சியாங்ஜா மாவட்டம்

சியாங்ஜா மாவட்டம் (Syangja District) (நேபாளி: स्याङ्जा जिल्लाAbout this soundகேட்க ) தெற்காசியாவில் நேபாளத்தின், மேற்கு வளர்ச்சி பிராந்தியத்தில், மாநில எண் 4-இல் அமைந்துள்ளது. நேபாளத்தின் எழுபத்தி ஐந்து மாவட்டங்களில் சியாங்ஜா மாவட்டமும் ஒன்றாகும். இம்மாவட்ட நிர்வாகத் தலைமையிட நகரம் சியாங்ஜா பஜார் ஆகும்.

நேபாளத்தில் சியாங்ஜா மாவட்டத்தின் அமைவிடம்
சியாங்ஜா பஜார், மாவட்டத் தலைமையிட நகரம்

கண்டகி மண்டலத்தில் அமைந்த இம்மாவட்டம் 1,164 சதுர கிலோ மீட்டர் பரப்பளவு கொண்டது.

மக்கள் தொகையியல்தொகு

2011-ஆம் ஆண்டு மக்கள் தொகை கணக்கெடுப்பின் படி, சியாங்ஜா மாவட்ட மக்கள் தொகை 2,89,148 ஆகும். [1] இம்மாவட்டத்தில் இந்து சமயத்தவர்கள் 86.07% ஆகவும், இசுலாமியர்கள் 0.58% ஆகவும், பௌத்தர்கள் 12.47% ஆகவும், கிறித்தவர்கள் 0.07% ஆகவும், மற்ற சமயத்தவர்கள் 0.08% ஆகவும் உள்ளனர். இம்மாவட்டத்தில் அந்தணர், சத்திரியர், குரூங், மகர் மற்றும் பிற இனத்தவர்கள் வாழ்கின்றனர். குரூங் மற்றும் மகர் இன மக்கள் பிரித்தானிய இந்தியப் பேரரசின் போர்ப் படைகளில் ஒன்றான கூர்க்கா படையணியில் பணிபுரிந்தனர். தற்போதும் இந்திய இரானுவத்தில் இம்மக்கள் பணிபுரிகின்றனர்.

சாலை வசதிகள்தொகு

மேற்கு நேபாள பிராந்தியத்தின் முக்கிய நகரங்களான பொக்காரா மற்றும் பைரவா நகரங்களுடன் சியாங்ஜா பஜார் நகரம், சித்தார்த்தா நெடுஞ்சாலை வழியாக இணைக்கிறது.

நீர் மின் உற்பத்திதொகு

இம்மாவட்டத்தில் பாயும் காளிகண்டகி ஆற்றின் குறுக்கே நீர்த்தேக்கம் கட்டி, 144 மெகா வாட் மின்சாரம் உற்பத்தி செய்யப்படுகிறது.

புவியியல் மற்றும் தட்ப வெப்பம்தொகு

இம்மாவட்டம் கடல் மட்டத்திலிருந்து 300 மீட்டர் முதல் 2,000 மீட்டர் உயரம் வரை இமயமலையில் பரவியுள்ளது. எனவே இம்மாவட்டத்தின் தட்ப வெப்பம் கீழ் வெப்ப மண்டலம், மேல் வெப்ப மண்டலம், மிதவெப்ப வளையம் என மூன்று காலநிலைகளில் காணப்படுகிறது. [2]

மாவட்ட உள்ளாட்சி நிர்வாகம்தொகு

 
சியாங்ஜா மாவட்டத்தின் நகராட்சிகளையும், கிராம வளர்ச்சி மன்றங்களையும் காட்டும் வரைபடம்

இம்மாவட்டம் புத்தலி பஜார் நகராட்சி, வாலிங் நகராட்சி, சாப்பாகோட் நகராட்சி மற்றும் பீர்கோட் நகராட்சி என நான்கு நகராட்சி மன்றங்களையும், அறுபது கிராம வளர்ச்சி மன்றங்களையும் கொண்டுள்ளது. [3]

இதனையும் காண்கதொகு

மேற்கோள்கள்தொகு

  1. "National Population and Housing Census 2011(National Report)". Government of Nepal. Central Bureau of Statistics. November 2012. http://cbs.gov.np/wp-content/uploads/2012/11/National%20Report.pdf. பார்த்த நாள்: November 2012. 
  2. The Map of Potential Vegetation of Nepal - a forestry/agroecological/biodiversity classification system (PDF), Forest & Landscape Development and Environment Series 2-2005 and CFC-TIS Document Series No.110., 2005, ISBN 87-7903-210-9, Nov 22, 2013 அன்று பார்க்கப்பட்டது horizontal tab character in |series= at position 89 (உதவி)
  3. "Municipalities in Nepal: their Websites, Official Facebook Page & ICT • TechSansar.com" (en-US).

வெளி இணைப்புகள்தொகு

ஆள்கூறுகள்: 28°05′49″N 83°49′19″E / 28.09694°N 83.82194°E / 28.09694; 83.82194

"https://ta.wikipedia.org/w/index.php?title=சியாங்ஜா_மாவட்டம்&oldid=2167550" இருந்து மீள்விக்கப்பட்டது