ஐரோவாசிய கொண்டலாத்தி

யூரேசியா கொண்டலாத்தி
காப்பு நிலை
தீவாய்ப்புக் கவலை குறைந்த இனம்  (IUCN 3.1) (As the “common hoopoe”)
உயிரியல் வகைப்பாடு
திணை:	விலங்கு
தொகுதி:	முதுகுநாணி
வகுப்பு:	பறவை
வரிசை:	கோராசீபோர்மெஸ்
குடும்பம்:	Upupidae Leach, 1820
பேரினம்:	Upupa L, 1758
இனம்:	U. epops
இருசொற் பெயரீடு
Upupa epops L, 1758
Approximate range.     nesting     resident (all year)     wintering

Upupa epops

யூரேசியா கொண்டலாத்தி (Upupa epops) ஆசியா, ஐரோப்பா, ஆப்பிரிக்கக் கண்டங்களில் காணப்படும் வண்ணமிகு பறவை. இதன் கிரீடம் போன்ற இறகுத்தலை இதனை எளிதில் அடையாளம் காட்டும். பழுப்பு நிற உடலும் பளிச்சென்ற கருப்பு-வெள்ளை இறகுகளும் கீழ்நோக்கி வளைந்த அலகும் கொண்டது இப்பறவை.கொண்டலாத்தி குருவியை எழுத்தாணிக் குருவி, சாவல்குருவி, புளுக்கொத்தி, கொண்டை வளர்த்தி, கொண்டை உலர்த்தி, விசிறிக்கொண்டைக் குருவி என்றும் அழைப்பர். கட்டிடங்கள் மற்றும் பாறை இடுக்குகளில் இடையில் கூடு அமைத்து இனப்பெருக்கம் செய்யும் பறவை இது . இதன் அலகு நீண்டு இருப்பதால் இதனை மரங்கொத்தி என மக்கள் தவறாக கருதுவர். உண்மையில் இது மண்ணின் உள் வண்டுகளும், கரையான்களும் அமைக்கும் புற்றுகளில் தன் நீண்ட அலகினை நுழைத்து அவற்றின் இளம் பருவ புழுக்களை உணவாக உண்கின்றன. அழகான உருவத்தைக்கொண்ட இவை பூச்சிகளைக் கட்டுப்படுத்துவதில் பெரும் பங்காற்றுகிறது. இவையெல்லாம் இல்லாவிட்டால் பூச்சிகளுக்கு நடுவிலுள்ள இடைவெளியில்தான் நாம் வாழ்ந்து கொண்டிருப்போம்

துணையினங்கள்

இந்த இனத்தின் கீழ் 9 துணையினங்கள் உள்ளன.

துணைச்சிற்றினம்	வளருமிட பரவல்	தனித்த பண்புகள்
யு. எ. எப்பாசு லின்னேயசு, 1758	வடமேற்கு ஆப்பிரிக்கா, கேனரி தீவுகள், ஐரோப்பா, தென் மத்திய ரஷ்யா, வடமேற்கு சீனா, தெற்கு, வடமேற்கு இந்தியா	மாதிரியினம்
யு. எ. மேஜர் சி.எல். பிரிஹம், 1855	தென்கிழக்கு ஆப்பிரிக்கா	மாதிரியினத்தை விட பெரியது, பெரிய அலகு, நீள அலகு, குறுகிய வால் பட்டை, சாம்பல் மேற்பகுதி
யு. எ. செனெகேலென்சு சுவைசன், 1913	செனகல் முதல் ஐரோப்பா வரை	மாதிரியினத்தினை விட சிறியது, குட்டையான இறகுகள்
யு. எ. வாய்பெலி ரெய்ச்சன்நவ், 1913	கேமரானலிருந்து தென் கென்யா	யு. எ. சிலென்சிசு போன்றது, அடர் சிறகுகள் தோற்றம், வெள்ளை நிறம் இறக்கைகளில்
யு. எ. சத்துராட்டா லோன்பெர்க், 1909	ஜப்பான், சைப்பீரியாவிலிருந்து திபெத்து, தென் சீனா	மாதிரியினத்தினைப் போன்றது, சாம்பல் நிற மார்பு கூடு, வெளிறிய இளம்சிவப்பு
இலங்கை கொண்டலாத்தி யு. எ. சிலென்சிசு ரெய்ச்சன்பாச், 1853	இந்திய துணைக்கண்டம்	மாதிரியினத்தினை விட சிறியது, அதிக செம்பழுப்பு நிறமுடையது,
யு. எ. லாங்கிரோஸ்ட்ரிசு ஜெர்டான், 1862	தென்கிழக்கு ஆசியா	மாதிரியினத்தினை விட பெரியது, வெளிறிய நிறமுடையது

வெளி இணைப்புகள்

விக்கிமீடியா பொதுவகத்தில்,
Upupa epops
என்பதில் ஊடகங்கள் உள்ளன.

விக்கியினங்கள் தளத்தில் பின்வரும் தலைப்பில் தகவல்கள் உள்ளன:

Upupa epops

• Ageing and sexing (PDF; 5.3 MB) by Javier Blasco-Zumeta & Gerd-Michael Heinze
• Photos, audio and video of Eurasian hoopoe from Cornell Lab of Ornithology's Macaulay Library
•   "Hoopœ". கோலியரின் புதுக் கலைக்களஞ்சியம். (1921). 
•  "Hoopoe". Encyclopedia Americana. 1920.