கேஎல்ஐஏ T2 நிலையம்

கேஎல்ஐஏ T2 நிலையம் அல்லது கோலாலம்பூர் பன்னாட்டு வானூர்தி நிலைய போக்குவரத்து நிலையம் 2 (ஆங்கிலம்: KLIA T2 ERL Station (KLIA); மலாய்: Stesen ERL KLIA2) என்பது மலேசியா, சிலாங்கூர், கோலாலம்பூர் பன்னாட்டு வானூர்தி நிலையத்தில் அமைந்துள்ள ஒரு விரைவுப் போக்குவரத்து (இஆர்எல்) (ERL) நிலையமாகும்.

KE3   KT6  கேஎல்ஐஏ T2 நிலையம் KLIA T2 ERL Station
கேஎல்ஐஏ T2 நிலையம்
பொது தகவல்கள்
வேறு பெயர்கள்	Stesen ERL KLIA2 吉隆坡国际机场二
அமைவிடம்	கோலாலம்பூர் பன்னாட்டு வானூர்தி நிலையம், சிப்பாங், சிலாங்கூர், மலேசியா
உரிமம்	விரைவுத் தொடருந்து இணைப்பு
நடைமேடை	1 தீவு மேடை
இருப்புப் பாதைகள்	2
வரலாறு
திறக்கப்பட்டது	2002
சேவைகள்
முந்தைய நிலையம்   சிப்பாங்   அடுத்த நிலையம்     கேஎல்ஐஏ T1 கோலாலம்பூர் சென்ட்ரல்   கேஎல்ஐஏ போக்குவரத்து   முடிவு கேஎல்ஐஏ T1 கோலாலம்பூர் சென்ட்ரல்   கேஎல்ஐஏ விரைவுத் தொடருந்து   முடிவு

முன்பு கேஎல்ஐஏ 2 என அறியப்பட்ட இந்த நிலையம், 2014 மே 2-ஆம் தேதி செயல்படத் தொடங்கியது. கேட்வே@கேஎல்ஐஏ2 (Gateway@klia2 Complex) வளாகத்தின் இரண்டாவது தளத்தில் இந்த நிலையம் அமைந்துள்ளது. இந்த நிலையம், இஆர்எல் சேவையின் இரண்டு வழித்தடங்களான கேஎல்ஐஏ விரைவுத் தொடருந்து மற்றும் கேஎல்ஐஏ போக்குவரத்து மூலம் சேவை செய்யப்படுகிறது.

பொது

கோலாலம்பூர் பன்னாட்டு வானூர்தி நிலையக் கட்டிடத்தின் முதல் தளத்தில் உள்ள கேஎல்ஐஏ T1 நிலையத்திற்கு, விரைவுத் தொடருந்து இணைப்பின் இரண்டு வழித்தடங்களான கேஎல்ஐஏ விரைவுத் தொடருந்து (KLIA Ekspres); மற்றும் கேஎல்ஐஏ போக்குவரத்து (KLIA Transit) எனும் வழித்தடங்களின் மூலமாகச் சேவை செய்யப்படுகிறது.

1998-ஆம் ஆண்டில் கட்டப்பட்ட கோலாலம்பூர் பன்னாட்டு வானூர்தி நிலையத்தில் ஒரு முதன்மை வானூர்தி முனையம் (Terminal) உள்ளது. அந்த வானூர்தி முனையத்தில் ஒரு தொடருந்து நிலையமும் உள்ளது. அதற்குப் பெயர் கேஎல்ஐஏ T1 நிலையம்.

கேஎல்ஐஏ நிலையம்

சிப்பாங் பன்னாட்டு வானூர்தி நிலையத்தின் தொடருந்து நிலையம் முன்பு கேஎல்ஐஏ நிலையம் என்று அழைக்கப்பட்டது. தற்போது 'கேஎல்ஐஏ T1 நிலையம்' என்று அழைக்கப்படுகிறது.

இந்த வானூர்தி தொடருந்து நிலையம்தான் முதன்முதலில் கட்டப்பட்டது. தற்போது இந்த வானூர்தி முனையத்திற்கு வழங்கப்படும் சேவைக்கு இஆர்எல் சேவை (Express Rail Link) (ERL) எனப் பெயர் வழங்கப்பட்டு உள்ளது.

கேஎல்ஐஏ 1 நிலையம்

கோலாலம்பூர் பன்னாட்டு வானூர்தி நிலையத்தைக் கட்டும் போதே முதல் இஆர்எல் சேவை தொடருந்து நிலையத்தையும் கட்டிவிட்டார்கள். அதன் அப்போதைய பெயர் கேஎல்ஐஏ 1 நிலையம். தற்போது கேஎல்ஐஏ T1 நிலையம் என பெயர் மாற்றம் செய்யப்பட்டுள்ளது.

2014 மே 1-ஆம் தேதி மலிவுவிலை வானூர்திச் சேவைகளுக்காக (Low Cost Carrier Terminal) (LCCT) ரிங்கிட் 4 பில்லியன் செலவில், அசல் வானூர்தி நிலையத்திற்கு 2 கிமீ அப்பால் இரண்டாவது வானூர்தி முனையம் கட்டப்பட்டது. அந்த முனையத்திற்காக மற்றும் ஒரு புதிய தொடருந்து நிலையமும் கட்டப்பட்டது. அந்த நிலையத்தின் தற்போதைய பெயர் கேஎல்ஐஏ T2 நிலையம் (KLIA T2) ஆகும்.

தடங்கள்

கேஎல்ஐஏ T1 நிலையம் மற்றும் கேஎல்ஐஏ T2 நிலையம் ஆகிய இரு நிலையங்களையும் இணைப்பதற்கு இரண்டு தொடருந்து தடங்கள் உள்ளன. தடம் ஏ (Platform A); மற்றும் தடம் பி (Platform B) என பெயர் வழங்கப்பட்டு உள்ளது. தடம் ஏ என்பதை கேஎல்ஐஏ விரைவுத் தொடருந்து பயன்படுத்துகிறது. தடம் பி என்பதை கேஎல்ஐஏ போக்குவரத்து பயன்படுத்துகிறது.

காட்சியகம்

• 
• 
• 
• 
• 

மேலும் காண்க

• கேஎல்ஐஏ T1 நிலையம்
• கேஎல்ஐஏ விரைவுத் தொடருந்து
• கேஎல்ஐஏ போக்குவரத்து
• மலேசிய தொடருந்து போக்குவரத்து
• கிள்ளான் பள்ளத்தாக்கின் ஒருங்கிணைந்த போக்குவரத்து அமைப்பு

வெளி இணைப்புகள்

• KLIA2 ERL Station | klia2.com.my
• KLIA Ekspres now serving KLIA2