுக் கட்டுரைகளைத் தேசிய அளவிலான மன்றக் கூட்டங்கள் மற்றும் பன்னாட்டு ஆய்விதழ்களில் வெளியிட்டுள்ளார்.[1][10][5][6][7]
விருதுகள் மற்றும் கவுரவங்கள்
தொகுபொதுச் சுகாதாரம் மற்றும் சுற்றுச்சூழல் ஆகிய துறைகளில் சக்ரவர்த்தியின் பங்களிப்பினை அங்கீகரிக்கும் விதமாக இந்திய அரசு இவருக்கு பத்மசிறீ விருதினை வழங்கியது.[2]
ஐக்கிய நாடுகளின் உணவு மற்றும் வேளாண்மை அமைப்பு சக்கரவர்த்திக்கு எடோர்டோ சவுமா முதல் விருதை வழங்கியது.[4] இவர் அனைத்திந்திய இந்தியத் தேசிய ஒற்றுமை குழுவின் இந்திரா காந்தி பிரியதர்சினி தேசிய விருதினையும்[4] மிக உயர்ந்த பன்னாட்டுக் கவுரவமான தென் புளோரிடா பல்கலைக்கழகத்தின் உலகளாவிய தலைமை விருதினையும் பெற்றார்.[5] இன்றைய உலகில் பெண்களின் பல்லூடக கலைக்களஞ்சியத்தில் இவர் அதிக அளவில் இடம்பெற்றுள்ளார்.[9] 2014ஆம் ஆண்டு குடியரசு தினத்தில் இவரைப் பங்குபெறச் செய்ததன் மூலம் இந்திய அரசு இவரது சேவைகளை அங்கீகரித்தது.[2]
இதையும் பார்க்கவும்
தொகு- நுண்ணூட்டச்சத்து முன்முயற்சி
- குழந்தைகளுக்கான உலக உச்சி மாநாடு
- சர்வதேச மகளிர் அருங்காட்சியகம்
மேற்கோள்கள்
தொகு- ↑ 1.00 1.01 1.02 1.03 1.04 1.05 1.06 1.07 1.08 1.09 1.10 1.11 1.12 1.13 "International Museum of Women". International Museum of Women. 2014. Archived from the original on 2 November 2014. பார்க்கப்பட்ட நாள் 2 November 2014.
- ↑ 2.0 2.1 2.2 "Padma 2014". Press Information Bureau, Government of India. 25 January 2014. Archived from the original on 8 February 2014. பார்க்கப்பட்ட நாள் 28 October 2014.
- ↑ 3.0 3.1 3.2 3.3 3.4 3.5 3.6 3.7 3.8 "BIS" (PDF). BIS. 2014. Archived from the original (PDF) on 2 November 2014. பார்க்கப்பட்ட நாள் 2 November 2014.
- ↑ 4.0 4.1 4.2 "United Nations University". United Nations University. 2014. Archived from the original on 2 நவம்பர் 2014. பார்க்கப்பட்ட நாள் 2 November 2014.
- ↑ 5.0 5.1 5.2 "University of South Florida". University of South Florida. 8 August 2009. பார்க்கப்பட்ட நாள் 2 November 2014.
- ↑ 6.0 6.1 "Britannia" (PDF). Britannia. 2014. பார்க்கப்பட்ட நாள் 2 November 2014.
- ↑ 7.0 7.1 "Food and Agriculture Organization (UN)" (PDF). Food and Agriculture Organization (UN). 2014. பார்க்கப்பட்ட நாள் 2 November 2014.
- ↑ "United Nations University". United Nations University. 2014. Archived from the original on 2 நவம்பர் 2014. பார்க்கப்பட்ட நாள் 2 November 2014.
- ↑ 9.0 9.1
{{cite book}}: Empty citation (help) - ↑ Indira Chakravarty, R K Sinha (2002). "Prevalence of micronutrient deficiency based on results obtained from the national pilot program on control of micronutrient malnutrition.". Nutr. Rev. 6 (5): 553–558. http://www.pubfacts.com/detail/12035859/Prevalence-of-micronutrient-deficiency-based-on-results-obtained-from-the-national-pilot-program-on-.
மேலும் படிக்க
தொகு- Indira Chakravarty (1972). Saga of Indian Food A Historical and Cultural Survey. Sterling Publishers. p. 183.
- Indira Chakravarty, R K Sinha (2002). "Prevalence of micronutrient deficiency based on results obtained from the national pilot program on control of micronutrient malnutrition.". Nutr. Rev. 6 (5): 553–558. http://www.pubfacts.com/detail/12035859/Prevalence-of-micronutrient-deficiency-based-on-results-obtained-from-the-national-pilot-program-on-.