இ. வி. கணேஷ் பாபு

இ. வி. கணேஷ் பாபு (E. V. Ganesh Babu) என்பவர் ஒரு இந்திய திரைப்பட நடிகர், கவிஞர், இயக்குநர் ஆவார். இவர் முதன்மையாக தமிழ் படங்களில் கவனம் செலுத்துகிறார்.

வாழ்க்கை

கணேஷ் பாபு தமிழ்நாட்டின், தஞ்சாவூர் மாவட்டம் வரகூர் என்ற சிற்றூரில் விவசாய குடும்பத்தில் பிறந்தவர். தமிழில் இளங்கலை பட்டம் பெற்றவர். இளம் வயதில் நாடகங்களில் ஆர்வம் கொண்டவராக இருந்தார். திரைப்படத் துறைக்கு வரும் முன்பு பல நாடங்களை எழுதி, இயக்கி, நடித்துள்ளார். 1996 இல் மு. கருணாநிதியின் எழுத்தில், கவிஞர் இளையபாரதியின் இயக்கத்தில் எடுக்கபட்டு தூர்தர்சனில் ஒளிபரப்பபட்ட தென்பாண்டி சிங்கம் தொலைக்காட்சித் தொடரில் உதவி இயக்குநராக பணிபுரிந்தார். 2000 ஆம் ஆண்டு வெளியான பாரதி படத்தின் பாரதியின் மருமகனாக நடித்து திரைப்பட நடிகராக அறிமுகமானார். பின்னர் ஒருத்தி, பிரண்ட்ஸ், புதிய கீதை, பகவதி. சிவகாசி போன்ற திரைப்படங்களில் இவர் நடித்துள்ளார்.

நடிகராக

• பாரதி (2000) பாரதியின் மருமகனாக
• ஊருக்கு நூறு பேர் (2001)
• ஒருத்தி (2003) கதாநாயகனாக
• பிரண்ட்ஸ் (2001)
• பகவதி (2002)
• புதிய கீதை (2003)
• ஆட்டோகிராப் (2004)
• சிவகாசி (2005)
• மொழி (2007)
• கற்றது தமிழ் (2007)
• ஆனந்தபுரத்து வீடு (2010)
• கட்டில்

இயக்குநராக

• யமுனா 2013
• கட்டில்

வெளி இணைப்புகள்

• இணையதள திரைப்பட தரவுத்தளத்தில் இ. வி. கணேஷ் பாபு