கமுந்திங் தடுப்பு மையம்
கமுந்திங் தடுப்பு மையம் (ஆங்கிலம்: Kamunting Detention Centre (KEMTA); மலாய்: Kem Tahanan Perlindungan Kamunting; சீனம்: 甘文丁拘留中心) என்பது மலேசியா, பேராக், கமுந்திங், லாருட், மாத்தாங், செலாமா மாவட்டத்தில் உள்ள ஒரு தடுப்பு மையம் ஆகும். இதனை கமுந்திங் சிறை முகாம் என அழைப்பதும் உண்டு.[1]
| இடம் | கமுந்திங், பேராக், மலேசியா |
|---|---|
| அமைவு | 4°54′33″N 100°44′13″E / 4.90917°N 100.73694°E |
| நிலை | செயலில் உள்ளது |
| பாதுகாப்பு வரையறை | மிகைத் தடுப்பு (Supermax) |
| கொள்ளளவு | - |
| கைதிகள் எண்ணிக்கை | 2,770 |
| திறக்கப்பட்ட ஆண்டு | 14 நவம்பர் 1973 |
| முந்தைய பெயர் | - |
| நிருவாகம் | மலேசிய உள்துறை அமைச்சு |
| இயக்குனர் | சைபுதீன் நசுத்தியோன் இசுமாயில் |
இந்த மையம் 93.3 எக்டர் பரப்பளவைக் கொண்டது. தைப்பிங் நகரில் இருந்து ஏறக்குறைய 8 கி.மீ. தொலைவிலும், கமுந்திங் நகரில் இருந்து 3 கி.மீ. தொலைவிலும் அமைந்துள்ளது.
மலேசியஉள்நாட்டுப் பாதுகாப்புச் சட்டத்தின் (Internal Security Act Malaysia) கீழ் கைது செய்யப்பட்ட நபர்களைக் காவலில் வைத்து விசாரிக்க அரசாங்கம் இந்தத் தடுப்பு மையத்தைப் பயன்படுத்துகிறது.[2]
பொது தொகு
இந்த தடுப்பு மையம், மலேசியாவின் மிகைத் தடுப்பு சிறை (Malaysia's Supermax Prison) அல்லது அதிகபட்ச பாதுகாப்புச் சிறை (Maximum Security Prison) என்றும் அழைக்கப்படுகிறது. அத்துடன் மலேசிய அதிகாரிகள் அரசியல் கைதிகளை அடைத்து வைக்கும் தளம் என்றும் கூறப்படுகிறது.[3]
மலேசியஉள்நாட்டுப் பாதுகாப்புச் சட்டத்தின் பரவலான பயன்பாட்டைத் தூண்டிய குறிப்பிடத்தக்க நிகழ்வுகளில் 1987-இல் லாலாங் நடவடிக்கை (Operation Lalang); மற்றும் 1999-இல் சீர்திருத்த இயக்கம் (Reformasi Movement) ஆகியவற்றைக் குறிப்பிட்டுச் சொல்லலாம்.[4]
அல்-அர்க்காம் அல்-மவுனா குழுக்கள் தொகு
பயங்கரவாதிகள் மற்றும் தவறான வழிபாட்டு முறைகள் போன்ற தேசிய பாதுகாப்புக்கு அச்சுறுத்தலாக அமையலாம் என அறியப்பட்ட தனி நபர்களையும்; குழுக்களையும் தடுத்து வைப்பதற்கும் இந்த மையம் பயன்படுத்தப்பட்டு உள்ளது. கமுந்திங்கில் தடுத்து வைக்கப்பட்ட சில குறிப்பிடத்தக்க குழுக்களில் அல்-அர்க்காம் (Al-Arqam) குழு மற்றும் அல்-மவுனா (Al-Ma'unah) பயங்கரவாதக் குழுவும் அடங்கும்.
முக்கிய நபர்கள் தொகு
- அன்வர் இப்ராகீம் - மலேசியப் பிரதமர்
- லிம் கிட் சியாங் - எதிர்க்கட்சி தலைவர்
- செப்ரி கித்திங்கான் - சபா மாநில துணை முதல்வர்
- கர்பால் சிங் - எதிர்க்கட்சி தலைவர்
- பி. பட்டு - அரசியல்வாதி
- வி. டேவிட் - தொழிற்சங்கவாதி
- ஐரீன் சேவியர் - பெண் உரிமை போராளி
- ஜெயக்குமார் தேவராஜ் - மலேசிய சோசலிச கட்சி தலைவர்
- வேதமூர்த்தி பொன்னுசாமி - இண்ட்ராப் போராட்டக் குழு
- கணபதிராவ் விருமன் - இண்ட்ராப் போராட்டக் குழு
- சிவராசா ராசையா - மனித உரிமை
- எம். மனோகரன் - இண்ட்ராப் போராட்டக் குழு
- உதயகுமார் பொன்னுசாமி - இண்ட்ராப் போராட்டக் குழு
- சாமிநாதன் கணேசன் - இலங்கைத் தமிழர்களின் அனுதாபி
- லிம் குவான் எங் - பினாங்கு முன்னாள் முதலமைச்சர்
- முகமது சாபு - மலேசிய தற்காப்புத்துறை அமைச்சர்
- திரேசா கோக் - மலேசிய தோட்டத் தொழில்; மூலப் பொருட்கள் அமைச்சர்
மேற்கோள் தொகு
- ↑ Tempat Tahanan Perlindungan, prison.gov.my
- ↑ "Detention without trial against human rights, Suhakam says on Sosma". MalaysiaNow (in ஆங்கிலம்). 16 December 2022. பார்க்கப்பட்ட நாள் 24 April 2023.
- ↑ "Kamunting Camp Torment: Life story under ISA". பார்க்கப்பட்ட நாள் 24 April 2023.
- ↑ "M'sian Politicians Who Have Been Imprisoned Or Detained. Here's A Look Back At History". பார்க்கப்பட்ட நாள் 24 April 2023.