கம்போங் காசிப்பிள்ளை
கம்போங் காசிப்பிள்ளை அல்லது காசிப்பிள்ளை கிராமம், (மலாய்: Kampung Kasipillay; ஆங்கிலம்: Kampung Kasipillay) என்பது மலேசியா, கோலாலம்பூர் மாநகரத்தில் (Federal Territory of Kuala Lumpur) சிகாம்புட் நாடாளுமன்றத் தொகுதியில் செந்தூல் பகுதியில் உள்ள புறநகரப் பகுதியாகும். கோலாலம்பூர் மாநகரத்தில் தமிழர்கள் அதிகமாக வாழும் இடங்களில் இந்த காசிப்பிள்ளை கிராமமும் ஒன்றாகும்.[1]
  கம்போங் காசிப்பிள்ளை | |
| ஆள்கூறுகள்: 3°16′38″N 101°41′08″E / 3.27722°N 101.68556°E | |
| நாடு |  மலேசியா |
| கூட்டரசு நிலப்பகுதி |  கோலாலம்பூர் |
| நகர்ப்புறம் | கம்போங் காசிப்பிள்ளை |
| நாடாளுமன்றத் தொகுதி | சிகாம்புட் |
| அரசு | |
| • நகராண்மை | கோலாலம்பூர் மாநகராட்சி (DBKL) |
| நேர வலயம் | மலேசிய நேரம் ஒ.ச.நே + 08:00 |
| மலேசிய அஞ்சல் குறியீடு | 51200 |
| மலேசியத் தொலைபேசி எண் | +6-03 |
| மலேசியப் போக்குவரத்துப் பதிவெண் | W V |
| இணையதளம் | www.dbkl.gov.my |
கோலாலம்பூரின் மாநகரத்தின் வடக்கில், மாநகர மையத்தில் இருந்து சுமார் 5 கி.மீ. தொலைவில், செந்தூல், சிகாம்புட் ஆகிய நகரங்களுக்கு இடையில் அமைந்துள்ளது. அத்துடன் பத்து மலைக்குச் செல்லும் வழியில் ஜாலான் ஈப்போ (Jalan Ipoh) சாலையின் கிள்ளான் ஆற்று பகுதியில் உள்ளது.[2]
செந்தூல் நகர்ப் பகுதிக்குள், காசிப்பிள்ளை கிராமம் அமைந்து இருப்பதால் இங்கு இந்தியர்களின் நடமாட்டத்தை அதிகமாகக் காணலாம்.
காசிப்பிள்ளை
தொகுகம்போங் காசிப்பிள்ளை எனும் பெயரில் கம்போங் (Kampung) எனும் சொல் மலாய் மொழியில் கிராமம் என்பதைக் குறிப்பிடுவதாகும். 1900-ஆம் ஆண்டுகளில் கோலாலம்பூரில், காசிப்பிள்ளை (Kasipillay) என்பவர் மிகவும் பிரபலமாக விளங்கியவர்.
தமிழர்ச் சமுதாயத்தின் தலைவராக மதிக்கப்பட்டவர். செல்வச் சிறப்புமிக்க 1900-ஆம் ஆண்டுகளில் கோலாலம்பூர் தமிழர்களின் தலைவராக இருந்தவர் என்றும் அறியப் படுகிறார்.
செந்தூல் வரலாறு
தொகுமலேசியாவில் தமிழர்கள் அதிகமாக வாழும் இடங்களில் செந்தூலும் ஒரு பகுதியாகும். செந்தூலில் அதிகமான அளவில் இந்து கோயில்களையும், தேவாலயங்களையும் காண முடியும்.[3]
1896-ஆம் ஆண்டு பிரித்தானியர்களால் மலாய் மாநிலங்களின் கூட்டமைப்பு உருவாக்கப்பட்ட போது, இங்கு தமிழர்கள் அதிகமாக வந்து குடியேறினர். அதனால் தான் இங்கு தமிழர்களை அதிகமாகக் காண முடிகின்றது.[4]
ஈப்போ சாலை
தொகுஈப்போ சாலை எனும் ஜாலான் ஈப்போ (Jalan Ipoh) என்பது மலேசியாவின் கோலாலம்பூர் மாநகரில் உள்ள முக்கிய சாலைகளில் ஒன்றாகும். கோலாலம்பூர் மாநகராட்சி, (Dewan Bandaraya Kuala Lumpur) 2014 நவம்பர் 26-ஆம் தேதி, ஜாலான் ஈப்போ எனும் பெயரை ஜாலான் சுல்தான் அசுலான் சா என மாற்றம் செய்தது.
1980-ஆம் ஆன்டுகளில், மலேசியாவின் மாமன்னர்களின் பெயர்களை கோலாலம்பூர் சாலைகளுக்குச் சூட்டுவது என கோலாலம்பூர் மாநகராட்சி முடிவு செய்தது.[5]
மேற்கோள்கள்
தொகு- ↑ Sharil, Suraya; Razali, Fatin; Mohamed, Zawawi S.; Jun, Chang L.; Peik, A.L.S. (May 2016). "Flood forecasting model using empirical method for a small catchment area". Journal of Engineering Science and Technology 11 (5): 666-672. https://www.researchgate.net/publication/303127052_Flood_forecasting_model_using_empirical_method_for_a_small_catchment_area.
- ↑ Mohd Syariefudin Abdullah; Mohd Mahadee Ismail; Mansor Mohd Noor (2016). "Kesepaduan Sosial Dan Kejiranan Di Kawasan Rukun Tetangga". Jurnal Kinabalu 19: 63. https://jurcon.ums.edu.my/ojums/index.php/ejk/article/view/503/345.
- ↑ "Sentul's history is reflected in its old-world charm". TheStar. பார்க்கப்பட்ட நாள் 7 April 2020.
- ↑ "Sentul - a historic railway town". TheStar. பார்க்கப்பட்ட நாள் 9 April 2020.
- ↑ City folk surprised by DBKL’s sudden decision.