கட்டமஞ்சி இராமலிங்க ரெட்டி
சர் கட்டமஞ்சி இராமலிங்க ரெட்டி (Sir Cattamanchi Ramalinga Reddy) (பிறப்பு: 1880 டிசம்பர் 10- இறப்பு: 1951 பிப்ரவரி 24) சர் சி. ஆர். ரெட்டி எனவும் பிரபலமாக அறியப்படும் இவர் ஒரு கல்வியாளரும் அரசியல் சிந்தனையாளரும், கட்டுரையாளரும் பொருளாதார கவிஞரும் மற்றும் இலக்கிய விமர்சகருமாவார். [1] இவர் பிராமணரல்லாத இயக்கத்தில் தீவிரமாக இருந்துள்ளார். மேலும் இவர் பிராமணரல்லாத சமூகங்களை ஒன்றிணைக்கும் இயக்கத்திலும் சேர்ந்தார். இவர் தனது படைப்புகளை தெலுங்கு மற்றும் ஆங்கிலத்தில் எழுதியுள்ளார். இவை இந்திய பாரம்பரியத்தின் மீதான இவரது ஆழ்ந்த அன்பையும் இந்த நூல்களில் இவர் கற்றதையும், அத்துடன் இவரது கண்ணோட்டத்தின் நவீனத்துவத்தையும் வெளிப்படுத்துகின்றன.
ரெட்டி இந்தியாவில் கல்விக் கொள்கையை வடிவமைப்பதில் முக்கிய பங்கு வகித்த கல்வியாளராவார். நாட்டிற்கு இவர் செய்த சேவையை கௌரவிக்கும் விதமாக பிரித்தன் நைட்ஹூட் என்ற விருதை பெற்றவரும் ஆவார்.
ஆந்திரப் பல்கலைக்கழகத்தின் நிறுவனராகவும் மற்றும் 1926 முதல் 1931 வரை முதல் முறையும், 1936 முதல் 1949 வரை இரண்டாவது முறையும் துணைவேந்தராக பணியாற்றியுள்ளார்.
ஆரம்ப கால வாழ்க்கை தொகு
ரெட்டி சித்தூர் நகரத்தின் புறநகர்ப் கட்டமஞ்சியில் பிறந்தார். இவர் சுப்ரமண்ய ரெட்டி என்பவரின் இரண்டாவது மகனாவார். இவர் சித்தூரில் ஒரு வாதியாக ஒரு இலாபகரமான சட்ட நடைமுறையை கட்டியெழுப்பினார். மேலும் இவர் உயர்ந்த கொள்கைகள் மற்றும் சரியான நடத்தைக்காக அறியப்பட்டார். ரெட்டி தனது உயர்நிலைப் பள்ளி கல்வியை சித்தூரில் உள்ள பி. சி. ஆர் உயர்நிலைப் பள்ளியில் 1896 இல் முதலிடம் பெற்று முடித்து, 1897 இல் புகழ்பெற்ற சென்னை கிறிஸ்தவ கல்லூரியில் சேர்ந்தார். அக்கல்லூரியில் ரெவ் டாக்டர் மில்லர் முதல்வராக இருந்தார். டாக்டர் ஸ்கின்னர் தத்துவ பேராசிரியராகவும் பேராசிரியர் கெல்லட் ஆங்கில வகுப்புகளையும் எடுத்தார்கள். அவர்கள் அனைவரும் ஒரு மாணவராக ரெட்டியினால் பெரிதும் ஈர்க்கப்பட்டனர். இவரது அறிவுத்திறனை பாராட்டினர். கல்லூரியில் படித்தபோது, தெலுங்கு உதவித்தொகை பெற்றுள்ளார். தெலுங்கு வசனத்தில் 'முசலம்மா மரணம்' என்று ஒரு கதை எழுதியதற்காக இவருக்கு பரிசு கிடைத்தது. இது சில தனித்துவமான அம்சங்களைக் கொண்டிருந்தது. மேலும் இது தெலுங்கு கவிதைத் துறையில் ஒரு புதுமையான முயற்சியாக பார்க்கப்பட்டது. இது பாரம்பரிய பிரபந்தம் பாணியிலிருந்து முற்றிலும் மாறுபட்டது.
தொழில் தொகு
1901 ஆம் ஆண்டில், ரெட்டி தத்துவம் மற்றும் வரலாற்றில் பல பல்கலைக்கழக பரிசுகளைப் பெற்றார். அதன்பிறகு, இங்கிலாந்தின் கேம்பிரிட்ஜ் பல்கலைக்கழகத்தில் கல்வி கற்க இந்திய அரசு உதவித்தொகை பெற்றார். 1902 இல் கேம்பிரிட்ஜில் உள்ள செயின்ட் ஜான்ஸ் கல்லூரியில் சேர்ந்தார். கேம்பிரிட்ஜ், செயின்ட் ஜான்ஸ் கல்லூரியில் இவரது வாழ்க்கை சென்னை கிறித்துவக் கல்லூரியில் இருந்ததை விட குறைவாகவே இருந்தது. இவர் ஒரு சிறந்த மாணவர் என்பதைத் தவிர, ஒரு சிறந்த பேச்சாளர் மற்றும் விவாதக்காரர் என்று தனது அடையாளத்தை வெளிப்படுத்தினார். இவர் லிபரல் சங்கத்தின் செயலாளராகவும் பின்னர் ஒன்றிய அமைப்பின் துணைத் தலைவராகவும் தேர்ந்தெடுக்கப்பட்டார்.ஒன்றிய அமைப்பில் அந்த அலுவலகத்திற்கு தேர்ந்தெடுக்கப்பட்ட முதல் இந்திய மாணவர் இவராவார். அவர் ஒன்றிய அமைப்பின் துணைத் தலைவராக இருந்தபோது, வருங்கால பொருளாதார நிபுணர் ஜான் மேனார்ட் கெய்ன்ஸ் செயலாளராக இருந்தார். 1905 அக்டோபர் 31, அன்று, கோபால கிருட்டிண கோகலேவை ஒன்றிய அமைப்பில் உரையாற்ற ரெட்டி அழைத்தார். கோகலே கெய்ன்ஸைச் சந்தித்தபோது, அவர் உடனடியாக கெய்ன்ஸின் மேதைத்தனத்தை அடையாளம் கண்டுகொண்டு, "இந்தியாவில் ஆளுநரின் நிர்வாகக் குழுவில் நிதி உறுப்பினராக இருப்பதற்கு நீங்கள் மிகவும் பொருத்தமானவர்" என்று கருத்து தெரிவித்தார்.
ஐயங்கார் தனது "கட்டுரைகள் மற்றும் முகவரிகள்" புத்தகத்தில், ரெட்டியை ஒரு சிறந்த கல்வியாளர், முதல் தர ஆசிரியர், மனிதநேயவாதி, தைரியமான சிந்தனையாளர் மற்றும் சீர்திருத்தவாதி என்று விவரிக்கிறார். டாக்டர் எஸ். சுப்பிரமணிய ஐயர், எஸ். சீனிவாச ஐயங்கார் மற்றும் டி.வி. சேஷகிரி ஐயர் ஆகியோரின் தலைமையில் மெட்ராஸில் வழங்கப்பட்ட 'பல்கலைக்கழக சீர்திருத்தங்கள்' குறித்த ரெட்டியின் சொற்பொழிவுகள் இந்தியாவில் பல்கலைக்கழக சீர்திருத்தங்களுக்கான தொனியை அமைத்தன . ரெட்டியின் மரணத்தைத் தொடர்ந்து, மைசூர் மகாராஜா ஜெயச்சாமராஜேந்திர வாடியார் நினைவு கூர்ந்தார், "[ரெட்டி] மைசூருக்கு பல்வேறு திறன்களில் சேவை செய்தார், அவற்றில் ஒவ்வொன்றும் வெளிப்படையான திறன், அசாதாரண வைராக்கியம் மற்றும் அசைக்க முடியாத ஆற்றல் ஆகியவற்றால் வகைப்படுத்தப்பட்டன." [2]
குறிப்புகள் தொகு
- ↑ "Dr. C. R. Reddy". 1973. Archived from the original on 27 September 2007.
- ↑ "Late Dr. C.R. Reddy, Mysore Rajpramukh's Tribute". இந்தியன் எக்சுபிரசு: p. 5. 1 March 1951. https://news.google.com/newspapers?id=xANFAAAAIBAJ&sjid=Z7cMAAAAIBAJ&pg=5974%2C1511864.