கோயம்புத்தூர் சந்திப்பு தொடருந்து நிலையம்

கோயம்புத்தூர் சந்திப்பு (Coimbatore Junction, நிலையக் குறியீடு:CBE) கோயம்புத்தூர் நகரின் மையப்பகுதியில் அமைந்துள்ள முதன்மை தொடருந்து நிலையம் ஆகும். இந்நிலையத்தில் ஆறு நடைமேடைகள் உள்ளன. சுமார் 20 இரும்பு பாதைகளை உடைய தென்னிந்தியாவின் பெரிய இரயில் நிலையங்களுல் ஒன்றாகும்.

கோயம்புத்தூர் சந்திப்பு
தொடருந்து நிலையத்தின் பிரதான நுழைவாயில்
பொது தகவல்கள்
அமைவிடம்	ஸ்டேட்பேங்க் சாலை, கோயம்புத்தூர், தமிழ்நாடு, இந்தியா
ஆள்கூறுகள்	10.996365°N 76.967222°E / 10.996365; 76.967222
ஏற்றம்	411.2 மீட்டர்கள் (1,349 அடி)
உரிமம்	இந்திய இரயில்வே
இயக்குபவர்	தென்னக இரயில்வே
நடைமேடை	6
இருப்புப் பாதைகள்	20
இணைப்புக்கள்	பேருந்து, வாடகையுந்து
கட்டமைப்பு
தரிப்பிடம்	உண்டு
துவிச்சக்கர வண்டி வசதிகள்	ஆம்
மற்ற தகவல்கள்
நிலை	இயக்கத்தில்
நிலையக் குறியீடு	CBE
பயணக்கட்டண வலயம்	தென்னக இரயில்வே
வரலாறு
திறக்கப்பட்டது	1861 (1861)
மின்சாரமயம்	ஆம்
போக்குவரத்து
பயணிகள்	தோராயமாக 1,00,000/ஒருநாளைக்கு
அமைவிடம்
கோயம்புத்தூர் சந்திப்பு தமிழக வரைபடத்தில் உள்ள இடம் கோயம்புத்தூர் சந்திப்பு இந்திய வரைபடத்தில் உள்ள இடம்

இதன் பெயரில் சந்திப்பு என்று இருந்தாலும் தொழில்நுட்பரீதியாக இங்கு தொடருந்து பாதைகள் எதுவும் சந்திப்பதோ பிரிவதோ இல்லை. உண்மையான சந்திப்புகள் கோவை வடக்கு சந்திப்பு (2.6 கி.மீ வடக்கே), போத்தனூர் (5.8 கிமீ தெற்கே) மற்றும் இருகூர்(16 கிமீ கிழக்கே). கோயம்புத்தூர் சந்திப்பில் இருந்து செல்லும் வழித் தடங்களில் கோயம்புத்தூர்- மதுரை மட்டும் 'மீட்டர் கேஜ்'-லிருந்து 'பிராட் கேஜ்' (அகலப் பாதையாக) மாற்றம் செய்யப்பட்டு வருகிறது. பிற தடங்கள் முன்னரே அகலப்பாதையாக மாற்றப்பட்டுவிட்டன.

வரலாறு

கோவையின் முதல் இரயில்நிலையமாக போத்தனூர் சந்திப்பே செயல்பட்டு வந்தது. பின் போத்தனூர் வழித்தடம் கோயம்புத்தூர் இரயில் நிலையத்துடன் இணைக்கப்பட்டது. பின் கோவை - மேட்டுப்பாளையம் பாதையில் (கோயம்புத்தூர் வடக்கு சந்திப்பு வழியாக) நீட்டிக்கப்பட்டது.

வசதிகள்

நடைமேடை 1 மற்றும் 2 இல் உணவு வளாகங்கள் அமைந்துள்ளன. 1,2,3,4 நடைமேடைகளில் உணவுக்கடைகள் உள்ளன. நடைமேடை 1 மற்றும் 2இல் தங்கும் அறைகள் உள்ளன, நடைமேடை 1 மற்றும் 2 இறுதியில் பழக்கடையும் உண்டு.

நடைமேடை 1-4களில் பல தேநீர் மற்றும் பால் கடைகளும் தொலைபேசி சிற்றறைகளும் உள்ளன. நிலையத்தின் முகப்பிலும் இவை உள்ளன. நுழைவாயிலருகே இணைய உலாவுமையமும் உள்ளது.

வருமானம்

கோவை சந்திப்பு நிலையம் மட்டுமே ஆண்டொன்றிற்கு ரூ.3,859 மில்லியன் ஈட்டுகிறது. இது கோட்ட வருமானத்தில் 45% ஆகும். மேலும் சேலம் கோட்டத்திலேயே கோவை முதன்மையான ரயில் நிலையமாகும்.

முக்கிய புறப்படும் விரைவுவண்டிகள்

வண்டி எண்.	வண்டி பெயர்	சேரும் இடம்	பிரிவு	இயக்கம்	புறப்படும் நேரம்
12673/12674	சேரன் விரைவுவண்டி	சென்னை	அதிவேக விரைவுவண்டி	தினமும்	22:20
12671/12672	நீலகிரி விரைவுவண்டி	சென்னை	அதிவேக விரைவுவண்டி	தினமும்	20:55
12675/12676	கோவை விரைவுவண்டி	சென்னை	அதிவேக விரைவுவண்டி	தினமும்	14:20
12679/12680	நகரிடை விரைவுவண்டி	சென்னை	அதிவேக விரைவுவண்டி	தினமும்	06:15
12243/12244	டுரன்டோ விரைவுவண்டி	சென்னை	டுரன்டோ	செவ்வாய் தவிர	15:20
12681/12682	சென்னை விரைவுவண்டி	சென்னை	அதிவேக விரைவுவண்டி	வாரந்தோறும்	23:45
16609/16610	நாகர்கோவில் விரைவுவண்டி	நாகர்கோவில்	விரைவுவண்டி	தினமும்	20:30
12083/12084	ஜனசதாப்தி விரைவுவண்டி	மயிலாடுதுறை	ஜனசதாப்தி	செவ்வாய் தவிர	07:00
16615/16616	செம்மொழி விரைவுவண்டி	நீடாமங்கலம்	விரைவுவண்டி	தினமும்	23:55
11013/11014	குர்லா விரைவுவண்டி	லோகமான்ய திலக் மும்பை	விரைவுவண்டி	தினமும்	08:45
12626/12627	கொங்கு விரைவுவண்டி	நிஜாமுதீன் (தில்லி)	அதிவேக விரைவுவண்டி	வாரந்தோறும்	14:15
12969/12970	ஜெய்பூர் விரைவுவண்டி	செய்ப்பூர்	அதிவேக விரைவுவண்டி	வாரந்தோறும்	09:20
16613/16614	இராஜ்கோட் விரைவுவண்டி	இராஜ்கோட்	விரைவுவண்டி	வாரந்தோறும்	23:45
22609/22610	நகரிடை விரைவுவண்டி	மங்களூரு	அதிவேக விரைவுவண்டி	தினமும்	06:20
22616/22615	நகரிடை விரைவுவண்டி	திருப்பதி	அதிவேக விரைவுவண்டி	வாராந்திர நான்கு முறை	06:00
22475/22476	குளிர் சாதன விரைவுவண்டி	பிகனிர்	அதிவேக விரைவுவண்டி	வாரந்தோறும்	15:20

முக்கிய புறப்படும் பயணிகள் வண்டி

• நாகர்கோவில் பயணிகள் வண்டி
• மங்களூரு பயணிகள் வண்டி
• ஈரோடு பயணிகள் வண்டி
• கண்ணனூர் பயணிகள் வண்டி
• மேட்டுப்பாளையம் பயணிகள் வண்டி
• பாலக்காடு பயணிகள் வண்டி
• சோரனூர் பயணிகள் வண்டி
• திருச்சூர் பயணிகள் வண்டி