கிளியோபாட்ராவின் ஊசி

கிளியோபாட்ராவின் ஊசி (Cleopatra's Needle) பண்டைய எகிப்தின், புது எகிப்திய இராச்சியத்தை ஆண்ட 18-ஆம் வம்ச பார்வோன் மூன்றாம் தூத்மோஸ் மற்றும் 19-ஆம் வம்ச பார்வோன் இரண்டாம் ராமேசஸ் எழுப்பிய ஊசி போன்ற செங்குத்தான மூன்று கல்தூபிகள் ஆகும்.[1] கிபி 1819-இல் அலெக்சாந்திரியா, அல்-உக்சுர் மற்றும் ஹெலியோபோலிஸ் நகரங்களை தொல்லியல் அகழ்வாய்வு செய்கையில் கண்டெடுக்கப்பட்ட இக்கல்தூபிகளுக்கு பின்னர் பிரான்சு நாட்டவர்கள் கிளியோபாட்ராவின் ஊசிகள் எனப்பெயரிட்டனர். [2] பண்டைய எகிப்தை கிமு 332 முதல் கிமு 32 முடிய ஆண்ட தாலமி வம்சத்தின் ஏழாம் கிளியோபாற்றாவுக்கும் இக்கல்தூபிகளுக்கும் எவ்வித தொடர்பும் இல்லை. 19-ஆம் நூற்றாண்டில் இந்த மூன்று கல்தூபிகளை சீரமைத்து அதில் ஒன்று நியுயார்க் நகரத்திலும், ஒன்று இலண்டன் நகரத்திலும், ஒன்று பாரிசு நகரத்திலும் காட்சிக்கு வைக்கப்பட்டுள்ளது.[3]

கிளியோபாட்ராவின் ஊசி, நியூயார்க்கு நகரம்
கிளியோபாட்ராவின் ஊசி, இலண்டன்
இரண்டாம் ராமேசஸ் நிறுவிய கிளியோபாட்ராவின் ஊசி, பாரிஸ்

கிளியோபாட்ராவின் கல்தூபி, இலண்டன்தொகு

இலண்டன் கிளியோபாட்ரா ஊசி, எகிப்தின் பார்வோன் மூன்றாம் தூத்மோஸ் கிமு 1450-இல் ஹெலியோபோலிஸ் நகரத்தில் நிறுவினார். இந்த கிளியோபாட்ரா ஊசியை, கிபி 1819-இல் எகிப்திய மன்னர் முகமது அலி பாட்சா, ஐக்கிய இராச்சியத்திர்ற்கு பரிசாக வழங்கினார். சில காரணங்களுக்காக இது எகிப்திலே இருந்தது. [4]பின்னர் 1877-இல் இது இலண்டனுக்கு எடுத்துச்செல்லப்பட்டது.[5]

கிளியோபாட்ராவின் கல்தூபி, நியுயார்க்தொகு

நியுயார்க் கிளியோபாட்ரா ஊசியை, எகிப்திய இசுலாமிய சுல்தான் முகமது அலி பாட்சாவால், ஐக்கிய அமெரிக்காவுக்கு பரிசாக வழங்கப்பட்டது.இது நியூயார்க் நகர மையப் பூங்காவில் உள்ளது. [6]

கிளியோபாட்ராவின் கல்தூபி, பாரிஸ்தொகு

எகிப்தின் பார்வோன் இரண்டாம் ராமேசஸ் என்பவர் அல்-உக்சுர் எனுமிடத்தில் நிறுவிய இந்த கல்தூபியை, கிபி 1828-இல் எகிப்தின் சுல்தான் முகமது அலி பாட்சா பிரான்சு மன்னருக்கு அன்பளிப்பாக வழங்கினார்.

படக்காட்சிகள்தொகு

இதனையும் காண்கதொகு

மேற்கோள்கள்தொகு

  1. Obelisk, PILLAR
  2. Lucas, Paul (1724). Voyage du sieur Paul Lucas, fait en MDCCXIV, &c. par ordre de Louis XIV dans la Turquie, l'Asie. Sourie, Palestine, haute & Basse Egypte, &c.. 2. Rouen. பக். 24–25. 
  3. {https://www.ancient-origins.net/artifacts-other-artifacts/cleopatra-s-needle-story-behind-obelisks-007051 Cleopatra’s Needle: The Story Behind the Obelisks]
  4. "Egyptians are upset by Britain’s disregard for a gift" (in en). The Economist. https://www.economist.com/middle-east-and-africa/2018/10/04/egyptians-are-upset-by-britains-disregard-for-a-gift. 
  5. Cleopatra’s Needle: How This Egyptian Monument Came to Be in London
  6. "Obelisk". Central Park Conservancy (February 12, 2015).

மேலும் படிக்கதொகு

வெளி இணைப்புகள்தொகு