முதன்மை பட்டியைத் திறக்கவும்

காஜி நஸ்ருல் இஸ்லாம் (பெங்காலி: কাজী নজরুল ইসলাম ஆங்கிலம்:Kazi Nozrul Islam) (பிறப்பு மே 25 1899; மறைவு ஆகஸ்ட் 27 1976) வங்காளக் கவிஞர் ஆவார். சிறந்த இசைஞானத்துடன் இவர் இயற்றியுள்ள கவிதைகள் புரட்சிகரமானவை. பாசிசத்திற்கு எதிராகவும், சமூக ஒடுக்குமுறைகளுக்கு எதிராகவும் இவர் தனது கவிதைகளைப் பேராயுதமாகப் பயன்படுத்தினார். தனது கவிதைகளின் வீச்சாலும், தேசிய விடுதலைப் போராட்டத்தில் அளித்த பங்களிப்புக்காகவும் இன்று வரை வங்காளத்தின் புரட்சிக்கவியாக அறியப்படுகிறார்.

காஜி நஸ்ருல் இஸ்லாம்
1920ல் காஜி நஸ்ருல் இஸ்லாம்
முழுப் பெயர்காஜி நஸ்ருல் இஸ்லாம்
பிறப்புமே 25, 1899(1899-05-25)
புர்துவான் மாவட்டம், மேற்கு வங்காளம்
இறப்பு27 ஆகத்து 1976(1976-08-27) (அகவை 77)
டாக்கா, வங்காளதேசம்
காலம்20ம் நூற்றாண்டு மெய்யியல்
பகுதிஇந்திய மெய்யியல்
சிந்தனை மரபுகள்ஹனாஃபி மற்றும் சுன்னி இசுலாம்
முக்கிய ஆர்வங்கள்கவிதை, இசை, அரசியல், சமூகம்

குழந்தைகளுக்கான இவருடைய கவிதைகள் கற்பனை நிறைந்ததாகவும் உணர்ச்சி ஊட்டுவதாகவும் அமைந்தன. மதச்சார்பற்ற கொள்கையாளராக விளங்கினார்.[1] வங்கத்தில் வாழ்ந்த கிறித்தவ மக்களைப் பற்றித் தமது புதினத்தில் எழுதினார். ஆங்கிலம், எபிரேயம், போர்த்துக்கீசம் ஆகிய மொழிகளில் இவருடைய கவிதைகள் மொழிபெயர்க்கப்பட்டன.

பட்டங்களும் விருதுகளும்தொகு

1960 இல் இவருக்குப் பத்ம பூசண் விருது வழங்கப்பட்டது. வங்கதேச அரசு 1972 இல் காஜி நசுருல் இசுலாமுக்கு தேசியக் கவி எனப் பட்டம் அளித்துக் கௌரவித்தது.[2][2][3][3] மேற்கு வங்கம் அசன்சாலில் ஒரு பல்கலைக் கழகத்துக்கு இவரது பெயர் சூட்டப்பட்டது. வங்காள தேசத்தில் ஜட்டிய கபி காஜி நசுருல் இசுலாம் பல்கலைக்கழகம் உருவானது. மேற்கு வங்க ஆண்டலில் வானூர்தி நிலையத்திற்கு இவரது பெயர் வைக்கப் பட்டது கொல்கத்தா பல்கலைக் கழகத்தில் இவர் நினைவாக ஓர் இருக்கை ஏற்படுத்தப்பட்டது. நசுருல் தீர்த்தா என்ற பெயரில் மேற்கு வங்க அரசு பண்பாட்டுக் கல்வி மையத்தை நிறுவியது.

 
நசருல் கல்லறை

மேற்கோள்தொகு

"https://ta.wikipedia.org/w/index.php?title=காஜி_நஸ்ருல்_இஸ்லாம்&oldid=2716333" இருந்து மீள்விக்கப்பட்டது