குவீன் (2014 திரைப்படம்)

குவீன் (தமிழாக்கம்: அரசி) என்பது மார்ச்சு 7, 2014 அன்று வெளியான இந்தி மொழித் திரைப்படம் ஆகும். இத்திரைப்படத்தை விக்காசு பால் இயக்க, கங்கனா இரனாத்து தலைமை பாத்திரத்தில் நடித்திருந்தார்.

குவீன்
இயக்கம்	விக்காசு பால்
தயாரிப்பு	வையகாம் 18 மோசன் பிக்ச்சர்சு பேந்தம் பிக்ச்சர்சு
கதை	அன்வித்தா தட் குப்தன்
திரைக்கதை	விக்காசு பால் சைத்தலி பர்மர் பர்வீசு சேக்
இசை	அமித்து திரிவேதி
நடிப்பு	கங்கனா இரனாத்து இராச்சுகுமார் இராவு அலீசா எய்டண்
ஒளிப்பதிவு	பாபி சிங்கு
படத்தொகுப்பு	அபிச்சித்து கொக்கத்தே அனுராகு காசியப்பு
விநியோகம்	வையகாம் 18 மோசன் பிக்ச்சர்சு
வெளியீடு	7 மார்ச்சு 2014
ஓட்டம்	146 நிமிடங்கள்
நாடு	இந்தியா
மொழி	இந்தி
ஆக்கச்செலவு	12 கோடி
மொத்த வருவாய்	222 கோடி

கதை

இராணி மெகரா என்கிற பெண்ணுக்கு நடக்கவிருந்த திருமணம் மாப்பிள்ளையால் கடைசி நேரத்தில் நிறுத்தப்படுகிறது. திருமணம் முடிந்த கையோடு தேனிலவுக்கு பாரிசு செல்லலாம் என்று கனவு கண்டு பயணச்சீட்டெல்லாம் வாங்கி வைத்திருந்த நிலையில், இராணி தனியாகவே பாரிசு செல்ல முடிவெடுத்து, பயணம் என்னும் பாதையில் தன்னைத் தானே தேடிக் கொள்வது கதை.

நடிப்பு

இராணி மெகரா

என்னும் பாத்திரத்தில் நடித்தவர் கங்கனா இரனாத்து

விச்சயலட்சுமி

என்னும் பாத்திரத்தில் நடித்தவர் அலீசா எய்டண்

விச்சய்

என்னும் பாத்திரத்தில் நடித்தவர் இராச்சுகுமார் இராவு

ஒலெக்சாண்டர்

என்னும் பாத்திரத்தில் நடித்தவர் மிசு பொய்க்கோ

தாக்கா

என்னும் பாத்திரத்தில் நடித்தவர்

செப்புரி ஓ

திம்

என்னும் பாத்திரத்தில் நடித்தவர் யோசேப்பு கித்தோபு

தயாரிப்பு

இத்திரைப்படத்தை விக்காசு பால் இயக்க, வையகாம் 18 மற்றும் பேந்தம் பிக்ச்சர்சு இணைந்து தயாரித்திருந்தனர். இராணி மெகரா பாத்திரத்தில் நடிக்க முதலில் கரீனா கப்பூரும் பிரியங்கா சோப்ராவும் அணுகப்பட்டனர். இருவரும் மறுத்து விடவே கங்கனாவுக்கு வாய்ப்பு கிடைத்தது.

இத்திரைப்படத்தில் நடித்திருந்த இதர சில வெளிநாட்டவரை இலண்டனில் நேர்முகத்தேர்வு நடத்தி தேர்ந்தெடுத்தனர். 2012 இல் துவங்கி 45 நாட்களில் படப்பிடிப்பு முடிந்தது. இலண்டன், ஆம்சுடர்டாம் மற்றும் தில்லியில் படம்பிடித்தனர்.

90 விழுக்காடு படப்பிடிப்பு முடிந்த நிலையில், ஒளிப்பதிவாளர் பாபி சிங்கு ஆசுத்துமா தாக்கத்தால் 25 திசம்பர் 2012 அன்று காலமானார். மீதப் பணிகளை அனுராகு காசியப்பு முடித்தார்.

சர்ச்சை

2018 அக்டோபரில் பேந்தம் பிக்ச்சர்சின் முன்னாள் ஊழியர் ஒருவர் விக்காசு பால் தன்னிடம் முறை தவறி நடந்து கொண்டதாக குற்றஞ் சாட்டினார். இதனை கங்கனாவும் படத்தில் அவர் தோழியாக நடித்த நயனி என்கிற நடிகையும் வழிமொழிந்தனர். விளைவாக, விக்காசு பாலை தங்கள் தயாரிப்பு குழுவில் இருந்து நீக்கிய நிறுவனங்கள், அவர் மீது வழக்கு தொடுத்தன.

விமர்சனம்

குவீன் திரைப்படம்தான் மிகுதியான நேர்மறை விமர்சனங்களையும் இரசிகர்களின் அன்பையும் ஒரு சேரப் பெற்று இருநூறு கோடிக்கு மேல் வருவாய் ஈட்டியது.

62 ஆவது தேசிய திரைப்பட விருதுகள் நிகழ்ச்சியில் அந்த ஆண்டின் சிறந்த இந்தித் திரைப்படமாக இத்திரைப்படம் அறிவிக்கப்பட்டு விருது பெற்றது. அதே நிகழ்ச்சியில் சிறந்த நடிகைக்கான விருதைப் பெற்றார் கங்கனா இரனாத்து.

60 ஆவது பிலிம்பேர் விருது விழாவில் சிறந்த திரைப்படம், சிறந்த இயக்குநர், சிறந்த நடிகை, சிறந்த பின்னணி இசை, சிறந்த ஒளிப்பதிவாளர் மற்றும் சிறந்த தொகுப்பாளருக்கான விருதுகள் இத்திரைப்படத்தில் பணிபுரிந்தோருக்கு வழங்கப்பட்டது.

மேலும் பல்வேறு விருதுகளைப் பெற்றது இத்திரைப்படம்.

மீளுருவாக்கம்

இந்தியில் இத்திரைப்படத்தின் வெற்றியைத் தொடர்ந்து, தமிழில் காச்சல் அகர்வால் நடிக்க பாரிஸ் பாரிஸ் என்ற தலைப்பிலும், தெலுங்கில் தமன்னா நடிக்க தட் இஸ் மகாலக்ஷ்மி என்கிற தலைப்பிலும் மலையாளத்தில் மஞ்சிமா மோகன் நடிக்க ஃஜம் ஃஜம் என்ற தலைப்பிலும் கன்னடத்தில் பருல் யாதவ் நடிக்க பட்டர்ஃப்ளை என்ற தலைப்பிலும் மீளுருவாக்கம் செய்யப்பட்டு வெளியாக இருக்கிறது.