இராம் விலாசு பாசுவான்
இராம் விலாசு பாசுவான் (Ram Vilas Paswan) (5 சூலை 1946 - 8 அக்டோபர் 2020[3]) பீகாரைச் சேர்ந்த இந்திய அரசியல்வாதியும் லோக் ஜனசக்தி கட்சியின் தலைவரும், முன்னாள் உணவு மற்றும் நுகர்பொருள் அமைச்சரும் ஆவார். எட்டு முறை மக்களவை (இந்தியா) உறுப்பினராகவும் மாநிலங்களவை உறுப்பினராகவும் இருந்துள்ளார். சம்யுக்த சோசலிசக் கட்சியில் தமது அரசியல் வாழ்வைத் தொடங்கினார். 1969ஆம் ஆண்டு பீகார் சட்டப்பேரவைக்குத் தேர்ந்தெடுக்கப்பட்டார். 1974இல் லோகதளம் கட்சி உருவானபோது அதில் இணைந்தார். நெருக்கடி நிலை ஆட்சியை எதிர்த்துக் கைதானார்.1977இல் ஹாஜீபூரிலிருந்து ஜனதா கட்சியின் சார்பில் மக்களவைக்கு தேர்ந்தெடுக்கப்பட்டார். இத்தொகுதியிலிருந்து 1980, 1984, 1989, 1996 மற்றும் 1998 ஆண்டுகளில் மீண்டும் தேர்ந்தெடுக்கப்பட்டார்.
| இராம் விலாசு பாசுவான் | |
|---|---|
| |
| மக்களவை உறுப்பினர் | |
| பதவியில் 1977, 1980, 1984, 1989, 1996, 1998, 2004, 2014 | |
| தொகுதி | ஹாஜீபூர், பீகார் |
| மாநிலங்களவை உறுப்பினர் | |
| பதவியில் சூலை 2010 [1] – 2014 | |
| நுகர்வோர் நலன், உணவு மற்றும் பொது விநியோக அமைச்சர் | |
| பதவியில் மே, 2014 – அக்டோபர், 2020 | |
| வேதிப்பொருள் மற்றும் உரத்துறை அமைச்சர்[1] | |
| பதவியில் 23 மே 2004 – 22 மே 2009 | |
| பின்வந்தவர் | மு. க. அழகிரி |
| சுரங்கத்துறை அமைச்சர்[1] | |
| பதவியில் 1 செப்டம்பர் 2001 – 29 ஏப்ரல் 2002 | |
| முன்னவர் | சுந்தர் லால் பட்வா |
| தகவல், தொலைத்தொடர்பு அமைச்சர்[1] | |
| பதவியில் 13 அக்டோபர் 1999 – 1 செப்டம்பர் 2001 | |
| பின்வந்தவர் | பிரமோத் மகஜன் |
| தொடருந்து அமைச்சர்[2] | |
| பதவியில் 1 சூன் 1996 – 19 மார்ச் 1998 | |
| முன்னவர் | சி. கே. ஜாஃபர் ஷெரீஃப் |
| பின்வந்தவர் | நிதிஷ் குமார் |
| தனிநபர் தகவல் | |
| பிறப்பு | 5 சூலை 1946 கஃகாரியா, பீகார் |
| இறப்பு | 8 அக்டோபர் 2020 (அகவை 74) |
| அரசியல் கட்சி | லோக் ஜனசக்தி கட்சி |
| வாழ்க்கை துணைவர்(கள்) | ரீனா பாசுவான், இராச குமாரி |
| பிள்ளைகள் | சிராக் பாசுவான் (மகன்) மற்றும் 3 மகள்கள் |
| இருப்பிடம் | கஃகாரியா, பீகார் |
| As of செப்டம்பர் 14, 2009 Source: [1] | |
2000இல் லோக் ஜனசக்தி கட்சியை (LJP) நிறுவி அதன் தலைவராக விளங்கினார். ஐக்கிய முற்போக்குக் கூட்டணி அரசில் கூட்டுச் சேர்ந்து வேதிப்பொருள் மற்றும் உரத்துறை அமைச்சராகவும் உருக்கு அமைச்சராகவும் பணி புரிந்தார். 2004இல் மக்களவைத் தேர்தல்களில் வென்ற பாசுவான் 2009இல் தோல்வியைத் தழுவினார். 2010 முதல் 2014 வரை மாநிலங்களவையில் உறுப்பினராக இருந்த பாசுவான் 2014ஆம் ஆண்டு தமது ஹாஜீபூர் தொகுதியிலிருந்து தேசிய சனநாயகக் கூட்டணி வேட்பாளராக பதினாறாவது மக்களவைக்குத் தேர்ந்தெடுக்கப்பட்டார்.[4]
மேற்சான்றுகள் தொகு
- ↑ 1.0 1.1 1.2 1.3 "Rajya Sabha members". National Informatics Centre, New Delhi and Rajya Sabha bioprofile இம் மூலத்தில் இருந்து 2019-03-27 அன்று. பரணிடப்பட்டது.. https://web.archive.org/web/20190327221824/http://164.100.47.5/newmembers/Website/Main.aspx. பார்த்த நாள்: 9 ஏப்ரல் 2013.
- ↑ "List of Minister of Railways of India on Indian Railways Fan Club website". Indian Railways Fan Club. http://www.irfca.org/docs/railway-ministers.html. பார்த்த நாள்: 9 ஏப்ரல் 2013.
- ↑ "Ram Vilas Paswan, union minister, passes away". livemint. https://www.livemint.com/politics/news/ram-vilas-paswan-union-minister-passes-away-11602170143859.html. பார்த்த நாள்: செப்டம்பர் 2020.
- ↑ "LJP chief Ram Vilas Paswan, son Chirag Paswan win". Daily News & Analysis. 16 May 2014. http://www.dnaindia.com/india/report-ljp-chief-ram-vilas-paswan-son-chirag-paswan-win-1989065. பார்த்த நாள்: 2014-05-18.